Mateo 28
28
Wanushqanpita Jesús kawarimushqan
Marcos 16.1-8; Lucas 24.1-12; Juan 20.1-10
1Jamay junaq päsarkuptinnami domingu tuta saka sakala María Magdalenawan juknin María aywayarqan Jesús pamparashqan sepultüra rikaq. 2Aywaykäyaptinmi Tayta Dios kachamushqan ángel jana pasapita urämuptin pasa fiyupa suksukyarqan. Jesús pamparaykashqan sepultüraman chaykurmi saparaq rumita witiskasir jananman jamakuykurqan. 3Say ángel elqukuynöraqmi asikyarqan. Mödananpis rashtano yuraqmi karqan. 4Angilta rikaykurmi soldädukuna fiyupa mansakaywan suksukyäyashpan watpaskiyarqan.
5Warmikuna chäyaptinnami ángel nirqan: <<Ama mansakäyaysu. Musyämi crucificayashqan Jesúspa ayanta rikaq shayämushqaykita. 6Manami kaychönasu. Kawarimunanpaq nishqannölami kawarimush. Mayman sutayashqantapis rikayänaykipaq shayämuy. 7Kananqa apurä aywar discïpulunkunata wilayay Jesús kawarimushqanta. Saynöpis wilayay Galileaman nawpaykashqanta y saycho paywan tinkuyänanpaq kashqanta. Saytami qamkunata wilaykä>>.
8Ángel sayno niptinmi warmikunaqa mansakash kaykäyashqancho fiyupa kushikuyashpan Jesúspa discïpulunkunata wilaq cörri aywayarqan. [Sayno aywaykäyaptinmi] 9Jesús yuriparkur winchikurqan. Saymi say warmikuna Jesúspa chakinta makalakurkur adorayarqan. 10Jesúsnami nirqan: <<Ama mansayämaysu. Aywar wawqïkunata#28.10 Wawqïkunata wilayay nirqa discïpulunkunata wilananpaqmi Jesús nirqan. wilayay Galileaman aywayänanpaq. Saychönami paykunawan tinkushaq>>.
Soldädukuna lulakuyänanpaq pägayashqan
11Warmikuna kutikuyaptinmi sepultürata täpaq wakin soldädukunapis Jerusalénman aywar mandaq cürakunata wilayarqan ima päsashqantapis. 12Wilayaptinmi mandaq cürakuna Israel mayor runakunawan shuntakaykur imata rurayänanpaqpis wilanakuyarqan. Wilanakuskirmi soldädukunata aska qellayta pägar 13niyarqan: <<Runakunata niyanki Jesúspa discïpulunkuna sakaypa aywar ayanta suwar apakuyashqanta. Saynöpis niyanki punukash kar imatapis mana mayayashqaykita. 14Pilato musyaptinqa noqakunami paywan parlayäshaq mana castigayäshunaykipaq>>.
15Saymi päguta chaskiskir soldädukuna aywayashpan mandaq cürakuna niyashqannöla runakunata wilapäyarqan. Sayno wilakuyashqantami Israel runakuna kananyaqpis criyiyan.
Wilakuyänanpaq discïpulunkunata Jesús kachashqan
Marcos 16.14-18; Lucas 24.36-49; Juan 20.19-23; Hechos 1.6-8
16Jesúspa chunka juk discïpulunkunanami Galileaman chaykur aywayarqan#Mat. 26.32; Mar. 14.28. mayninchöpis tinkuyänanpaq Jesús nishqan jirkaman. 17Saychömi Jesúswan tinkur adorayarqan. Wakinqa rikaykarpis manami Jesús kashqanta criyiyarqanraqsu.
18Discïpulunkunaman witiykurmi Jesús nirqan: <<Kay pasachöpis y jana pasachöpis lapanpaq munayyuq kanäpaqmi Tayta Dios churamash. 19Saymi maysay markakunapapis aywar runakunata yachasiyanki discïpulü kayänanpaq.#Hech. 1.8. Paykunata bautizayanki Tayta Diospa jutincho, Surinpa jutincho y Espíritu Santupa jutincho. 20Saynöpis yachasiyanki lapan nishqäkunata cäsukuyänanpaq. Noqaqa qamkunawanmi imaypis kaykäshaq kay pasa ushakashqanyaq>>.
[Amén.]
Currently Selected:
Mateo 28: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.