Esera 3
3
Tekivutaki Tale na Sokalou
1Ni sa yaco mai na i kavitu ni vula, era sa tiko vakavinaka tale ena nodra veikoro na Isireli. Era a qai soqoni vata yani ki Jerusalemi. 2A ratou sa ia o Josua na luve i Josateki kei ira na nona matabete, vata kei Serupepeli na luve i Sialitieli kei ira na wekana, me tara cake vou tale na i cabocabonisoro ni nodra Kalou na Isireli, me rawa kina ni ra qarava na i soro kama me vaka na kena i vakarau sa volai tu ena Lawa i Mosese na tamata ni Kalou.#Lako 27.1 3E dina ga ni ra a rerevaki ira na tamata era sa tiko wavoliti ira, era sa tara cake ga na i cabocabonisoro ena kena i tikotiko makawa. Era sa qai tekivuna tale na nodra vakacaboisoro me vaka na kena i valavala ena veimataka kei na veiyakavi.#Tiko 28.1-8 4Era sa qarava na Solevu ni Valetabanikau me vaka na kena i vakarau; era sa vakacabora ena veisiga na veisoro duidui eso sa gadrevi me cabori ena siga o ya.#Tiko 29.12-38 5Me kena i kuri, era sa cabora talega ena kena gauna dodonu na i soro kama e cabori umauma, kei na kena me cabori ena Solevu ni Vula Vou, kei na kena e dau vakacabori ena veigauna ni soqo ni kana magiti vei Jiova, kei na i soro kecega sa kau mai ena lomasoli me ka ni loloma vei Jiova.#Tiko 28.11–29.39 6E dina ga ni se bera ni tekivu na kena tara vou tale na Valenisoro, ia sa tekivu ga na sokalou ena kena cabori na i soro kama vei Jiova ena i matai ni siga ni kavitu ni vula.
Tekivu Tara Vou Tale na Vale ni Kalou
7Era sa soli i lavo na tamata me kedra i sau na daubuli vatu ni vale kei ira na matai, ka ra solia na kakana, na gunu, kei na waiwai vei ira na kai Taia kei Saitoni me veivoli vata kei na kau sitari mai Lepanoni, ka me vakauti mai ki Jopa oqo ena sala vaka ki wasawasa. A sa vakayacori na veika oqo ena veivakadonui nei Sairusi na Tui Perisia. 8A sa qai tekivu na nodra cakacaka ena i karua ni yabaki ni nodra sa lesu tale mai ki na i tikotiko makawa ni Valenisoro e Jerusalemi, ena i karua ni vula. Eratou sa veitauriligataka na cakacaka o Serupepeli, kei Josua, kei ira na vo ni wekadra, kei ira na bete, kei ira na Livai, vata kei ira kecega era sa lesu mai na veivakabobulataki. Era sa lesi na Livai sa 20 na nodra yabaki se qase cake me ra liutaka na cakacaka ni kena tara cake tale na Valenisoro. 9A sa veivuketaka na kena liutaki na cakacaka ni Valenisoro na Livai o Jesua kei iratou na luvena tagane kei ira na wekana, ka vakakina o Katimieli kei iratou na luvena tagane (mai na kawa i Otavaia). (E ratou sa vukei oqo mai vei ira na Livai mai na kawa i Enatati.)
10Ni sa tekivu me ra qarava na cakacaka ni vakasobu duru ni Valenisoro na matai, era sa qai duri ena nodra tikina vakarautaki o ira na bete ena nodra i sulu vakabete kei na davui e ligadra, ka ra tucake mai kea o ira na Livai mai na kawa i Esava kei na nodra sibali. Era sa qai ia na vakacaucautaki Jiova me vaka na i vakaro sa vakadewataki sobu mai na gauna i Tevita na tui.#1Vei 25.1 11Era sa lagata vata na sere ni vakavinavinaka vei Jiova, ka lesuva na i taletale ni sere:#1Vei 16.34; 2Vei 5.13; 7.3; Same 100.5; 106.1; 107.1; 118.1; 136.1; Jere 33.11
“Sa yalovinaka o Jiova, sa sega ni mudu na nona yalololoma vei Isireli.”
Era sa tabalaka cake na nodra kaila ni vakacaucautaki Jiova na tamata kecega, baleta ni sa tekivutaki rawa na cakacaka ni kena vakadavori na yavu ni Valenisoro. 12E vuqa vei ira sa qase cake sara ena kedra maliwa na bete kei na Livai kei ira turaga ni mataqali, ka ra sa raica oti na i matai ni Valenisoro, era sa vakaisaisa ga ka tagi ni ra sarava tiko na vakadavori ni yavu ni Valenisoro vou oqo. Ia o ira na kena vo era tu e kea, era sa vakarewa kaila ga ena levu ni marau. 13Ia sa sega ni dua e kila rawa na kedrau duidui na rorogo ni kaila ni marau kei na rorogo ni tagi, baleta ni sa ka levu sara na voqa ni domodra ka rawa ni rogoci mai na vanua yawa.
Currently Selected:
Esera 3: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
Esera 3
3
Tekivutaki Tale na Sokalou
1Ni sa yaco mai na i kavitu ni vula, era sa tiko vakavinaka tale ena nodra veikoro na Isireli. Era a qai soqoni vata yani ki Jerusalemi. 2A ratou sa ia o Josua na luve i Josateki kei ira na nona matabete, vata kei Serupepeli na luve i Sialitieli kei ira na wekana, me tara cake vou tale na i cabocabonisoro ni nodra Kalou na Isireli, me rawa kina ni ra qarava na i soro kama me vaka na kena i vakarau sa volai tu ena Lawa i Mosese na tamata ni Kalou.#Lako 27.1 3E dina ga ni ra a rerevaki ira na tamata era sa tiko wavoliti ira, era sa tara cake ga na i cabocabonisoro ena kena i tikotiko makawa. Era sa qai tekivuna tale na nodra vakacaboisoro me vaka na kena i valavala ena veimataka kei na veiyakavi.#Tiko 28.1-8 4Era sa qarava na Solevu ni Valetabanikau me vaka na kena i vakarau; era sa vakacabora ena veisiga na veisoro duidui eso sa gadrevi me cabori ena siga o ya.#Tiko 29.12-38 5Me kena i kuri, era sa cabora talega ena kena gauna dodonu na i soro kama e cabori umauma, kei na kena me cabori ena Solevu ni Vula Vou, kei na kena e dau vakacabori ena veigauna ni soqo ni kana magiti vei Jiova, kei na i soro kecega sa kau mai ena lomasoli me ka ni loloma vei Jiova.#Tiko 28.11–29.39 6E dina ga ni se bera ni tekivu na kena tara vou tale na Valenisoro, ia sa tekivu ga na sokalou ena kena cabori na i soro kama vei Jiova ena i matai ni siga ni kavitu ni vula.
Tekivu Tara Vou Tale na Vale ni Kalou
7Era sa soli i lavo na tamata me kedra i sau na daubuli vatu ni vale kei ira na matai, ka ra solia na kakana, na gunu, kei na waiwai vei ira na kai Taia kei Saitoni me veivoli vata kei na kau sitari mai Lepanoni, ka me vakauti mai ki Jopa oqo ena sala vaka ki wasawasa. A sa vakayacori na veika oqo ena veivakadonui nei Sairusi na Tui Perisia. 8A sa qai tekivu na nodra cakacaka ena i karua ni yabaki ni nodra sa lesu tale mai ki na i tikotiko makawa ni Valenisoro e Jerusalemi, ena i karua ni vula. Eratou sa veitauriligataka na cakacaka o Serupepeli, kei Josua, kei ira na vo ni wekadra, kei ira na bete, kei ira na Livai, vata kei ira kecega era sa lesu mai na veivakabobulataki. Era sa lesi na Livai sa 20 na nodra yabaki se qase cake me ra liutaka na cakacaka ni kena tara cake tale na Valenisoro. 9A sa veivuketaka na kena liutaki na cakacaka ni Valenisoro na Livai o Jesua kei iratou na luvena tagane kei ira na wekana, ka vakakina o Katimieli kei iratou na luvena tagane (mai na kawa i Otavaia). (E ratou sa vukei oqo mai vei ira na Livai mai na kawa i Enatati.)
10Ni sa tekivu me ra qarava na cakacaka ni vakasobu duru ni Valenisoro na matai, era sa qai duri ena nodra tikina vakarautaki o ira na bete ena nodra i sulu vakabete kei na davui e ligadra, ka ra tucake mai kea o ira na Livai mai na kawa i Esava kei na nodra sibali. Era sa qai ia na vakacaucautaki Jiova me vaka na i vakaro sa vakadewataki sobu mai na gauna i Tevita na tui.#1Vei 25.1 11Era sa lagata vata na sere ni vakavinavinaka vei Jiova, ka lesuva na i taletale ni sere:#1Vei 16.34; 2Vei 5.13; 7.3; Same 100.5; 106.1; 107.1; 118.1; 136.1; Jere 33.11
“Sa yalovinaka o Jiova, sa sega ni mudu na nona yalololoma vei Isireli.”
Era sa tabalaka cake na nodra kaila ni vakacaucautaki Jiova na tamata kecega, baleta ni sa tekivutaki rawa na cakacaka ni kena vakadavori na yavu ni Valenisoro. 12E vuqa vei ira sa qase cake sara ena kedra maliwa na bete kei na Livai kei ira turaga ni mataqali, ka ra sa raica oti na i matai ni Valenisoro, era sa vakaisaisa ga ka tagi ni ra sarava tiko na vakadavori ni yavu ni Valenisoro vou oqo. Ia o ira na kena vo era tu e kea, era sa vakarewa kaila ga ena levu ni marau. 13Ia sa sega ni dua e kila rawa na kedrau duidui na rorogo ni kaila ni marau kei na rorogo ni tagi, baleta ni sa ka levu sara na voqa ni domodra ka rawa ni rogoci mai na vanua yawa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.