1 Pita Na i Vakamacala Taumada
Na i Vakamacala Taumada
Na i Matai ni Vola i Pita sa volai vei ira na tamata lotu Vakarisito, era sa vakatokai eke me ra “tamata digitaki ni Kalou”, o ira era a veiseyaki tu ena vualiku kei Esia Lailai. Na i naki bibi ni vola oqo me vakayaloqaqataki ira era na wilika ka ra sota kaya tiko na veivakacacani kei na veivakararawataki ena vuku ni nodra vakabauta. Sa vakayacora oqo o koya na daunivolavola ena nona vakananumi ira na ciqoma na i vola ena i Tukutuku Vinaka ni Turaga o Jisu Karisito, o koya sa nodra i nuinui ena vuku ni nona mate, kei na nona tucake tale, kei na yalayala me baleta na nona lesu tale mai. Ena vuku ni ka oqo, sa dodonu kina me ra ciqoma ka vosota na veika rarawa era sota kaya, ka me ra kila deivaki ni oqo e dua na sala e vakatovolei kina na dina ni nodra vakabauta, ka ra na taura vakaidina na kena i cocovi e “na Siga sa vakatakilai kina o Jisu Karisito”.
Ena i kuri ni nona veivakayaloqaqataki o Pita me baleta na gauna ni leqa, a sa veivakauqeti talega o koya vei ira na ciqoma na i vola oqo me ra vakaraitaka ena nodra bula ni ra sa nei Karisito.
Na Lewe ni Vola
Na i vakamacala taumada 1.1-2
Tukuni tale na veivakabulai ni Kalou 1.3-12
Veivakauqeti me baleta na bula savasava 1.13–2.10
Na i tavi ni tamata lotu Vakarisito ena gauna ni leqa 2.11–4.19
Na yalomalumalumu kei na cakacaka ni lotu Vakarisito 5.1-11
Na kena i tinitini 5.12-14
Currently Selected:
1 Pita Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.