Números 1
1
Israel runakunata Sinaí jirkacho censayashqan
1Israel runakuna Egiptupita yarqayämushqan juk wata y juk killa päsarkuptinmi Sinaí sunyaq jirkacho kaykäyarqan. Say junaqmi Tinkuna Tolducho parlapar Moisésta Tayta Dios nirqan: 2<<Israel runakunapa jutinkuna ima kashqanta y aykaq kayashqantapis musyanaykipaq ayllunpa ayllunpa y castanpa castanpa censayay.#Núm. 26.1-51. 3Censayashpayki ishkay chunka (20) watayuqpita janaman jutinkunata apuntayay. Say runakunaqa guërraman aywayänanpaq edäninchönami kaykäyan. Censaychöqa Aarónmi yanapäshunki. 4Saynöpis cada trïbupita juk mandaqta churanki censayta yanapäshunaykipaq. 5Paykuna kayanqa:
Rubén trïbupita Sedeurpa surin Elisur,
6Simeón trïbupita Zurisadaipa surin Selumiel,
7Judá trïbupita Aminadabpa surin Naasón,
8Isacar trïbupita Zuarpa surin Natanael,
9Zabulón trïbupita Helónpa surin Eliab,
10Efraín trïbupita Amiudpa surin Elisama,
Manasés trïbupita Pedasurpa surin Gamaliel (Efraínwan Manasésqa Josépa surinkunami kayarqan),
11Benjamín trïbupita Gedeonipa surin Abidán,
12Dan trïbupita Amisadaipa surin Ahiezer,
13Aser trïbupita Ocránpa surin Pagiel,
14Gad trïbupita Reuelpa surin Eliasaf
15y Neftalí trïbupita Enánpa surin Ahira>>.
16 Tayta Dios nishqannölami cada trïbupita say mandaq runakunata Moisés akrarqan censayta yanapäyänanpaq. 17Say akrashqan runakunawan Moisés y Aarón shuntakarmi 18lapan Israel runakunata qayasiyarqan. Say junaq karqan ishkay kaq killa qalaykunan junaqmi. Saychömi Israel runakunata ayllunpa ayllunpa y castanpa castanpa censayarqan. Sayno censarmi ishkay chunka (20) watayuqpita janaman olqu kaqkunata padrunayarqan. 19Tayta Dios nishqannölami Sinaí sunyaq jirkacho lapan olqu kaqkunata Moisés censasirqan.
20-21Cada ünunpa jutinta apuntarmi ayllunpa ayllunpa y castanpa castanpa censayarqan. Saynöpami musyayarqan ishkay chunka (20) watayuqpita janaman aykaq olqu runakuna kayashqantapis. Say runakunaqa guërraman aywayänanpaq edäninchönami kayarqan.
Israelpa qechpa surin Rubén trïbupitami kayarqan chusku chunka soqta waranqa pisqa pachak (46,500) runakuna.
22-23Simeón trïbupitami kayarqan pisqa chunka esqun waranqa kimsa pachak (59,300) runakuna.
24-25Gad trïbupitami kayarqan chusku chunka pisqa waranqa soqta pachak pisqa chunka (45,650) runakuna.
26-27Judá trïbupitami kayarqan qanchis chunka chusku waranqa soqta pachak (74,600) runakuna.
28-29Isacar trïbupitami kayarqan pisqa chunka chusku waranqa chusku pachak (54,400) runakuna.
30-31Zabulón trïbupitami kayarqan pisqa chunka qanchis waranqa chusku pachak (57,400) runakuna.
32-33Josépa surin Efraín trïbupitami kayarqan chusku chunka waranqa pisqa pachak (40,500) runakuna.
34-35Josépa surin Manasés trïbupitami kayarqan kimsa chunka ishkay waranqa ishkay pachak (32,200) runakuna.
36-37Benjamín trïbupitami kayarqan kimsa chunka pisqa waranqa chusku pachak (35,400) runakuna.
38-39Dan trïbupitami kayarqan soqta chunka ishkay waranqa qanchis pachak (62,700) runakuna.
40-41Aser trïbupitami kayarqan chusku chunka juk waranqa pisqa pachak (41,500) runakuna.
42-43Neftalí trïbupitami kayarqan pisqa chunka kimsa waranqa chusku pachak (53,400) runakuna.
44Paykunatami Moisés, Aarón y chunka ishkay mandaq Israel runakuna censayarqan. Say mandaq runakunaqa cada trïbupita jukmi karqan. 45Paykunami censayarqan ishkay chunka (20) watayuqpita janaman. Censayashqan runakuna guërraman aywayänanpaq edäninchönami kayarqan. 46Ayllunpa ayllunpa censayashqan runakunami kayarqan soqta pachak kimsa waranqa pisqa pachak pisqa chunka (603,550).
Levitakunata mana censayashqan
47Israel runakunata censar levitakunataqa manami censayarqansu. 48Sayno mana censayänanpaq Tayta Diosmi Moisésta nirqan: 49<<Israel runakunata censar levitakunataqa ama censankisu. 50Paykunata churanki Pactu Tolduta y saycho kaq manëjukunatapis shumaq rikayänanpaq. Maypa aywayaptikipis Sagrädu Tolduta y lapan manëjunkunata paykunalami apayanqa. Saynöpis Sagrädu Toldu nawpanpa jiruruypami toldunkunata sharkasiyanqa. 51Maypa aywayaptikipis paykunalami Sagrädu Tolduta paskar apayanqa. Mayman chäyaptikipis Sagrädu Tolduta paykunalami sharkasiyanqa. Mayqanpis levita mana kaykar Sagrädu Tolduman witiq kaqqa wanunqami. 52Wakin trïbu Israel runakunaqa bandëran kashqan kaqchömi tröpanpa tröpanpa toldunkunata sharkasiyanqa. 53Levitakunaqa Pactu Toldu nawpankunapa jiruruypa toldunkunata sharkasiyanqa. Saynöpami täpayanqa pipis lutala mana yaykunanpaq. Lutala yaykuptin imaptinqa rabyashpämi Israel runakunata castigashaq>>.
54Moisésta Tayta Dios nishqannölami Israel runakuna lapanta rurayarqan.
Currently Selected:
Números 1: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 1
1
Israel runakunata Sinaí jirkacho censayashqan
1Israel runakuna Egiptupita yarqayämushqan juk wata y juk killa päsarkuptinmi Sinaí sunyaq jirkacho kaykäyarqan. Say junaqmi Tinkuna Tolducho parlapar Moisésta Tayta Dios nirqan: 2<<Israel runakunapa jutinkuna ima kashqanta y aykaq kayashqantapis musyanaykipaq ayllunpa ayllunpa y castanpa castanpa censayay.#Núm. 26.1-51. 3Censayashpayki ishkay chunka (20) watayuqpita janaman jutinkunata apuntayay. Say runakunaqa guërraman aywayänanpaq edäninchönami kaykäyan. Censaychöqa Aarónmi yanapäshunki. 4Saynöpis cada trïbupita juk mandaqta churanki censayta yanapäshunaykipaq. 5Paykuna kayanqa:
Rubén trïbupita Sedeurpa surin Elisur,
6Simeón trïbupita Zurisadaipa surin Selumiel,
7Judá trïbupita Aminadabpa surin Naasón,
8Isacar trïbupita Zuarpa surin Natanael,
9Zabulón trïbupita Helónpa surin Eliab,
10Efraín trïbupita Amiudpa surin Elisama,
Manasés trïbupita Pedasurpa surin Gamaliel (Efraínwan Manasésqa Josépa surinkunami kayarqan),
11Benjamín trïbupita Gedeonipa surin Abidán,
12Dan trïbupita Amisadaipa surin Ahiezer,
13Aser trïbupita Ocránpa surin Pagiel,
14Gad trïbupita Reuelpa surin Eliasaf
15y Neftalí trïbupita Enánpa surin Ahira>>.
16 Tayta Dios nishqannölami cada trïbupita say mandaq runakunata Moisés akrarqan censayta yanapäyänanpaq. 17Say akrashqan runakunawan Moisés y Aarón shuntakarmi 18lapan Israel runakunata qayasiyarqan. Say junaq karqan ishkay kaq killa qalaykunan junaqmi. Saychömi Israel runakunata ayllunpa ayllunpa y castanpa castanpa censayarqan. Sayno censarmi ishkay chunka (20) watayuqpita janaman olqu kaqkunata padrunayarqan. 19Tayta Dios nishqannölami Sinaí sunyaq jirkacho lapan olqu kaqkunata Moisés censasirqan.
20-21Cada ünunpa jutinta apuntarmi ayllunpa ayllunpa y castanpa castanpa censayarqan. Saynöpami musyayarqan ishkay chunka (20) watayuqpita janaman aykaq olqu runakuna kayashqantapis. Say runakunaqa guërraman aywayänanpaq edäninchönami kayarqan.
Israelpa qechpa surin Rubén trïbupitami kayarqan chusku chunka soqta waranqa pisqa pachak (46,500) runakuna.
22-23Simeón trïbupitami kayarqan pisqa chunka esqun waranqa kimsa pachak (59,300) runakuna.
24-25Gad trïbupitami kayarqan chusku chunka pisqa waranqa soqta pachak pisqa chunka (45,650) runakuna.
26-27Judá trïbupitami kayarqan qanchis chunka chusku waranqa soqta pachak (74,600) runakuna.
28-29Isacar trïbupitami kayarqan pisqa chunka chusku waranqa chusku pachak (54,400) runakuna.
30-31Zabulón trïbupitami kayarqan pisqa chunka qanchis waranqa chusku pachak (57,400) runakuna.
32-33Josépa surin Efraín trïbupitami kayarqan chusku chunka waranqa pisqa pachak (40,500) runakuna.
34-35Josépa surin Manasés trïbupitami kayarqan kimsa chunka ishkay waranqa ishkay pachak (32,200) runakuna.
36-37Benjamín trïbupitami kayarqan kimsa chunka pisqa waranqa chusku pachak (35,400) runakuna.
38-39Dan trïbupitami kayarqan soqta chunka ishkay waranqa qanchis pachak (62,700) runakuna.
40-41Aser trïbupitami kayarqan chusku chunka juk waranqa pisqa pachak (41,500) runakuna.
42-43Neftalí trïbupitami kayarqan pisqa chunka kimsa waranqa chusku pachak (53,400) runakuna.
44Paykunatami Moisés, Aarón y chunka ishkay mandaq Israel runakuna censayarqan. Say mandaq runakunaqa cada trïbupita jukmi karqan. 45Paykunami censayarqan ishkay chunka (20) watayuqpita janaman. Censayashqan runakuna guërraman aywayänanpaq edäninchönami kayarqan. 46Ayllunpa ayllunpa censayashqan runakunami kayarqan soqta pachak kimsa waranqa pisqa pachak pisqa chunka (603,550).
Levitakunata mana censayashqan
47Israel runakunata censar levitakunataqa manami censayarqansu. 48Sayno mana censayänanpaq Tayta Diosmi Moisésta nirqan: 49<<Israel runakunata censar levitakunataqa ama censankisu. 50Paykunata churanki Pactu Tolduta y saycho kaq manëjukunatapis shumaq rikayänanpaq. Maypa aywayaptikipis Sagrädu Tolduta y lapan manëjunkunata paykunalami apayanqa. Saynöpis Sagrädu Toldu nawpanpa jiruruypami toldunkunata sharkasiyanqa. 51Maypa aywayaptikipis paykunalami Sagrädu Tolduta paskar apayanqa. Mayman chäyaptikipis Sagrädu Tolduta paykunalami sharkasiyanqa. Mayqanpis levita mana kaykar Sagrädu Tolduman witiq kaqqa wanunqami. 52Wakin trïbu Israel runakunaqa bandëran kashqan kaqchömi tröpanpa tröpanpa toldunkunata sharkasiyanqa. 53Levitakunaqa Pactu Toldu nawpankunapa jiruruypa toldunkunata sharkasiyanqa. Saynöpami täpayanqa pipis lutala mana yaykunanpaq. Lutala yaykuptin imaptinqa rabyashpämi Israel runakunata castigashaq>>.
54Moisésta Tayta Dios nishqannölami Israel runakuna lapanta rurayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.