Vunau ni Soro 12
12
Veivakasavasavataki ni Oti na Vakasucu
1A sa vosa vei Mosese o Jiova, ka kaya: 2Mo vosa vei ira na Isireli, ka kaya:
Kevaka sa kunekune na yalewa, ka vakasucuma na gonetagane, ena sega ni savasava tiko o yalewa me siga vitu, ka vaka talega kina na gauna ni nona matenivula, ena sega ni savasava vakakina o koya. 3Ena i kawalu ni siga, me qai cilivi na gonetagane.#Vteki 17.12; Luke 2.21 4Na gauna ni nona vakasavasavataki na yalewa mai na dra ni nona vakasucu e tolusagavulu katolu na bogi; ka me kakua ni tara o koya e dua na ka tabu, se curu ki na vale tabu me yacova sara na siga sa oti kina na nona vakasavasavataki.
5Ia kevaka sa vakasucuma e dua na goneyalewa, ena qai sega ni savasava me rua na macawa, me vaka ena gauna sa tauvi koya kina na nona matenivula; ia na balavu ni gauna ni nona vakasavasavataki mai na dra e sa 66 na siga taucoko. 6Ia ni sa oti na siga sa vakasavasavataki kina, kevaka e mani tagane se yalewa na gone, me qai kauta mai o koya vua na bete ena katuba ni Vale ni Veitavaki e dua na lami sa yabaki dua me i soro kama, ka dua na ruve gone, se na soqe, me i soro ni valavala ca. 7Me qai vakacabora na bete na nona i soro ena mata i Jiova ka sorovaki koya; ena qai vakasavasavataki mai na dra ka drodro mai vua. Sa vakaoqo na i vakaro ena vuku i koya na yalewa sa vakasucuma e dua na gone, se mani tagane se yalewa.
8Ia kevaka sa sega ni volia rawa e dua na lami, me qai kauta e rua na soqe, se rua na ruve gone; e dua me i soro kama, ka dua me i soro ni valavala ca; ena qai sorovaki koya kina na bete, ena qai savasava o koya.#Luke 2.24
Currently Selected:
Vunau ni Soro 12: FNVDC12
Highlight
Copy
Compare
Share
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
