Levítico 16
16
Israel runakuna purificash kayänanpaq kaq junaq
1 Tayta Diospa nawpanman lutala yaykur Aarónpa ishkan surinkuna wanuyashqanpitami#Lev. 10.1-3. Moisésta Tayta Dios nirqan: 2<<Wawqiki Aarónta wilay cortïnata päsar Lugar Santïsimuman lutala mana yaykunanpaq.#Heb. 6.19. Saycho kaykaq babulpa sapanan jananmanmi pukutaycho yurimushaq. Saymi sayman lutala yaykurqa wanunqa. 3Juk turïtuta purificasina sacrificiupaq juk carnita rupasina sacrificiupaq altarcho rupaskasirraqmi#Heb. 9.7. Lugar Santïsimuman Aarón yaykunqa. 4Saynöpis jatikunqa lïnupita awash sagrädu tünicanta y lïnupita awash calzoncïlluntami. Saynöla lïnu wachkuwan wachkakurkur umanmanpis lïnu görranta jatikunqa. Say mödanakuna sagrädu kaptin manaraq jatikur armakunqa. 5Israel runakuna apayämushqanpitami purificasina sacrificiupaq ishkay chïvukunata y rupasina sacrificiupaq juk carnita Aarón apamunqa.
6<<Saypitanami purificasina sacrificiupaq Tinkuna Toldu patiuman turïtuta Aarón apamunqa. Say turïtu kanqa Aarón y paypita miraq cürakuna purificash kayänanpaqmi. 7Saypitanami ishkan chïvukunata Tinkuna Toldu patiuman apaykamur Tayta Diospa nawpanman churanqa. 8Saychömi suertita jitanqa mayqan chïvu Tayta Diospaq kananpaq y mayqan chïvu Azazelpaq#16.8 Azazelpaqqa sunyaqcho taq supaypa jutin kashqantami unay Israel runakuna niyaq. kananpaqpis. 9Tayta Diospaq kaq chïvutaqa purificasina sacrificiupaqmi altarcho Aarón rupasinqa. 10Azazelpaq kaq chïvutanami kawaykaqlata Tayta Diospa nawpanman apamunqa. Nirkurnami sunyaq jirkaman apaykur Azazel kaykashqan kaqman qarqurinqa. Qarquriptinnami Israel runakuna jusalikuyashqanpita perdonash kar purificash kayanqa.
11<<Saypitanami Tinkuna Tolduman apamushqan turïtuta altarcho Aarón rupasinqa kikinpis y paypita miraq cürakunapis purificash kayänanpaq. 12Nirkurnami Tayta Diospa nawpancho kaykaq altarpita shanshaykaq carbonta inciensu qoshnisikunanwan juntata Tinkuna Toldu rurinman apanqa. Saynölami ishkay aptay ñuchu aqash mushkuq inciensutapis apanqa. Tinkuna Toldu rurincho kaykaq cortïnata päsarmi Lugar Santïsimuman saykunata apanqa. 13Saychömi Tayta Diospa nawpancho shansha apashqanman inciensuta winanqa. Saymi inciensupa qoshtaynin sapakurkunqa Pactu Babulpa sapananta. Sayno sapakurkuptin Aarón manami wanunqasu. 14Nirkurmi turïtupa yawarninman dëdunta jatirkur babulpa sapananta punkuläpita saqsupanqa. Saypitanami kikin babultapis dëdunwan qanchis kuti saqsupanqa.
15<<Lugar Santïsimupita yarqurirmi Israel runakuna jusalikuyashqanpita purificash kayänanpaq chïvuta pishtanqa. Say yawartapis turïtupa yawarninwan rurashqannöla cortïna rurinman apaykur sapananta y babulpa nawpanta saqsupanqa.#Heb. 9.12. 16Saynöparaqmi Israel runakuna impüru kayashqanpita, mana cäsukuyashqanpita y jusalikuyashqanpita Lugar Santïsimuta y lapan Tinkuna Toldutapis purificanqa.
17<<Lugar Santïsimucho Aarón kashqanyaq manami pipis Tinkuna Tolduman yaykunmansu. Saychömi Aarónqa yawarta saqsupanqa kikinpis, ayllunkunapis y lapan Israel runakunapis purificash kayänanpaq. 18Saypita yarqurnami Tayta Diospa nawpancho kaykaq altartana purificanqa. Saychömi turïtupa yawarninwan y chïvupa yawarninwan altarpa waqrankunata lushipanqa. 19Nirkurnami altarpa jananman qanchis kuti dëdunwan yawarta saqsupanqa. Saynöpami Israel runakuna jusalikur impüruyäsiyashqanpita altarta purificanqa sagrädu kananpaq.
20<<Lugar Santïsimuta, Tinkuna Tolduta y altarta purificayta ushaskirna kawaykaq chïvuta apayämunanpaq Aarón ninqa. 21Chïvupa umanman makinta churaykur Tayta Diosta wilapanqa Israel runakuna lutankunata rurayashqanta, contran sharkuyashqanta y jusalikuyashqanta. Sayno wilaparmi Israel runakunapa lapan jusankunata chïvuman jitapanqa apakunanpaq. Nirkurmi juk runa sunyaqman apaykur chïvuta kachariykunqa aywakunanpaq. 22Saynöpami say chïvu Israel runakunapa lapan jusankunata apakunqa pipis mana tashqanman.
23<<Saypitanami Tinkuna Tolduman Aarón aywar Lugar Santïsimuman yaykunanpaq jatikushqan lïnu mödanata loqtiskir churaykunqa.#Eze. 44.19. 24Armakuskirnami mödananta jatikuskirna yarqunqa kikinpa jusanpita y Israel runakunapa jusanpita sacrificiuta rupasinanpaq. Sayno rupasiptinmi kikinpa y Israel runakunapa jusankuna perdonash kanqa. 25Nirkurnami purificasina sacrificiupaq pishtashqan uywapa wiranta altarcho rupasinqa.
26<<Sunyaq jirkaman Azazelpaq chïvuta apaq runapis mödananta taqshakuskir y armakuskirraqmi campamentuman kutimunqa.
27<<Purificasina sacrificiupaq pishtashqan turïtupa y chïvupa qarasanta, aysanta y ashashninkunatanami campamentupita jukläman apaykur rupasinqa. Say uywakunapa yawarnintami Lugar Santïsimuta purificananpaq apashna karqan.#Heb. 13.11. 28Saykunata rupasiq runaqa mödananta taqshakuskir y armakuskirmi campamentuman kutimunqa.
29<<Cada wata lapan saykunata rurayanki qanchis kaq killa chunka junaqcho. Say junaq ayunar ima aruytapis kachaykuyanki. Qamkunacho taq jäpa runakunapis sayno rurayanqa. Kay nishqäkunaqa imayyaqpis leymi qamkunapaq kanqa. 30Say junaqqa lapaykitami purificayäshushpayki Tayta Dios perdonayäshunki. Saymi Tayta Diospa nawpancho lapan jusalikuyashqaykipita maylash kayanki. 31Say junaqqa qamkunapaq jamay junaqmi kanqa. Saymi ayunar ima aruytapis rurayankisu. Say nishqäkunaqa imayyaqpis leymi qamkunapaq kanqa.
32<<Mayqanpis mandaq cüra kananpaq churashqan cürami saykunata ruranqa lapanpis purificash kananpaq. Paymi lïnupita rurash sagrädu mödanata jatikurkur 33Lugar Santïsimuta, Tinkuna Tolduta y altarta purificanqa. Saynöpami cürakunapis y lapan Israel runakunapis purificash kar perdonash kayanqa. 34Jusankunapita perdonash kayänanpaqmi cada watacho juk kuti say nishqäkunata Israel runakuna rurayanqa. Say nishqäkunaqa imayyaqpis leymi qamkunapaq kanqa>>.#Lev. 23.26-32; Núm. 29.7-11.
Moisésta Tayta Dios nishqannölami lapantapis rurayarqan.
Currently Selected:
Levítico 16: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 16
16
Israel runakuna purificash kayänanpaq kaq junaq
1 Tayta Diospa nawpanman lutala yaykur Aarónpa ishkan surinkuna wanuyashqanpitami#Lev. 10.1-3. Moisésta Tayta Dios nirqan: 2<<Wawqiki Aarónta wilay cortïnata päsar Lugar Santïsimuman lutala mana yaykunanpaq.#Heb. 6.19. Saycho kaykaq babulpa sapanan jananmanmi pukutaycho yurimushaq. Saymi sayman lutala yaykurqa wanunqa. 3Juk turïtuta purificasina sacrificiupaq juk carnita rupasina sacrificiupaq altarcho rupaskasirraqmi#Heb. 9.7. Lugar Santïsimuman Aarón yaykunqa. 4Saynöpis jatikunqa lïnupita awash sagrädu tünicanta y lïnupita awash calzoncïlluntami. Saynöla lïnu wachkuwan wachkakurkur umanmanpis lïnu görranta jatikunqa. Say mödanakuna sagrädu kaptin manaraq jatikur armakunqa. 5Israel runakuna apayämushqanpitami purificasina sacrificiupaq ishkay chïvukunata y rupasina sacrificiupaq juk carnita Aarón apamunqa.
6<<Saypitanami purificasina sacrificiupaq Tinkuna Toldu patiuman turïtuta Aarón apamunqa. Say turïtu kanqa Aarón y paypita miraq cürakuna purificash kayänanpaqmi. 7Saypitanami ishkan chïvukunata Tinkuna Toldu patiuman apaykamur Tayta Diospa nawpanman churanqa. 8Saychömi suertita jitanqa mayqan chïvu Tayta Diospaq kananpaq y mayqan chïvu Azazelpaq#16.8 Azazelpaqqa sunyaqcho taq supaypa jutin kashqantami unay Israel runakuna niyaq. kananpaqpis. 9Tayta Diospaq kaq chïvutaqa purificasina sacrificiupaqmi altarcho Aarón rupasinqa. 10Azazelpaq kaq chïvutanami kawaykaqlata Tayta Diospa nawpanman apamunqa. Nirkurnami sunyaq jirkaman apaykur Azazel kaykashqan kaqman qarqurinqa. Qarquriptinnami Israel runakuna jusalikuyashqanpita perdonash kar purificash kayanqa.
11<<Saypitanami Tinkuna Tolduman apamushqan turïtuta altarcho Aarón rupasinqa kikinpis y paypita miraq cürakunapis purificash kayänanpaq. 12Nirkurnami Tayta Diospa nawpancho kaykaq altarpita shanshaykaq carbonta inciensu qoshnisikunanwan juntata Tinkuna Toldu rurinman apanqa. Saynölami ishkay aptay ñuchu aqash mushkuq inciensutapis apanqa. Tinkuna Toldu rurincho kaykaq cortïnata päsarmi Lugar Santïsimuman saykunata apanqa. 13Saychömi Tayta Diospa nawpancho shansha apashqanman inciensuta winanqa. Saymi inciensupa qoshtaynin sapakurkunqa Pactu Babulpa sapananta. Sayno sapakurkuptin Aarón manami wanunqasu. 14Nirkurmi turïtupa yawarninman dëdunta jatirkur babulpa sapananta punkuläpita saqsupanqa. Saypitanami kikin babultapis dëdunwan qanchis kuti saqsupanqa.
15<<Lugar Santïsimupita yarqurirmi Israel runakuna jusalikuyashqanpita purificash kayänanpaq chïvuta pishtanqa. Say yawartapis turïtupa yawarninwan rurashqannöla cortïna rurinman apaykur sapananta y babulpa nawpanta saqsupanqa.#Heb. 9.12. 16Saynöparaqmi Israel runakuna impüru kayashqanpita, mana cäsukuyashqanpita y jusalikuyashqanpita Lugar Santïsimuta y lapan Tinkuna Toldutapis purificanqa.
17<<Lugar Santïsimucho Aarón kashqanyaq manami pipis Tinkuna Tolduman yaykunmansu. Saychömi Aarónqa yawarta saqsupanqa kikinpis, ayllunkunapis y lapan Israel runakunapis purificash kayänanpaq. 18Saypita yarqurnami Tayta Diospa nawpancho kaykaq altartana purificanqa. Saychömi turïtupa yawarninwan y chïvupa yawarninwan altarpa waqrankunata lushipanqa. 19Nirkurnami altarpa jananman qanchis kuti dëdunwan yawarta saqsupanqa. Saynöpami Israel runakuna jusalikur impüruyäsiyashqanpita altarta purificanqa sagrädu kananpaq.
20<<Lugar Santïsimuta, Tinkuna Tolduta y altarta purificayta ushaskirna kawaykaq chïvuta apayämunanpaq Aarón ninqa. 21Chïvupa umanman makinta churaykur Tayta Diosta wilapanqa Israel runakuna lutankunata rurayashqanta, contran sharkuyashqanta y jusalikuyashqanta. Sayno wilaparmi Israel runakunapa lapan jusankunata chïvuman jitapanqa apakunanpaq. Nirkurmi juk runa sunyaqman apaykur chïvuta kachariykunqa aywakunanpaq. 22Saynöpami say chïvu Israel runakunapa lapan jusankunata apakunqa pipis mana tashqanman.
23<<Saypitanami Tinkuna Tolduman Aarón aywar Lugar Santïsimuman yaykunanpaq jatikushqan lïnu mödanata loqtiskir churaykunqa.#Eze. 44.19. 24Armakuskirnami mödananta jatikuskirna yarqunqa kikinpa jusanpita y Israel runakunapa jusanpita sacrificiuta rupasinanpaq. Sayno rupasiptinmi kikinpa y Israel runakunapa jusankuna perdonash kanqa. 25Nirkurnami purificasina sacrificiupaq pishtashqan uywapa wiranta altarcho rupasinqa.
26<<Sunyaq jirkaman Azazelpaq chïvuta apaq runapis mödananta taqshakuskir y armakuskirraqmi campamentuman kutimunqa.
27<<Purificasina sacrificiupaq pishtashqan turïtupa y chïvupa qarasanta, aysanta y ashashninkunatanami campamentupita jukläman apaykur rupasinqa. Say uywakunapa yawarnintami Lugar Santïsimuta purificananpaq apashna karqan.#Heb. 13.11. 28Saykunata rupasiq runaqa mödananta taqshakuskir y armakuskirmi campamentuman kutimunqa.
29<<Cada wata lapan saykunata rurayanki qanchis kaq killa chunka junaqcho. Say junaq ayunar ima aruytapis kachaykuyanki. Qamkunacho taq jäpa runakunapis sayno rurayanqa. Kay nishqäkunaqa imayyaqpis leymi qamkunapaq kanqa. 30Say junaqqa lapaykitami purificayäshushpayki Tayta Dios perdonayäshunki. Saymi Tayta Diospa nawpancho lapan jusalikuyashqaykipita maylash kayanki. 31Say junaqqa qamkunapaq jamay junaqmi kanqa. Saymi ayunar ima aruytapis rurayankisu. Say nishqäkunaqa imayyaqpis leymi qamkunapaq kanqa.
32<<Mayqanpis mandaq cüra kananpaq churashqan cürami saykunata ruranqa lapanpis purificash kananpaq. Paymi lïnupita rurash sagrädu mödanata jatikurkur 33Lugar Santïsimuta, Tinkuna Tolduta y altarta purificanqa. Saynöpami cürakunapis y lapan Israel runakunapis purificash kar perdonash kayanqa. 34Jusankunapita perdonash kayänanpaqmi cada watacho juk kuti say nishqäkunata Israel runakuna rurayanqa. Say nishqäkunaqa imayyaqpis leymi qamkunapaq kanqa>>.#Lev. 23.26-32; Núm. 29.7-11.
Moisésta Tayta Dios nishqannölami lapantapis rurayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.