Levítico 17
17
Tinkuna Toldu patiulacho sacrificiuta rupasinanpaq nishqan
1Mastapis Moisésta Tayta Dios nirqan: 2<<Aarónta, surinkunata y lapan Israel runakunata kay nishqäkunata tantiyasir niy: 3<Pï Israel runapis töruta karpis, uyshata karpis, cabrata karpis campamentucho o juklächo sacrificiupaq pishtarkur 4Tinkuna Sagrädu Toldu patiuman Tayta Diospa nawpancho rupasinanpaq apamunqa. Mana apamurqa yawarta mashtashqanpita pasaypa jusayuqmi kanqa. Sayno ruraq kaqqa Israel runakunapita qarqushqami kanqa. 5Saymi lutala may jirkachöpis uywakunata pishtar sacrificiuta rupasinanpa trukanqa Tinkuna Toldu patiuman apamur cürata entreganqa saychöna rupasinanpaq. Cüranami Tayta Diospa nawpancho uywakunata pishtanqa jawka kawakuy sacrificiupaq. 6Tinkuna Toldu patiucho pishtarmi uywapa yawarninta altarman cüra saqsupanqa. Wiranta altarcho rupasiptinmi mushkuynin Tayta Diospa shonqunpaqno kanqa.
7<< <Jirkapa amana apayankinasu chïvu niraq supaykunapaq sacrificiuta rupasiyänaykipaq. Saykunataqa mana tantiyakurmi adorayashkanki. Kay nishqäkunaqa imayyaqpis leymi qamkunapaq y qamkunapita miraqkunapaqpis kanqa.
8<< <Israel runakunata y qamkuna täyashqaykicho kaq jäpa runakunatapis say nishqäkunata wilapäyanki. Rupasina sacrificiuta o ima sacrificiutapis rupasiyta munarqa 9Tinkuna Toldu patiuman Tayta Diospaq apanqa. Mana apaq kaqqa Israel runakunapita qarqushqami kanqa.
Yawarta mana mikunanpaq nishqan
10<< <Yawarta mikuq kaqtaqa Israel runa kaptinpis jäpa runa kaptinpis castigashaqmi.#Gén. 9.4; Lev. 7.26-27; 19.26; Deut. 12.16, 23; 15.23. Ichiklatapis yawarta mikuq kaqtaqa ushakäsishaqmi. 11Lapan kawaqkunapapis yawarninchömi vïdan kaykan. Qamkunapis altarman yawarta jicharraqmi jusaykikunapita perdonash kayanki.#Heb. 9.22. 12Saymi Israel mayikikunata ninki mayqanpis yawarta mana mikuyänanpaq. Saynöla qamkunacho taq jäpa runakunapis yawarta ama mikuyäsunsu.
13<< <Mayqaykipis mikuna uywata o mikuna pishquta sarirqa yawarninta ama mikuyankisu. Saypa trukanqa pasaman jicharir alpawan sapaykuyanki. Saynöla rurayanqa qamkunacho taq jäpa runakunapis. 14Lapan kawaqkunapapis yawarninchömi vïdan kaykan. Sayno kaykaptinqa yawarta ama mikuyankisu. Pipis yawarta mikuq kaqqa Israel runakunapita qarqushqami kanqa.
15<< <Pipis wanush uywapa aysanta o munti uywa katupakushqan aysata mikurqa mödananta taqshakuskir armakunqa. Saynöla qamkunacho taq jäpa runakunapis sayta mikurqa armakuyanqa. Sayno rurarpis pasa sakashqanyaqmi impüru kayanqa. 16Mödananta mana taqshakur ni kikinpis mana armakurqa castigashqami kanqa> >>.
Currently Selected:
Levítico 17: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 17
17
Tinkuna Toldu patiulacho sacrificiuta rupasinanpaq nishqan
1Mastapis Moisésta Tayta Dios nirqan: 2<<Aarónta, surinkunata y lapan Israel runakunata kay nishqäkunata tantiyasir niy: 3<Pï Israel runapis töruta karpis, uyshata karpis, cabrata karpis campamentucho o juklächo sacrificiupaq pishtarkur 4Tinkuna Sagrädu Toldu patiuman Tayta Diospa nawpancho rupasinanpaq apamunqa. Mana apamurqa yawarta mashtashqanpita pasaypa jusayuqmi kanqa. Sayno ruraq kaqqa Israel runakunapita qarqushqami kanqa. 5Saymi lutala may jirkachöpis uywakunata pishtar sacrificiuta rupasinanpa trukanqa Tinkuna Toldu patiuman apamur cürata entreganqa saychöna rupasinanpaq. Cüranami Tayta Diospa nawpancho uywakunata pishtanqa jawka kawakuy sacrificiupaq. 6Tinkuna Toldu patiucho pishtarmi uywapa yawarninta altarman cüra saqsupanqa. Wiranta altarcho rupasiptinmi mushkuynin Tayta Diospa shonqunpaqno kanqa.
7<< <Jirkapa amana apayankinasu chïvu niraq supaykunapaq sacrificiuta rupasiyänaykipaq. Saykunataqa mana tantiyakurmi adorayashkanki. Kay nishqäkunaqa imayyaqpis leymi qamkunapaq y qamkunapita miraqkunapaqpis kanqa.
8<< <Israel runakunata y qamkuna täyashqaykicho kaq jäpa runakunatapis say nishqäkunata wilapäyanki. Rupasina sacrificiuta o ima sacrificiutapis rupasiyta munarqa 9Tinkuna Toldu patiuman Tayta Diospaq apanqa. Mana apaq kaqqa Israel runakunapita qarqushqami kanqa.
Yawarta mana mikunanpaq nishqan
10<< <Yawarta mikuq kaqtaqa Israel runa kaptinpis jäpa runa kaptinpis castigashaqmi.#Gén. 9.4; Lev. 7.26-27; 19.26; Deut. 12.16, 23; 15.23. Ichiklatapis yawarta mikuq kaqtaqa ushakäsishaqmi. 11Lapan kawaqkunapapis yawarninchömi vïdan kaykan. Qamkunapis altarman yawarta jicharraqmi jusaykikunapita perdonash kayanki.#Heb. 9.22. 12Saymi Israel mayikikunata ninki mayqanpis yawarta mana mikuyänanpaq. Saynöla qamkunacho taq jäpa runakunapis yawarta ama mikuyäsunsu.
13<< <Mayqaykipis mikuna uywata o mikuna pishquta sarirqa yawarninta ama mikuyankisu. Saypa trukanqa pasaman jicharir alpawan sapaykuyanki. Saynöla rurayanqa qamkunacho taq jäpa runakunapis. 14Lapan kawaqkunapapis yawarninchömi vïdan kaykan. Sayno kaykaptinqa yawarta ama mikuyankisu. Pipis yawarta mikuq kaqqa Israel runakunapita qarqushqami kanqa.
15<< <Pipis wanush uywapa aysanta o munti uywa katupakushqan aysata mikurqa mödananta taqshakuskir armakunqa. Saynöla qamkunacho taq jäpa runakunapis sayta mikurqa armakuyanqa. Sayno rurarpis pasa sakashqanyaqmi impüru kayanqa. 16Mödananta mana taqshakur ni kikinpis mana armakurqa castigashqami kanqa> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.