Gk Esiteri A1 (11)
A1 (11)
2E na ikarua ni yabaki ni veiliutaki nei Asuerosi Levu, e na imatai ni siga ni Nisa, a tadra kina o Motekai na luve i Jairi, luve i Simei, luve i Kisi, e na yavusa i Pezamini. 3O koya e Jiu, vakaitikotiko e na siti o Susa, turaga levu, veiqaravi tu e valelevu. 4O koya kei Sekonaia Tui Juta, erau a lewe ni ilawalawa bobula a kauti ira mai Jerusalemi o Nepukanesa na Tui Papiloni. Qo na nona tadra: 5Na maue kei na veilecayaki, na kurukuru kei na uneune, na yavavala levu e vuravura! 6Erau sa qai basika e rua na drakoni lelevu, rau sa vakarau vala, vakadomobula na domodrau. 7E na nodrau vakuru, era sa bola na mua na veimatanitu mera valuta na matanitu ni yalododonu. 8Sa qai dua na siga ni loaloa kei na buto, na leqa kei na taqaya, na rarawa kei na yavavala levu e vuravura! 9Era sa lomaleqa kece na lewe ni matanitu ni yalododonu. Era domobulataka na ca sa roro tiko mai, era sa wawa mate. 10Era sa qai tagi vua na Kalou; na nodra tagi sa vaka me vure mai kina na wai, qai yaco me uciwai vakaitamera. 11Sa kida na rarama, cabe na siga, era sa vakacerecerei na lolovira, era qai vaqeyavutaki ira na vetaicake. 12Sa kila e na tadra qo o Motekai na loma ni Kalou. Ni sa yadra, sa tugana e lomana, sa qai saga e na siga taucoko me kila vakamatailalai na kena ibalebale.
Currently Selected:
Gk Esiteri A1 (11): FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.