Jueces 12
12
Galaadcho taq runakunawan Efraín trïbu runakuna pelyayashqan
1Amonita runakunata Jefté vincirkuptinmi Efraín trïbu runakuna Jordán mayuta simpar Zafón markaman chäyarqan. Paykunami Jeftéta niyarqan: <<Amonita runakunawan pelyaq aywaykarqa ¿imanirtaq wilayämashkankisu pelyäsiyänäpaq? ¡Saypitami wayintinta rupasiyäshayki!>>
2Sayno niyaptinmi Jefté nirqan: <<Amonita runakunawan fiyupa rimanakur wilakasimuptïpis manami yanapämaq shayämushkankisu. 3Saymi wanuy kaway kikiläkunana amonita runakunawan pelyaq aywayashkä. Say guërracho Tayta Dios yanapäyämaptinmi paykunata vinciyashkä. Qayaykäsiptïpis mana shamuykarqa ¿imanirtaq atacamaq shayämushkanki?>>
4Sayno niptinmi Efraín trïbu runakuna niyarqan: <<Efraín trïbupita y Manasés trïbupita mana väliqnin kaqkunalami kaykäyanki>>.
Sayno nir manakaqman churayaptinmi Jeftéqa Galaad runakunata shuntaykur Efraín trïbu runakunawan pelyar vinciyarqan.
5Nirkurnami Jordán vädukunaman aywaykur Efraín trïbu runakunata sapäyarqan. Saymi vädupa päsayta munar pipis chaq kaqtaqa tapuyarqan: <<¿Efraín trïbupitaku kanki?>> nir.
<<Manami>> niptinqa: 6<<Mä, <shibolet> niy>> niyarqan. Sayno niyarqan Efraín trïbu runakuna parlayta mana kamäpakur <<shibolet>> niyänanpa trukan <<sibolet>> niyashqanta musyarmi. Saymi pipis <<sibolet>> niptinqa jukla wanusiyaq. Say pelyachömi chusku chunka ishkay waranqa (42,000) Efraín trïbu runakunata wanusiyarqan.
7Soqta watami Israel runakunapa jueznin Jefté karqan. Wanuykuptinnami Galaad markanman pampayarqan.
Israel runakunapa jueznin Ibzán kashqan
8Jefté wanuykuptinmi Belén markapita Ibzánna Israel runakunapa jueznin karqan. 9Paypa surinkunami kayarqan kimsa chunka (30) olqu y kimsa chunka (30) warmi. Lapan surinkunata täsirqan juklä runakunawanmi. Qanchis watami Ibzánqa Israel runakunapa jueznin karqan. 10Ibzán wanuykuptinmi Belénman pampayarqan.
Israel runakunapa jueznin Elón kashqan
11Saypitanami Israel runakunapa jueznin karqan Zabulón trïbupita Elón. Chunka watami Israel runakunapa jueznin pay karqan. 12Elón wanuykuptinmi trïbun runakuna täyashqan Ajalón markaman pampayarqan.
Israel runakunapa jueznin Abdón kashqan
13Saypitanami Israel runakunapa jueznin karqan Abdón. Pay karqan Piratóncho taq Hilelpa surinmi. 14Abdónqa puwaq watami Israel runakunapa jueznin karqan. Paypa olqu surinkuna kayarqan chusku chunkami (40). Wilkankunanami kayarqan kimsa chunka (30). Surinkunapis wilkankunapis ashnun loqashlami#12.14 Wakin runakunaqa muntashlami niyan. puriyaq. 15Abdón wanuykuptinmi Piratónman pampayarqan. Say karqan Efraín jalqakunachömi. Nawpataqa amalecita runakunami saycho täyarqan.
Currently Selected:
Jueces 12: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
