Números 30
30
Tayta Diosta promitir imano rurayänanpaqpis tantiyasishqan
1 1 (2) Israel trïbukunapa mandaqninkunata shuntaykurmi Moisés nirqan: <<Kanan wilayäshayki Tayta Dios imata nishqantapis. 2 2 (3) Pipis Tayta Diosta imatapis promitirqa cumplinqa. Imatapis rurananpaq nishqantaqa ruranqa.#Deut. 23.21-23; Mat. 5.33.
3 3 (4) <<Papäninpa makilanchöraq kaykar jipash imatapis Tayta Diosta promitirqa 4 4 (5) papänin awninantaraqmi shuyanqa. Papänin imatapis mana parlakuptinqa promitishqanta jipash cumplinqa. 5 5 (6) Promitishqanta musyaykur papänin mana munaptinqa manami promitishqanta cumplinqasu. Papänin mana munaptinqa Tayta Dios manami obliganqasu cumplinanpaq.
6 6 (7) <<Kikilanraq kaykar jipash shumaq mana yarpachakuypa imatapis Tayta Diosta promitirkur majasakarqa 7 7 (8) runan awninantaraqmi shuyanqa. Promitishqanta musyaykur runan imatapis mana parlakuptinqa promitishqanta cumplinqami. 8 8 (9) Promitishqanta musyaykur runan mana munaptinqa promitishqanta manami cumplinqasu. Runan mana munaptinqa Tayta Dios manami obliganqasu cumplinanpaq.
9 9 (10) <<Viüda kar o qowanpita rakikash karmi isanqa imatapis promitishqantaqa cumplinqa.
10 10 (11) <<Runayuq kaykar warmi imatapis Tayta Diosta promitirqa 11 11 (12) runan awninantaraqmi shuyanqa. Promitishqanta musyaykur runan imatapis mana parlakuptinqa promitishqanta warmi cumplinqa. 12 12 (13) Promitishqanta musyaykur runan mana munaptinqa manami promitishqanta cumplinqasu. Runan mana munaptinqa Tayta Dios manami obliganqasu cumplinanpaq.
13 13 (14) <<Saymi warmi imatapis promitiptin ayunananpaq niptin qowanraq ninqa cumplinanpaq o mana cumplinanpaq kashqantapis. 14 14 (15) Promitishqanta musyaykur warminta imatapis mana niylapa juk ishkay junaq upälakurqa warmin promitishqantami awniykan. 15 15 (16) Saypitaraq mana munashpanqa runannami jusayuq kanqa warmin promitishqanta mana cumplishqanpita>>.
16 16 (17) Saynömi Moisésta Tayta Dios tantiyasirqan runayuq warmi imano kawananpaq y papäninpa makilanchöraq kaykar jipash imano kawananpaqpis.
Currently Selected:
Números 30: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
