Josué 12
12
Moisés wanusishqan reykuna pï kayashqanpis
1Jordán mayuta manaraq simparmi ishkay reykunata wanusir nacionninkunata Israel runakuna sarikurkuyarqan. Say reykuna mandayarqan Arnón mayupita Hermón puntayaqmi. Say karqan Arabá pampa simpan inti jeqamunan kaqläpami.
2Juk wanusishqan rey karqan amorreo runakunapa mandaqnin Sehón. Paymi Hesbóncho tarqan. Rey Sehón mandarqan Arnón mayu nawpancho kaykaq Aroerpita pasa Jaboc mayuyaqmi. Jaboc mayu amonita runakunapa lindërun kaptinmi pulan Galaadpis paypa munaynincho karqan. 3Saynölami Sehónpa munaynincho karqan Jordán mayu nawpan pampakuna Cineret qochapita#12.3 Cineret qochaqa Galilea qochami kaykan. pasa Arabá Lamaryaq (Arabá Lamarqa Kachi Lamarmi kaykan) y Bet-jesimotpita sur kaqläpa aywar Pisga niyashqan punta chakinyaq. Saykuna karqan Arabá pampa simpan inti jeqamunan kaqlächömi.
4Jukaq wanusishqan reynami karqan Basán partipa mandaqnin rey Og. Paylanami refaíta runaqa kaykarqan. Og tarqan Astarotcho y Edreichömi. 5Ogpa munayninchömi karqan Hermón puntapita Salcayaq, intëru Basán partipita Gesur lindëruyaq y Maaca lindëruyaq. Pulan Galaadpis Hesbóncho taq rey Sehónpa lindërunyaq paypa munayninchömi karqan.#Núm. 21.21-35; Deut. 2.26—3.11. 6Say ishkay reykunatami Tayta Diospa sirviqnin Moisés Israel runakunawan vinciyarqan. Nirkur say partikunatami posisionta aypurqan Rubén trïbuta,#Núm. 32.33; Deut. 3.12. Gad trïbuta y pulan Manasés trïbuta.
Josué wanusishqan reykuna pï kayashqanpis
7Israel runakunawan Jordán mayuta simparkur aska reykunatami Josué wanusirqan. Say reykuna mandayashqan partikuna karqan Líbano pampacho kaq Baal-gadpita Seir partiman aywaq Halac jirkayaqmi. Say partikunatami Israel trïbukunata Josué aypurqan posisionnin kananpaq. 8Saymi Israel runakuna chaskiyashqan partikuna karqan jalqakuna kashqan partikuna, Sefela, Arabá pampa, lamar kuchun pampakuna, sunyaq jirkakuna y Neguevpis. Say partikuna karqan heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapami.
9Wanusishqan reykuna kayarqan:
Jericó markapa mandaqnin rey,
Bet-elpa nawpancho kaykaq Hai markapa mandaqnin rey,
10Jerusalén markapa mandaqnin rey,
Hebrón markapa mandaqnin rey,
11Jarmut markapa mandaqnin rey,
Laquis markapa mandaqnin rey,
12Eglón markapa mandaqnin rey,
Gezer markapa mandaqnin rey,
13Debir markapa mandaqnin rey,
Geder markapa mandaqnin rey,
14Horma markapa mandaqnin rey,
Arad markapa mandaqnin rey,
15Libna markapa mandaqnin rey,
Adulam markapa mandaqnin rey,
16Maceda markapa mandaqnin rey,
Bet-el markapa mandaqnin rey,
17Tapúa markapa mandaqnin rey,
Hefer markapa mandaqnin rey,
18Afec markapa mandaqnin rey,
Sarón markapa mandaqnin rey,
19Madón markapa mandaqnin rey,
Hazor markapa mandaqnin rey,
20Simron-merón markapa mandaqnin rey,
Acsaf markapa mandaqnin rey,
21Taanac markapa mandaqnin rey,
Meguido markapa mandaqnin rey,
22Cedes markapa mandaqnin rey,
Carmelucho kaykaq Jocneam markapa mandaqnin rey,
23Dor provinciacho kaykaq Dor markapa mandaqnin rey,
Gilgalcho kaykaq Goim markapa mandaqnin rey
24y Tirsa markapa mandaqnin rey.
Say lapan wanuq reykuna kayarqan kimsa chunka jukmi (31).
Currently Selected:
Josué 12: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
