Mateo 16
16
Milagrutaraq rikayta munayashqan
Marcos 8.11-13; Lucas 12.54-56
1Jesústa manakaqman churayta munarmi fariseukunawan saduceukuna aywaykur niyarqan: <<Tayta Dios rasunpaypa kachamushushqaykita musyayänäpaq ima milagrutapis ruraykulay, taytay>>.#Mat. 12.38; Luc. 11.16.
2Saymi Jesús nirqan: <<Inti jeqashqan höra pukutay qarwa qarwa rikakuptinmi qamkuna niyanki: <Waray usyanqami>. 3Saynölami pukutaraykar warämuptin niyanki: <Kanan junaqqa tamyanqami>. [¡Ishkay cära runakuna!] Saykunata tantiyaykarqa ¿imanirtaq rurashqäkunata rikaykar Tayta Dios kachamashqanta tantiyayankisu? 4¡Mana wiyakuq jusasapa runakuna! Milagruta ruranäta munayaptikipis#Mat. 12.39; Mar. 8.12; Luc. 11.29. manami ima milagrutapis rurashaqsu. Saypa trukanqa profëta Jonásta salvar milagruta rurashqannömi Tayta Dios juk milagruta ruranqa>>.
Sayno niskirmi Jesús aywakurqan.
Fariseukunapa yachasikuyninta levadüraman Jesús tinkusishqan
Marcos 8.14-21
5Qochata simparkurmi Jesúspa discïpulunkuna tantata qonqayashqanta yarpaskiyarqan. 6Saymi Jesús nirqan: <<Fariseukunapawan saduceukunapa levadüranta cuidädu chaskipäyankimantaq>>.#Luc. 12.1.
7Sayno niptinmi discïpulunkuna kikinpura ninakuyarqan: <<Tantata mana mirkapakamushqansipitami sayno nikämansi>>.
8Sayno parlaykäyashqanta tantiyarmi Jesús nirqan: <<¡Janan shonqula yärakuq runakuna! ¿Imanirtaq parlaykäyanki tantata mana apayämushqaykipita? 9¿Imanirtaq tantiyayankisu imapaq parlaykashqätapis? ¿Manaku yarpäyanki pisqa tantalapita pisqa waranqa (5,000) runakuna mikuyänanpaq milagruta rurashqäta? ¿Manaku yarpäyanki pusuq tantata ayka canastata shuntayashqaykitapis?#Mat. 14.17-21. 10Saynöpis ¿manaku yarpäyanki qanchis tantalapita chusku waranqa (4,000) runakuna mikuyänanpaq milagruta rurashqäta y pusuq tantata ayka canastata shuntayashqaykitapis?#Mat. 15.34-38. 11¿Imanirtaq tantiyayankisu tantapaq mana parlashqäta? Qamkunata sayno nikä fariseukunapawan saduceukunapa levadüranta mana chaskipäyänaykipaqmi>>.
12Sayno niptinmi tantiyayarqan levadürapita mana parlaykashqanta, saypa trukanqa fariseukunapa y saduceukunapa yachasikuyninta mana chaskipäyänanpaq nikashqanta.
Jesúsqa Cristo kashqanta Pedro nishqan
Marcos 8.27-30; Lucas 9.18-21
13Cesarea de Filipos kinrayman chaykurmi discïpulunkunata Jesús tapurqan: <<Runapa Surin ¿pï kashqantataq runakuna nikäyan?>>
14Saymi discïpulunkuna niyarqan: <<Wakin niyan Bautizaq Juan kashqaykita. Wakinnami niyan profëta Elías kashqaykita. Wakinnami niyan profëta Jeremías o mayqan profëtapis kashqaykita>>.#Mat. 14.1-2; Mar. 6.14-15; Luc. 9.7-8.
15Sayno niyaptinmi Jesús yapay tapurqan: <<Qamkunaqa ¿pï kashqätataq yarpäyanki?>>
16Saymi Simón Pedro nirqan: <<Qamqa imayyaqpis kawaq Tayta Diospa Surinmi kanki. Pay kachamushqan Cristumi kanki>>.#Juan 6.68-69.
17Saymi Jesús nirqan: <<Jonáspa surin Simón, alitami nishkanki. Sayno ninaykipaq manami runasu tantiyasishushkanki, sinöqa jana pasacho kaykaq Taytämi. 18Qamta nï Pedro#16.18 Pedro nishqanqa rumi ninanmi. kashqaykitami. Kay rumi jananchömi iglesiäta sharkasishaq. Say iglesiataqa Satanáspis manami vincinqasu. 19Qamtami qoykushayki Tayta Dios mandaykashqanman yaykuna llävinpa wawankunata. Saymi kay pasacho watashqaykiqa jana pasachöpis watash kanqa. Kay pasacho paskashqaykiqa jana pasachöpis paskashqami kanqa>>.#16.19 Saynöpami Jesucristo nirqan paypa jutincho yachasinanpaq apóstol Pedro munayyuq kashqanta.#Mat. 18.18; Juan 20.23.
20Sayno nirkushpanmi discïpulunkunata nirqan: <<Tayta Dios kachamushqan Cristo kashqäta pitapis ama wilayankisu>>.#16.20 Say wisan Israel runakuna yarpäyarqan Cristuta Tayta Dios kachamuptin Roma runakunata guërracho vincinanpaq kashqantami. Sayno yarpäyaptinpis Jesucristo manami guërrata rurananpaqsu shamush, sinöqa noqansi rayku cruzcho wanunanpaqmi. Saymi discïpulunkunata nirqan Cristo kashqanta pitapis mana wilapäyänanpaq. Wanushqanpita kawarirkamurmi isanqa pïmaytapis wilapäyänanpaq nirqan (Mat. 17.9; 28.19).
Wanunanpaq kashqanta Jesús wilakushqan
Marcos 8.31—9.1; Lucas 9.22-27
21Saypitanami discïpulunkunata Jesús wilapar nirqan: <<Jerusalénmanmi aywanä kaykan. Saychömi Israel mayor runakuna, mandaq cürakuna y ley yachasiqkuna fiyupa nakasimar wanusiyämanqa. Wanusiyämashqanpita kimsa junaqtami kawarimushaq>>.
22Sayno niptinmi jukläman qayaykur Pedro olqutupar nirqan: <<Tayta, saytaqa Tayta Dios ama munaykuläsunsu. ¡Sayqa manami päsashunkimansu!>>
23Sayno niptin Pedruman tikrarkur Jesús nirqan: <<¡Nawpäpita witikuy, Satanás! ¡Ama sapata churapämaysu! Qam manami munankisu Tayta Dios munashqanta ruranäta, saypa trukanqa runa munashqanta ruranätami munaykanki>>.
24Nirkurmi discïpulunkunata Jesús nirqan: <<Pipis discïpulü kayta munarqa shonqun munashqanno ama kawasunsu, saypa trukanqa cruzninta apaqno noqata qatirämäsun.#16.24 Jesucristo kawashqan wisanqa pipis cruzninta aparqan wanusish kananpaqmi. Saymi cruzninta apaqno noqata qatirämäsun nirqa jusalikuypaq wanushno kar Jesucristuta qatiränanpaq kashqanta nikan.#Mat. 10.38; Mar. 8.34; Luc. 9.23; 14.27; Juan 12.25. 25Vïdanta salvayta munaqkunaqa vïdanta oqrayanqami. Vïdanta noqa rayku oqraqkunami isanqa vïdanta salvayanqa.#16.25 Sayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakuyanqasu. Noqa munashqäno kawaqkunami isanqa salvakuyanqa>>.#Mat. 10.39; Luc. 17.33; Juan 12.25. 26Infiernuman qaykush kananpaq kaptinqa ¿imapaqtaq välin intëru munduta makincho sararashqanpis? Mayjina rïcu karpis manami rïcu kashqanwanqa salvacionta rantinqasu.
27<<Runapa Surin angilninkunawan y Taytanpa munayninwan shamurmi#Mat. 25.31. imanöpis kawashqanman tupu pitapis juzganqa.#Sal. 62.11-12; Prov. 24.12; Jer. 17.10; Eze. 18.30; 33.20; Rom. 2.6. 28Rasunpami nï: Manaraqpis wanurmi wakinniki rikayanki Runapa Surin lapantapis mandananpaq shamuykaqta>>.
Currently Selected:
Mateo 16: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Mateo 16
16
Milagrutaraq rikayta munayashqan
Marcos 8.11-13; Lucas 12.54-56
1Jesústa manakaqman churayta munarmi fariseukunawan saduceukuna aywaykur niyarqan: <<Tayta Dios rasunpaypa kachamushushqaykita musyayänäpaq ima milagrutapis ruraykulay, taytay>>.#Mat. 12.38; Luc. 11.16.
2Saymi Jesús nirqan: <<Inti jeqashqan höra pukutay qarwa qarwa rikakuptinmi qamkuna niyanki: <Waray usyanqami>. 3Saynölami pukutaraykar warämuptin niyanki: <Kanan junaqqa tamyanqami>. [¡Ishkay cära runakuna!] Saykunata tantiyaykarqa ¿imanirtaq rurashqäkunata rikaykar Tayta Dios kachamashqanta tantiyayankisu? 4¡Mana wiyakuq jusasapa runakuna! Milagruta ruranäta munayaptikipis#Mat. 12.39; Mar. 8.12; Luc. 11.29. manami ima milagrutapis rurashaqsu. Saypa trukanqa profëta Jonásta salvar milagruta rurashqannömi Tayta Dios juk milagruta ruranqa>>.
Sayno niskirmi Jesús aywakurqan.
Fariseukunapa yachasikuyninta levadüraman Jesús tinkusishqan
Marcos 8.14-21
5Qochata simparkurmi Jesúspa discïpulunkuna tantata qonqayashqanta yarpaskiyarqan. 6Saymi Jesús nirqan: <<Fariseukunapawan saduceukunapa levadüranta cuidädu chaskipäyankimantaq>>.#Luc. 12.1.
7Sayno niptinmi discïpulunkuna kikinpura ninakuyarqan: <<Tantata mana mirkapakamushqansipitami sayno nikämansi>>.
8Sayno parlaykäyashqanta tantiyarmi Jesús nirqan: <<¡Janan shonqula yärakuq runakuna! ¿Imanirtaq parlaykäyanki tantata mana apayämushqaykipita? 9¿Imanirtaq tantiyayankisu imapaq parlaykashqätapis? ¿Manaku yarpäyanki pisqa tantalapita pisqa waranqa (5,000) runakuna mikuyänanpaq milagruta rurashqäta? ¿Manaku yarpäyanki pusuq tantata ayka canastata shuntayashqaykitapis?#Mat. 14.17-21. 10Saynöpis ¿manaku yarpäyanki qanchis tantalapita chusku waranqa (4,000) runakuna mikuyänanpaq milagruta rurashqäta y pusuq tantata ayka canastata shuntayashqaykitapis?#Mat. 15.34-38. 11¿Imanirtaq tantiyayankisu tantapaq mana parlashqäta? Qamkunata sayno nikä fariseukunapawan saduceukunapa levadüranta mana chaskipäyänaykipaqmi>>.
12Sayno niptinmi tantiyayarqan levadürapita mana parlaykashqanta, saypa trukanqa fariseukunapa y saduceukunapa yachasikuyninta mana chaskipäyänanpaq nikashqanta.
Jesúsqa Cristo kashqanta Pedro nishqan
Marcos 8.27-30; Lucas 9.18-21
13Cesarea de Filipos kinrayman chaykurmi discïpulunkunata Jesús tapurqan: <<Runapa Surin ¿pï kashqantataq runakuna nikäyan?>>
14Saymi discïpulunkuna niyarqan: <<Wakin niyan Bautizaq Juan kashqaykita. Wakinnami niyan profëta Elías kashqaykita. Wakinnami niyan profëta Jeremías o mayqan profëtapis kashqaykita>>.#Mat. 14.1-2; Mar. 6.14-15; Luc. 9.7-8.
15Sayno niyaptinmi Jesús yapay tapurqan: <<Qamkunaqa ¿pï kashqätataq yarpäyanki?>>
16Saymi Simón Pedro nirqan: <<Qamqa imayyaqpis kawaq Tayta Diospa Surinmi kanki. Pay kachamushqan Cristumi kanki>>.#Juan 6.68-69.
17Saymi Jesús nirqan: <<Jonáspa surin Simón, alitami nishkanki. Sayno ninaykipaq manami runasu tantiyasishushkanki, sinöqa jana pasacho kaykaq Taytämi. 18Qamta nï Pedro#16.18 Pedro nishqanqa rumi ninanmi. kashqaykitami. Kay rumi jananchömi iglesiäta sharkasishaq. Say iglesiataqa Satanáspis manami vincinqasu. 19Qamtami qoykushayki Tayta Dios mandaykashqanman yaykuna llävinpa wawankunata. Saymi kay pasacho watashqaykiqa jana pasachöpis watash kanqa. Kay pasacho paskashqaykiqa jana pasachöpis paskashqami kanqa>>.#16.19 Saynöpami Jesucristo nirqan paypa jutincho yachasinanpaq apóstol Pedro munayyuq kashqanta.#Mat. 18.18; Juan 20.23.
20Sayno nirkushpanmi discïpulunkunata nirqan: <<Tayta Dios kachamushqan Cristo kashqäta pitapis ama wilayankisu>>.#16.20 Say wisan Israel runakuna yarpäyarqan Cristuta Tayta Dios kachamuptin Roma runakunata guërracho vincinanpaq kashqantami. Sayno yarpäyaptinpis Jesucristo manami guërrata rurananpaqsu shamush, sinöqa noqansi rayku cruzcho wanunanpaqmi. Saymi discïpulunkunata nirqan Cristo kashqanta pitapis mana wilapäyänanpaq. Wanushqanpita kawarirkamurmi isanqa pïmaytapis wilapäyänanpaq nirqan (Mat. 17.9; 28.19).
Wanunanpaq kashqanta Jesús wilakushqan
Marcos 8.31—9.1; Lucas 9.22-27
21Saypitanami discïpulunkunata Jesús wilapar nirqan: <<Jerusalénmanmi aywanä kaykan. Saychömi Israel mayor runakuna, mandaq cürakuna y ley yachasiqkuna fiyupa nakasimar wanusiyämanqa. Wanusiyämashqanpita kimsa junaqtami kawarimushaq>>.
22Sayno niptinmi jukläman qayaykur Pedro olqutupar nirqan: <<Tayta, saytaqa Tayta Dios ama munaykuläsunsu. ¡Sayqa manami päsashunkimansu!>>
23Sayno niptin Pedruman tikrarkur Jesús nirqan: <<¡Nawpäpita witikuy, Satanás! ¡Ama sapata churapämaysu! Qam manami munankisu Tayta Dios munashqanta ruranäta, saypa trukanqa runa munashqanta ruranätami munaykanki>>.
24Nirkurmi discïpulunkunata Jesús nirqan: <<Pipis discïpulü kayta munarqa shonqun munashqanno ama kawasunsu, saypa trukanqa cruzninta apaqno noqata qatirämäsun.#16.24 Jesucristo kawashqan wisanqa pipis cruzninta aparqan wanusish kananpaqmi. Saymi cruzninta apaqno noqata qatirämäsun nirqa jusalikuypaq wanushno kar Jesucristuta qatiränanpaq kashqanta nikan.#Mat. 10.38; Mar. 8.34; Luc. 9.23; 14.27; Juan 12.25. 25Vïdanta salvayta munaqkunaqa vïdanta oqrayanqami. Vïdanta noqa rayku oqraqkunami isanqa vïdanta salvayanqa.#16.25 Sayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakuyanqasu. Noqa munashqäno kawaqkunami isanqa salvakuyanqa>>.#Mat. 10.39; Luc. 17.33; Juan 12.25. 26Infiernuman qaykush kananpaq kaptinqa ¿imapaqtaq välin intëru munduta makincho sararashqanpis? Mayjina rïcu karpis manami rïcu kashqanwanqa salvacionta rantinqasu.
27<<Runapa Surin angilninkunawan y Taytanpa munayninwan shamurmi#Mat. 25.31. imanöpis kawashqanman tupu pitapis juzganqa.#Sal. 62.11-12; Prov. 24.12; Jer. 17.10; Eze. 18.30; 33.20; Rom. 2.6. 28Rasunpami nï: Manaraqpis wanurmi wakinniki rikayanki Runapa Surin lapantapis mandananpaq shamuykaqta>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.