Números 29
29
Cornëtakunata Tukayänan fiestacho sacrificiukunata rupasiyänanpaq tantiyasishqan
Levítico 23.23-25
1<< <Qanchis killa qalaykunan junaqcho Tayta Diosta adorayänaykipaq shuntakäyanki. Say junaq ima aruytapis kachaykur shuntakäyänaykipaq cornëtakunata tukasiyanki. 2Say fiestacho Tayta Diospaq rupasina sacrificiuta rupasiyanki juk sänu turïtuta, juk sänu carnita y juk watayuq qanchis sänu carnishkunata. Rupasiyashqaykipa mushkuyninmi Tayta Diospa shonqunpaqno kanqa. 3Turïtuta rupasir aceitiwan sapush soqta kïlu alinnin jarinata winapäyanki. Saynöla carnita rupasirpis aceitiwan sapush chusku kïlu alinnin jarinata winapäyanki. 4Cada carnishta rupasirpis ishkay kïlu alinnin jarinata winapäyanki. 5Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi.
6<< <Saki mikuy ofrendantinta y vïnuntinta say sacrificiukunata rupasirpis Tayta Dios nishqanno waran waran rupasina sacrificiuta y cada killa rupasina sacrificiutapis mana qonqaypa rupasiyanki. Rupasiyänaykipaq kaq uywakunaqa lapanpis sänu kayanqa. Rupasiyashqaykipa mushkuyninmi Tayta Diospa shonqunpaqno kanqa.
Purificash kananpaq kaq junaqcho sacrificiukunata rupasiyänanpaq tantiyasishqan
Levítico 23.26-32
7<< <Qanchis killa chunka kaq junaqcho ima aruytapis ama aruyankisu, saypa trukanqa Tayta Diosta adorayänaykipaq shuntakaykur ayunayanki.#Lev. 16.29-34. 8Say junaq Tayta Diospaq rupasina sacrificiuta rupasiyanki juk sänu turïtuta, juk sänu carnita y juk watayuq qanchis sänu carnishkunata. Rupasiyashqaykipa mushkuyninta mayarmi Tayta Dios kushikunqa. 9Turïtuta rupasir soqta kïlu alinnin jarinata aceitiwan sapurkur winapäyanki. Saynöla carnita rupasirpis chusku kïlu alinnin jarinata winapäyanki. 10Cada carnishta rupasirpis ishkay kïlu alinnin jarinata winapäyanki. 11Saynöpis purificasina sacrificiupaq juk chïvuta altarcho rupasiyanki. Say kanqa jusalikuyashqaykipita perdonash kayänaykipaqmi. Saynöpis jukaq purificasina sacrificiuta y waran waran rupasiyashqayki rupasina sacrificiutapis mana qonqaypa rupasiyanki. Saynöla saki mikuy ofrendata y vïnutapis winapäyanki.
Ramäda fiestacho sacrificiukunata rupasiyänanpaq tantiyasishqan
Levítico 23.33-44
12<< <Qanchis killacho chunka pisqa junaqcho ima aruytapis ama aruyankisu, saypa trukanqa Tayta Diosta adorayänaykipaq shuntakäyanki. Tayta Diosta adorayashpayki qanchis junaqyaq fiestata rurayanki. 13Fiesta qalaykunan junaqcho rupasina sacrificiuta rupasiyanki chunka kimsa sänu turïtukunata, ishkay sänu carnikunata y juk watayuq chunka chusku sänu carnishkunata. Rupasiyashqaykipa mushkuyninmi Tayta Diospa shonqunpaqno kanqa. 14Cada turïtuta rupasir aceitiwan sapush soqta kïlu alinnin jarinata winapäyanki. Saynöla cada carnita rupasirpis aceitiwan sapush chusku kïlu alinnin jarinata winapäyanki. 15Cada carnishta rupasirpis ishkay kïlu alinnin jarinata winapäyanki. 16Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiuta y saki mikuy ofrendatapis rupasiyanki. Say jananman vïnutapis mana qonqaypa winapäyanki.
17<< <Ishkay kaq junaqcho rupasina sacrificiuta rupasiyanki chunka ishkay sänu turïtukunata, ishkay sänu carnikunata y juk watayuq chunka chusku sänu carnishkunata. 18Cada turïtuta, carnita y carnishta rupasir ley nishqannöla saki mikuy ofrendakunatapis vïnutapis winapäyanki. 19Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiuta y saki mikuytapis rupasiyanki. Say jananman vïnutapis mana qonqaypa winapäyanki.
20<< <Kimsa kaq junaqcho rupasina sacrificiuta rupasiyanki chunka juk sänu turïtukunata, ishkay sänu carnikunata y juk watayuq chunka chusku sänu carnishkunata. 21Cada turïtuta, carnita y carnishta rupasir ley nishqannöla saki mikuy ofrendakunatapis vïnutapis winapäyanki. 22Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiuta y saki mikuytapis rupasiyanki. Say jananman vïnutapis mana qonqaypa winapäyanki.
23<< <Chusku kaq junaqcho rupasina sacrificiuta rupasiyanki chunka sänu turïtukunata, ishkay sänu carnikunata y juk watayuq chunka chusku sänu carnishkunata. 24Cada turïtuta, carnitawan carnishkunata rupasir ley nishqannöla saki mikuy ofrendakunatapis vïnutapis winapäyanki. 25Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiutawan saki mikuytapis rupasiyanki. Say jananman vïnutapis mana qonqaypa winapäyanki.
26<< <Pisqa kaq junaqcho rupasina sacrificiuta rupasiyanki esqun sänu turïtukunata, ishkay sänu carnikunata y juk watayuq chunka chusku sänu carnishkunata. 27Cada turïtuta, carnita y carnishta rupasir ley nishqannöla saki mikuy ofrendakunata y vïnutapis winapäyanki. 28Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiutawan saki mikuyta rupasiyanki. Say jananman vïnutapis mana qonqaypa winapäyanki.
29<< <Soqta kaq junaqcho rupasina sacrificiuta rupasiyanki puwaq sänu turïtukunata, ishkay sänu carnikunata y juk watayuq chunka chusku sänu carnishkunata. 30Cada turïtuta, carnita y carnishkunata rupasir ley nishqannöla saki mikuy ofrendakunata y vïnutapis winapäyanki. 31Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiutawan saki mikuytapis rupasiyanki. Say jananman vïnutapis mana qonqaypa winapäyanki.
32<< <Qanchis kaq junaqcho rupasina sacrificiuta rupasiyanki qanchis sänu turïtuta, ishkay sänu carnikunata y juk watayuq chunka chusku sänu carnishkunata. 33Cada turïtuta, carnita y carnishkunata rupasir ley nishqannöla saki mikuy ofrendakunata y vïnutapis winapäyanki. 34Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiutawan saki mikuytapis rupasiyanki. Say jananman vïnutapis mana qonqaypa winapäyanki.
35<< <Puwaq kaq junaq#Juan 7.37. sagrädu kaptin shuntakäyanki. Say junaq ima aruytapis ama aruyankisu. 36Rupasina sacrificiuta rupasiyanki juk sänu turïtuta, juk sänu carnita y juk watayuq qanchis sänu carnishkunata. Rupasiyashqaykipa mushkuyninmi Tayta Diospa shonqunpaqno kanqa. 37Turïtuta, carnita y carnishkunata rupasir ley nishqannöla saki mikuy ofrendakunata y vïnutapis winapäyanki. 38Saynöla purificasina sacrificiupaq juk chïvutapis altarcho rupasiyanki. Say kanqa jusalikuyashqaykipita perdonash kayänaykipaqmi. Saykunata rupasirqa waran waran rupasiyashqaykinöla rupasina sacrificiutawan saki mikuytapis rupasiyanki. Say jananman vïnutapis mana qonqaypa winapäyanki.
39<< <Cada wata fiestakunacho saykunata Tayta Diospaq rupasiyanki. Say rupasiyashqaykikuna apartimi kanqa promitiyashqaykita cumplir sacrificiuta rupasiyashqaykipita, voluntälaykipita churar sacrificiuta rupasiyashqaykipita, rupasina sacrificiutawan saki mikuy ofrendata rupasiyashqaykipita, vïnuta altarman winayashqaykipita y jawka kawakuy sacrificiuta rupasiyashqaykipitapis> >>.
40 40 (30.1) Tayta Dios lapan nishqantami Israel mayinkunata Moisés wilarqan.
Currently Selected:
Números 29: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
