Levítico 4
4
Purificasina sacrificiupita tantiyasishqan
1Saypitanami Moisésta Tayta Dios nirqan: 2<<Israel runakunata kayno niy: <Pipis mana musyayninpa Tayta Dios nishqankunata mana cumpliptinqa imata rurananpaqpis kanan yäsishayki.
3<< <Tayta Dios nishqankunata mandaq cüra mana cumpliptinqa lapan Israel runakunapis jusayuqmi kayanqa. Saymi jusayuq kashqanpita purificash kayänanpaq sänu turïtuta apamunqa. 4Saytami Tinkuna Toldu patiuman chäsimunqa. Nirkurmi turïtupa umanman makinta churaskir Tayta Diospa nawpancho pishtanqa. 5Mandaq cüranami turïtupa yawarninta walkalata Tinkuna Toldu rurinman apanqa. 6Saychömi dëdunta yawarman jatirkur Tayta Diospa nawpancho Lugar Santïsimuta saparaq cortïnata qanchis kuti saqsupanqa. 7Saynölami inciensuwan qoshnisikuna altarpa waqrantapis yawarwan lushinqa. Tinkuna Toldu patiuman yarqurirnami pusuq yawarta sacrificiuta rupasina altar chakinman talinqa.
8<< <Nirkurnami pishtashqan turïtupa pacha wiranta, 9ishkan rurunninkunata wirantinta, washannincho kaykaq wiranta y natinnincho kaykaq wirantapis jorqunqa. 10Jawka kawakuy sacrificiuta rupasinanpaq jorqushqannölami wiranta jorqunqa. Saykunatami sacrificiuta rupasina altarcho cüra rupasinqa. 11Turïtupa qaranta, aysanta, umanta, chakinkunata, pachanta y ashashnintanami 12campamentupita püru sitiuman apanqa. Say kanqa uchpata jitanaykipaq akrashqayki sitiumi. Uchpa shuntaraykaqman yantata sulkaykurmi#4.12 Wakin runakunaqa shankaykur niyanmi. ruparasinqa.
13<< <Lapan Israel runakuna mana musyayninpa Tayta Dios nishqankunata mana cumplirqa jusayuqmi kayanqa. 14Mana cumpliyashqanta tantiyakurqa jusayuq kayashqanpita purificash kayänanpaq juk turïtuta Tinkuna Toldu patiuman apayämunqa. 15Say turïtupa umanman makinkunata churaykurmi mayor runakuna Tayta Diospa nawpancho pishtayanqa. 16Mandaq cüranami turïtupa yawarninta walkalata sarirkur Tinkuna Toldu rurinman apamunqa. 17Saychömi dëdunta yawarman jatirkur Tayta Diospa nawpancho Lugar Santïsimuta saparaq cortïnata qanchis kuti saqsupanqa. 18Tayta Diospa nawpancho kaykaq altarpa waqrantapis yawarwanmi lushinqa. Tinkuna Toldu patiuman yarquskirmi pusuq yawartana sacrificiuta rupasina altar chakinman talinqa.
19<< <Nirkurnami turïtupa lapan wiranta jorquskir altarcho rupasinqa. 20Sayno rupasinqa mandaq cüra jusayuq kashqanpita turïtupa wiranta altarcho rupasishqannölami.#Lev. 4.8-10. Sayno rupasiptinmi Israel runakuna jusayuq kayashqanpita purificash kar perdonash kayanqa. 21Nirkurnami campamentupita jukläman jorquskir jukaq turïtuta rupasishqanno rupasinqa.#Lev. 4.11-12. Say turïtuqa Israel runakuna jusayuq kayashqanpita purificash kayänanpaq sacrificiumi kanqa.
22<< <Juk autoridä mana musyayninpa Tayta Dios nishqankunata mana cumplirqa jusayuqmi kanqa. 23Mana cumplishqanta tantiyakurqa sänu chïvuta sacrificiupaq apamunqa. 24Say chïvupa umanman makinta churaykur rupasina sacrificiupaq uywata imaypis pishtakuyänancho pishtanqa. Sayno ruranqa Tayta Diospa nawpanchömi. Purificasina sacrificiumi say uywa kanqa. 25Cüranami pishtashqan uywapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa. 26Jawka kawakuy sacrificiuta rupasir uywapa wiranta rupasishqannölami lapan wiranta altarcho rupasinqa. Cüra sayno ruraptinmi say autoridä jusayuq kashqanpita purificash kar perdonash kanqa.
27<< <Mayqan runapis mana musyayninpa Tayta Dios nishqankunata mana cumplirqa jusayuqmi kanqa. 28Mana cumplishqanta tantiyakurqa sänu cabrata sacrificiupaq apamunqa. 29Saychömi cabrapa umanman makinta churaykur rupasina sacrificiupaq uywata imaypis pishtayashqan kaqcho pishtanqa. 30Cüranami cabrapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa. 31Nirkurnami jawka kawakuy sacrificiuta rupasinanpaq uywata pishtar wiranta jorqushqanno cabrapa lapan wirantapis jorqunqa. Sayta altarcho cüra rupasiptin mushkuyninmi Tayta Diospa shonqunpaqno kanqa. Saynöpami say runa jusayuq kashqanpita purificash kar perdonash kanqa.#Núm. 15.27-28.
32<< <Purificasina sacrificiupaq uyshata apamurqa sänunnin china uyshata apamunqa. 33Nirkur uyshapa umanman makinta churaskir rupasina sacrificiupaq imaypis pishtayashqancho purificash kananpaq pishtanqa. 34Cüranami pishtashqan uywapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa. 35Jawka kawakuy sacrificiuta rupasir uyshapa wiranta rupasishqannölami lapan wiranta altarcho rupasinqa. Sayno rupasinqa Tayta Diosta adorar wakin sacrificiukunata rupaykäsishqan jananmanmi. Cüra sayno ruraptinraqmi uywata apamuq runa jusayuq kashqanpita purificash kar perdonash kanqa.
Currently Selected:
Levítico 4: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 4
4
Purificasina sacrificiupita tantiyasishqan
1Saypitanami Moisésta Tayta Dios nirqan: 2<<Israel runakunata kayno niy: <Pipis mana musyayninpa Tayta Dios nishqankunata mana cumpliptinqa imata rurananpaqpis kanan yäsishayki.
3<< <Tayta Dios nishqankunata mandaq cüra mana cumpliptinqa lapan Israel runakunapis jusayuqmi kayanqa. Saymi jusayuq kashqanpita purificash kayänanpaq sänu turïtuta apamunqa. 4Saytami Tinkuna Toldu patiuman chäsimunqa. Nirkurmi turïtupa umanman makinta churaskir Tayta Diospa nawpancho pishtanqa. 5Mandaq cüranami turïtupa yawarninta walkalata Tinkuna Toldu rurinman apanqa. 6Saychömi dëdunta yawarman jatirkur Tayta Diospa nawpancho Lugar Santïsimuta saparaq cortïnata qanchis kuti saqsupanqa. 7Saynölami inciensuwan qoshnisikuna altarpa waqrantapis yawarwan lushinqa. Tinkuna Toldu patiuman yarqurirnami pusuq yawarta sacrificiuta rupasina altar chakinman talinqa.
8<< <Nirkurnami pishtashqan turïtupa pacha wiranta, 9ishkan rurunninkunata wirantinta, washannincho kaykaq wiranta y natinnincho kaykaq wirantapis jorqunqa. 10Jawka kawakuy sacrificiuta rupasinanpaq jorqushqannölami wiranta jorqunqa. Saykunatami sacrificiuta rupasina altarcho cüra rupasinqa. 11Turïtupa qaranta, aysanta, umanta, chakinkunata, pachanta y ashashnintanami 12campamentupita püru sitiuman apanqa. Say kanqa uchpata jitanaykipaq akrashqayki sitiumi. Uchpa shuntaraykaqman yantata sulkaykurmi#4.12 Wakin runakunaqa shankaykur niyanmi. ruparasinqa.
13<< <Lapan Israel runakuna mana musyayninpa Tayta Dios nishqankunata mana cumplirqa jusayuqmi kayanqa. 14Mana cumpliyashqanta tantiyakurqa jusayuq kayashqanpita purificash kayänanpaq juk turïtuta Tinkuna Toldu patiuman apayämunqa. 15Say turïtupa umanman makinkunata churaykurmi mayor runakuna Tayta Diospa nawpancho pishtayanqa. 16Mandaq cüranami turïtupa yawarninta walkalata sarirkur Tinkuna Toldu rurinman apamunqa. 17Saychömi dëdunta yawarman jatirkur Tayta Diospa nawpancho Lugar Santïsimuta saparaq cortïnata qanchis kuti saqsupanqa. 18Tayta Diospa nawpancho kaykaq altarpa waqrantapis yawarwanmi lushinqa. Tinkuna Toldu patiuman yarquskirmi pusuq yawartana sacrificiuta rupasina altar chakinman talinqa.
19<< <Nirkurnami turïtupa lapan wiranta jorquskir altarcho rupasinqa. 20Sayno rupasinqa mandaq cüra jusayuq kashqanpita turïtupa wiranta altarcho rupasishqannölami.#Lev. 4.8-10. Sayno rupasiptinmi Israel runakuna jusayuq kayashqanpita purificash kar perdonash kayanqa. 21Nirkurnami campamentupita jukläman jorquskir jukaq turïtuta rupasishqanno rupasinqa.#Lev. 4.11-12. Say turïtuqa Israel runakuna jusayuq kayashqanpita purificash kayänanpaq sacrificiumi kanqa.
22<< <Juk autoridä mana musyayninpa Tayta Dios nishqankunata mana cumplirqa jusayuqmi kanqa. 23Mana cumplishqanta tantiyakurqa sänu chïvuta sacrificiupaq apamunqa. 24Say chïvupa umanman makinta churaykur rupasina sacrificiupaq uywata imaypis pishtakuyänancho pishtanqa. Sayno ruranqa Tayta Diospa nawpanchömi. Purificasina sacrificiumi say uywa kanqa. 25Cüranami pishtashqan uywapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa. 26Jawka kawakuy sacrificiuta rupasir uywapa wiranta rupasishqannölami lapan wiranta altarcho rupasinqa. Cüra sayno ruraptinmi say autoridä jusayuq kashqanpita purificash kar perdonash kanqa.
27<< <Mayqan runapis mana musyayninpa Tayta Dios nishqankunata mana cumplirqa jusayuqmi kanqa. 28Mana cumplishqanta tantiyakurqa sänu cabrata sacrificiupaq apamunqa. 29Saychömi cabrapa umanman makinta churaykur rupasina sacrificiupaq uywata imaypis pishtayashqan kaqcho pishtanqa. 30Cüranami cabrapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa. 31Nirkurnami jawka kawakuy sacrificiuta rupasinanpaq uywata pishtar wiranta jorqushqanno cabrapa lapan wirantapis jorqunqa. Sayta altarcho cüra rupasiptin mushkuyninmi Tayta Diospa shonqunpaqno kanqa. Saynöpami say runa jusayuq kashqanpita purificash kar perdonash kanqa.#Núm. 15.27-28.
32<< <Purificasina sacrificiupaq uyshata apamurqa sänunnin china uyshata apamunqa. 33Nirkur uyshapa umanman makinta churaskir rupasina sacrificiupaq imaypis pishtayashqancho purificash kananpaq pishtanqa. 34Cüranami pishtashqan uywapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa. 35Jawka kawakuy sacrificiuta rupasir uyshapa wiranta rupasishqannölami lapan wiranta altarcho rupasinqa. Sayno rupasinqa Tayta Diosta adorar wakin sacrificiukunata rupaykäsishqan jananmanmi. Cüra sayno ruraptinraqmi uywata apamuq runa jusayuq kashqanpita purificash kar perdonash kanqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.