Kolosa 2
2
1Au sa vinakata mo ni kila na levu ni ka au sa cakava tiko ena vukumuni, kei ira talega mai Leotisea, kei ira kece talega era se sega tiko ni raici au. 2Au sa kitaka oqo me'u vakayaloqaqataki ira kina ka me ra duavata ena loloma, ka me ra vutuniyau ena veivakataudeitaki sa vu mai na vuku dina, ka me ra kila na ka vuni ni Kalou, io na kilai Karisito. 3Sa vunitaki tu vua na i yau talei kecega ni vuku kei na kila-ka.
4Au sa tukuna tiko na ka oqo de mani dua e temaki kemuni ena vosa veicavilaki walega. 5E dina ga ni'u sa sega ni tiko vata kei kemuni ena yago, ia na yaloqu ga sa tiko vata kei kemuni, ka'u sa reki ni'u raica na vinaka ni i tovo ni nomuni tiko, kei na kaukauwa ni nomuni vakabauti Karisito.
Na Taucoko ni Bula ni Da Tu Vata kei Karisito
6Me vaka ni o ni sa vakabauti Karisito Jisu me nomuni Turaga, ni tomana tikoga na nomuni bula me vaka na nona i valavala, 7ka me vakatitobutaki na wakamuni ka tara cake vua, ka vakaukauwataka cake tikoga na nomuni vakabauta me vaka o ni a vakatavulici kina, ka vuabale sara ena vakavinavinaka.
8Ni qarauna vinaka de qai rawai kemuni e dua ena vuku vakavuravura sa tawayaga ka sega ni dina, ka sa yavutaki mai na tamata kei na veiyalo makawa ni vuravura oqo, ka sa sega ni vaka na i vakavuvuli i Karisito. 9Ni sa bula tiko ena yago i Karisito na veika kecega me baleta na Kalou, 10ka sa taucoko kina na nomuni bula ena nomuni sa tu vata kaya. Sa uasivia na veikaukauwa kecega kei ira na yalo dauveiliutaki kecega na Karisito.
11O ni sa cilivi talega ena nomuni sa tu vata kei Karisito, ka oqo e sega ni veicilivi sa vakayacora na tamata, ia na veicilivi ga sa vakayacora na Karisito, ka sa okati kina na nomuni sa sereki mai na kaukauwa ni valavala ca ni yago oqo. 12#Roma 6.4E na nomuni sa bulu vata kaya ena papitaiso, o ni sa vakaturi cake vata kaya talega mai ena nomuni vakabauta na kaukauwa mana ni Kalou, o koya sa vakaturi koya cake tale mai na mate. 13#Efe 2.1-5O ni a mate vakayalo tu eliu ena vuku ni nomuni i valavala ca kei na nomuni sa sega ni cilivi. Ia sa qai vueti kemuni na Kalou mo ni bula vata kei Karisito. Sa vosota na noda i valavala ca kecega na Kalou; 14#Efe 2.15io sa bokoca na i tukutuku ni veibeitaki sa volai ena vukuda kei na kena lawa virikotori, ka sa kauta tani sara, ni sa vakota ki na kauveilatai. 15A sa vakamalumalumutaka na veiyalo vakatani kei na kaukauwa kecega na Karisito ena kauveilatai, ka cakava me ra ka ni sarasara e matana levu ni sa liutaki ira yani me vaka era sa nona kaivesu.
16 #
Roma 14.1-6
O koya oqo mo ni kakua kina ni vakatara e dua me lewai kemuni me baleta na veika o ni kania, se gunuva, se na veika me baleta na siga vakatabui eso, se na Solevu ni Vula Vou, se na Siga ni Vakacecegu. 17Na veika oqo era sai yaloyalo walega ni veika dina ena qai yaco emuri; ia sai Karisito ga na ka dina. 18Ni kakua ni vakatara e dua me vakacalai kemuni ni tukuna ni sa uasivi cake ena vuku ni nona dau raivotu ka viavia yalomalumalumu ka vakabibitaka na qaravi agilosi. Sa sega ni yaga na veika oqo baleta ni sa sinai ga na lomana ena gagadre vakayago. 19#Efe 4.16Sa sega kina ni qai semati o koya oqo vei Karisito, o koya na Ulu ni yago taucoko, ka sa vauci vata mai na veisema kei na kena veiua, ka sa tubu cake me vaka sa vinakata na Kalou.
Na Noda Mate kei na Noda Bula Vata kei Karisito
20O ni sa mate vata kei Karisito ka vagalalataki mai na veiliutaki ni veiyalo vakatani ni vuravura oqo. Ia na cava ga na vuna o ni sa bula tiko kina me vaka e dua sa vakavuravura? A cava dou se vakamuria tikoga kina na kena i vakaro eso me vaka na 21“Kakua ni taura oqo,” “Kakua ni tovolea oqori,” “Kakua ni tara o ya”? 22Na i vakaro kece vakaoqo sa vakayagataki ga ena veika era na tawayaga ni ra sa vakayagataki oti, baleta ni ra sa vakasama ka i vakavuvuli ga vakatamata. 23E dina ga ni vaka me yavutaki ena vuku na veivakaro oqo ena kena vakaukauwataki na qaravi agilosi, kei na yalomalumalumu, kei na vakararawataki ni yago; ia sa sega ga ni ra yaga oqo ena kena lewai rawa na gagadre ni yago.
Currently Selected:
Kolosa 2: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.