Esera 4
4
Na Vakalatilati ki na Tara Vale
1Era sa rogoca na kedra meca na Juta kei na Penijamini ni ra sa mai tara vou tale tiko na Valenisoro i Jiova na nodra Kalou na Isireli o ira sa suka lesu mai na veivakabobulataki. 2Era a mani la'ki raici Serupepeli kina kei ira na turaga ni mataqali, ka kaya vei ira: “Ni yalovinaka ka vakadonuya me keimami mai tomani kemuni ena tara ni Valenisoro. O keimami oqo sa qarava talega na Kalou o ni qarava, ka keimami dau vakacaboisoro vua me vakatekivu sara mai na gauna a vakauti keimami mai kina ki ke o Esaatoni, na tui Asiria, me keimami mai tiko kina.”#2Tui 17.24-41
3Sa qai sauma vei ira o Serupepeli, kei Josua, kei ira na turaga ni mataqali, ka vaka: “Keimami sa sega ni vinakata na nomuni veivuke ena kena tara tiko oqo na Valenisoro i Jiova na neimami Kalou. Keimami na tara ga vakataki keimami na vale oqo, me vaka ga sa vakarota vei keimami o Sairusi na Tui Perisia.”
4Era sa qai tovolea me ra vakayalolailaitaki ira ka vakarerei ira na Jiu o ira na tamata era sa vakaitikotiko e kea, o ya me tarovi na tara vale. 5Era sa cakava talega eso na ka ena sala butobuto me ra saqata talega vakakina na tara ni vale o ira na i vakalesilesi ni matanitu o Perisia. A sa ia tikoga na vakalatilati vakaoqo ena gauna taucoko ni veiliutaki vakatui nei Sairusi ka yacova yani na veiliutaki nei Taraiasi na tui.#4.5 Taraiasi: Na i toma ni veika e yaco oqo e koto ena tikina e 24. Na i tukutuku e koto oqo e ra (tikina 6-23) e dusia na veika e qai yaco e muri ni oti tale e rauta ni 100 na yabaki.
Saqati me Tara Vou Tale o Jerusalemi
6Ena i tekivu ni gauna ni veiliutaki vakatui nei Asuerosi, era sa vola na kedra meca na tamata era tiko mai Juta kei Jerusalemi e dua na vola ni veibeitaki me baleti ira.#Esi 1.1
7E dua tale, o ya ena gauna ni veiliutaki vakatui Perisia nei Atakisekise, a ratou volavola vua na tui o Pisalami, kei Miciritaci, vata kei Tapeli. A volai na i vola oqo ena vosa vaka-Arameka#4.7 arameka: Mai na 4.8 ki na 6.18 na i vola oqo e sega ni a volai vakaiperiu, ia ena vosa ga vaka-Arameka, o ya na nodra vosa na matanitu o Perisia. ka me qai vakadewataki ena gauna e wiliki kina.
8Kei na dua tale, a rau a vola talega o Riumi na kovana vata kei Simisei na vunivola ni yasana e dua na i vola vei Atakisekise na tui me baleti Jerusalemi, me vakaoqo:
9“Mai vei Riumi na kovana, mai vei Simisei na vunivola ni yasana, mai vei ira na nodrau i tokani na turaganilewa, vata kei ira kece sara na i vakalesilesi ka ra lewena o ira era cavutu taumada mai Ereki, kei Papiloni, kei Susa ena vanua o Ilama, 10ka vakakina o ira na vo ni tamata sa kauti ira na tamata kaukauwa ka qaqa oqo o Osinapa mai na nodra veivale ka vakatikori ira ena koro o Samaria kei na veitikina eso ena yasana o Ra ni Uferetisi.”
11Oqo na lewe ni nodra i vola:
“Kivei Atakisekise na Tui, mai vei ira na nona liga ni cakacaka mai na Ra ni Uferetisi.
12“Keimami gadreva saka mo ni kila na tui ni o ira na Jiu sa lako mai ki ke mai na nomuni vanua qali tale eso era sa mai tiko vinaka oqo e Jerusalemi, ka ra sa tara cake tale tiko na koro ca ka talaidredre oqo. Ena gauna oqo era sa tara vou tale tiko na koro dauveivorati ka vakasisila o ya. Era sa tekivuna oti na kena tarai vou tale na bainikoro ka sega ni dede ni ra sa na vakaotia. 13Kemuni saka na tui, kevaka sa tarai cake vou tale na koro oqo ka viri oti vakavinaka tale na kena bai, era na muduka na nodra saumi vakacavacava na tamata oqo, ka na lailai sobu kina na nomuni i lavo kumuni. 14Me vaka saka ni keimami sa vakarurugi tiko ena nomuni lewa vakatui, keimami sega kina ni vinakata me yaco na ka oqo, ka keimami sa vakatura kina 15mo ni vakarota mada me caka e dua na vakadidike me baleta na veitukutuku maroroi ni nomuni qase. Kevaka sa vakakina, o ni na kunea ni sa koro dautalaidredre na koro oqo, ka sa dau vakamosi ulu tu ga vei ira na tui kei ira na i liuliu ni veiyasana ena veigauna sa oti. Era sa dau lewalewai dredre tu ga na kena tamata. Sa i koya saka oqo na vuna sa vakarusai kina. 16Keimami vakabauta ni kevaka ena tara oti tale na koro oqo ka viri na kena bai, sa na qai sega vei kemuni na kaukauwa mo ni lewa kina na yasana ena Ra ni Uferetisi.”
17A sa volavola lesu na Tui, me vakaoqo:
“Vei Riumi na kovana, kei Simisei na vunivola ni yasana, kei ira na nodrau i tokani o ni tu oqori mai Samaria kei na veivanua tale eso ena Ra ni Uferetisi. Ni sa bula vinaka.
18“Na i vola o ni a vola mai e sa mai wiliki sara na kena i vakavakadewa vei au. 19Au sa vakarota oti me caka na kena veivaqaqai, ka sa kunei kina ni koro o Jerusalemi e sa dau saqata vakaukauwa na veiliutaki vakatui ena gauna e liu, ka ra sinai kina na tamata talaidredre ki na matanitu kei ira na dauvakatubu ca. 20Era sa veiliutaki oti ena yasana kece ni Ra ni Uferetisi e vuqa na tui kaukauwa ka qaqa, ka ra sa kumuna na i vakacavacava kei na i lavo ni matanitu. 21Ena vuku ni ka oqo, mo dou solia kina na i vakaro me ra sa muduka na tamata oqori na cakacaka ni kena tara vou tale na koro me yacova na noqu i vakaro e tarava. 22Dou kitaka na ka oqo, me kakua kina ni qai vakatubu leqa tale vei au.”
23Ni sa wiliki oti ga na i vola i Atakisekise na tui vei Riumi, kei Simisei, kei ira na nodrau i tokani, era sa vakusakusa sara yani ki Jerusalemi ka vakasaurarataki ira vakaukauwa na Jiu me ra muduka na nodra cakacaka.
24A sa tarovi vakaoqo na cakacaka ni Valenisoro ka sega ni toso rawa e dua na ka me yacova na i karua ni yabaki ni veiliutaki vakatui nei Taraiasi e Perisia.#Ake 1.1; Saka 1.1
Currently Selected:
Esera 4: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
Esera 4
4
Na Vakalatilati ki na Tara Vale
1Era sa rogoca na kedra meca na Juta kei na Penijamini ni ra sa mai tara vou tale tiko na Valenisoro i Jiova na nodra Kalou na Isireli o ira sa suka lesu mai na veivakabobulataki. 2Era a mani la'ki raici Serupepeli kina kei ira na turaga ni mataqali, ka kaya vei ira: “Ni yalovinaka ka vakadonuya me keimami mai tomani kemuni ena tara ni Valenisoro. O keimami oqo sa qarava talega na Kalou o ni qarava, ka keimami dau vakacaboisoro vua me vakatekivu sara mai na gauna a vakauti keimami mai kina ki ke o Esaatoni, na tui Asiria, me keimami mai tiko kina.”#2Tui 17.24-41
3Sa qai sauma vei ira o Serupepeli, kei Josua, kei ira na turaga ni mataqali, ka vaka: “Keimami sa sega ni vinakata na nomuni veivuke ena kena tara tiko oqo na Valenisoro i Jiova na neimami Kalou. Keimami na tara ga vakataki keimami na vale oqo, me vaka ga sa vakarota vei keimami o Sairusi na Tui Perisia.”
4Era sa qai tovolea me ra vakayalolailaitaki ira ka vakarerei ira na Jiu o ira na tamata era sa vakaitikotiko e kea, o ya me tarovi na tara vale. 5Era sa cakava talega eso na ka ena sala butobuto me ra saqata talega vakakina na tara ni vale o ira na i vakalesilesi ni matanitu o Perisia. A sa ia tikoga na vakalatilati vakaoqo ena gauna taucoko ni veiliutaki vakatui nei Sairusi ka yacova yani na veiliutaki nei Taraiasi na tui.#4.5 Taraiasi: Na i toma ni veika e yaco oqo e koto ena tikina e 24. Na i tukutuku e koto oqo e ra (tikina 6-23) e dusia na veika e qai yaco e muri ni oti tale e rauta ni 100 na yabaki.
Saqati me Tara Vou Tale o Jerusalemi
6Ena i tekivu ni gauna ni veiliutaki vakatui nei Asuerosi, era sa vola na kedra meca na tamata era tiko mai Juta kei Jerusalemi e dua na vola ni veibeitaki me baleti ira.#Esi 1.1
7E dua tale, o ya ena gauna ni veiliutaki vakatui Perisia nei Atakisekise, a ratou volavola vua na tui o Pisalami, kei Miciritaci, vata kei Tapeli. A volai na i vola oqo ena vosa vaka-Arameka#4.7 arameka: Mai na 4.8 ki na 6.18 na i vola oqo e sega ni a volai vakaiperiu, ia ena vosa ga vaka-Arameka, o ya na nodra vosa na matanitu o Perisia. ka me qai vakadewataki ena gauna e wiliki kina.
8Kei na dua tale, a rau a vola talega o Riumi na kovana vata kei Simisei na vunivola ni yasana e dua na i vola vei Atakisekise na tui me baleti Jerusalemi, me vakaoqo:
9“Mai vei Riumi na kovana, mai vei Simisei na vunivola ni yasana, mai vei ira na nodrau i tokani na turaganilewa, vata kei ira kece sara na i vakalesilesi ka ra lewena o ira era cavutu taumada mai Ereki, kei Papiloni, kei Susa ena vanua o Ilama, 10ka vakakina o ira na vo ni tamata sa kauti ira na tamata kaukauwa ka qaqa oqo o Osinapa mai na nodra veivale ka vakatikori ira ena koro o Samaria kei na veitikina eso ena yasana o Ra ni Uferetisi.”
11Oqo na lewe ni nodra i vola:
“Kivei Atakisekise na Tui, mai vei ira na nona liga ni cakacaka mai na Ra ni Uferetisi.
12“Keimami gadreva saka mo ni kila na tui ni o ira na Jiu sa lako mai ki ke mai na nomuni vanua qali tale eso era sa mai tiko vinaka oqo e Jerusalemi, ka ra sa tara cake tale tiko na koro ca ka talaidredre oqo. Ena gauna oqo era sa tara vou tale tiko na koro dauveivorati ka vakasisila o ya. Era sa tekivuna oti na kena tarai vou tale na bainikoro ka sega ni dede ni ra sa na vakaotia. 13Kemuni saka na tui, kevaka sa tarai cake vou tale na koro oqo ka viri oti vakavinaka tale na kena bai, era na muduka na nodra saumi vakacavacava na tamata oqo, ka na lailai sobu kina na nomuni i lavo kumuni. 14Me vaka saka ni keimami sa vakarurugi tiko ena nomuni lewa vakatui, keimami sega kina ni vinakata me yaco na ka oqo, ka keimami sa vakatura kina 15mo ni vakarota mada me caka e dua na vakadidike me baleta na veitukutuku maroroi ni nomuni qase. Kevaka sa vakakina, o ni na kunea ni sa koro dautalaidredre na koro oqo, ka sa dau vakamosi ulu tu ga vei ira na tui kei ira na i liuliu ni veiyasana ena veigauna sa oti. Era sa dau lewalewai dredre tu ga na kena tamata. Sa i koya saka oqo na vuna sa vakarusai kina. 16Keimami vakabauta ni kevaka ena tara oti tale na koro oqo ka viri na kena bai, sa na qai sega vei kemuni na kaukauwa mo ni lewa kina na yasana ena Ra ni Uferetisi.”
17A sa volavola lesu na Tui, me vakaoqo:
“Vei Riumi na kovana, kei Simisei na vunivola ni yasana, kei ira na nodrau i tokani o ni tu oqori mai Samaria kei na veivanua tale eso ena Ra ni Uferetisi. Ni sa bula vinaka.
18“Na i vola o ni a vola mai e sa mai wiliki sara na kena i vakavakadewa vei au. 19Au sa vakarota oti me caka na kena veivaqaqai, ka sa kunei kina ni koro o Jerusalemi e sa dau saqata vakaukauwa na veiliutaki vakatui ena gauna e liu, ka ra sinai kina na tamata talaidredre ki na matanitu kei ira na dauvakatubu ca. 20Era sa veiliutaki oti ena yasana kece ni Ra ni Uferetisi e vuqa na tui kaukauwa ka qaqa, ka ra sa kumuna na i vakacavacava kei na i lavo ni matanitu. 21Ena vuku ni ka oqo, mo dou solia kina na i vakaro me ra sa muduka na tamata oqori na cakacaka ni kena tara vou tale na koro me yacova na noqu i vakaro e tarava. 22Dou kitaka na ka oqo, me kakua kina ni qai vakatubu leqa tale vei au.”
23Ni sa wiliki oti ga na i vola i Atakisekise na tui vei Riumi, kei Simisei, kei ira na nodrau i tokani, era sa vakusakusa sara yani ki Jerusalemi ka vakasaurarataki ira vakaukauwa na Jiu me ra muduka na nodra cakacaka.
24A sa tarovi vakaoqo na cakacaka ni Valenisoro ka sega ni toso rawa e dua na ka me yacova na i karua ni yabaki ni veiliutaki vakatui nei Taraiasi e Perisia.#Ake 1.1; Saka 1.1
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.