Éxodo 3

Moisésta Tayta Dios qayashqan

1Moisésnami suedrun Jetrupa#3.1a Jetrupa jukaq jutinmi karqan Reuel. Sayta musyanaykipaq liyinki Éxo. 2.16. uyshankunata y cabrankunata misikuq. Jetro madianita runakunapa cüranmi karqan. Juk kutimi sunyaq jirkapa Moisés misikuq aywarqan. Sayno aywarmi charqan Tayta Dioswan tinkuna Horeb jirkaman.#3.1b Horeb jirkapa jukaq jutinmi kaykan Sinaí. 2Saychömi Tayta Diospa angilnin shiraka rupaykaqcho Moisésta yuriparqan. Moisés tantiyaykunanpaq sayjina rataykarpis shirakata manami ruparqansu. 3Saymi yarpachakur nirqan: <<¡Imaraq taqay! Mä aywä shumaq rikanäpaq. Sayjinanpa nina rataykarpis ¡imanirraq shirakata ushansu!>>

4Moisés witipaykaptinmi nina rupaykaqpita Tayta Dios qayakurqan: <<¡Moisés, Moisés!>> nir.

Niptinmi Moisés nirqan: <<¿Imalata, Taytay?>>

5Saymi Tayta Dios nirqan: <<Ama witimuysu. Kay ichirashqayki pasa sagrädumi kaykan. Sayno kaykaptinqa lanqikita jorquy>>.

6Mastapis nirqan: <<Unay aylluykikuna Abrahampa, Isaacpa y Jacobpa Diosninmi kaykä>>.

Sayno niptinmi Diosta rikayta mansakushpan Moisés qaqlanta sapakurqan.

7Nirkurnami Tayta Dios nirqan: <<Noqa rikashkä kuyashqä runakuna Egiptucho fiyupa lakikur kawaykäyashqantami. Saynöpis wiyashkämi capatazninkuna nakasiyaptin quejakayämashqanta. Saynölami musyä aläpa nakaykäyashqanta. 8Saymi noqa shamushkä Egipto runakunapa makinpita jorqamunäpaq. Jorqarkamurmi pushashaq maypis täkuy munay jatunkaray partiman. Saycho lichipis abëjapa mishkinpis yakunöraqmi aska kaykan. Say markakunachömi taykäyan cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakunapis. 9Noqa wiyashkämi Israel runakuna quejakayämashqanta. Saynöpis rikashkämi paykunata Egipto runakuna fiyupa nakaykäsiyashqanta. 10Saymi Faraón kaqman kanan kachashayki kuyashqä Israel runakunata Egiptupita jorqamunaykipaq>>#Hech. 7.30-34..

11Sayno niptinmi Tayta Diosta Moisés nirqan: <<Noqa manami valuraqsu Faraónpa nawpanman aywaytaqa, Taytay. Saynöpis manami valuraqsu Israel runakunata Egiptupita jorqamuyta>>.

12Saymi Tayta Dios nirqan: <<Noqami qamwan kaykäshaq. Egiptupita Israel runakunata jorqaykamurmi kay jirkaman shamur adorayämanki. Saymi qamwan kaykashqäta musyanki>>.#Hech. 7.7.

13Sayno niptinmi Moisés nirqan: <<Egiptuman chaykur Israel mayïkunata kaynömi nishaq: <Unay ayllunsikuna yärakuyashqan Tayta Diosmi qamkunaman kachamash>.#Éxo. 6.2-3. Sayno wilaptï paykuna tapuyämashpan niyämanqa: <¿Imata paypa jutin?> Sayno tapuyämaptin ¿ima nishaqtaq?>>

14Saymi Tayta Dios nirqan: <<Noqaqa: <Noqami Kä>.#Juan 8.24, 58; 18.5-6, 8. Saymi Israel runakunata ninki: <Noqami Kä niqmi qamkunaman kachamash> >>.

15Saynölami Moisésta Tayta Dios nirqan: <<Israel runakunata kaynöpis ninki: <Yahwehmi kachamash. Payqa unay ayllunsi Abrahampa, Isaacpa y Jacobpa Diosninmi kaykan> >>.

Mastami Tayta Dios nirqan: <<Noqapa jutïqa Yahwehmi imayyaqpis kanqa>>.

Israel runakunata jorqamunanpaq Moisésta tantiyasishqan

16<<Egiptuman chaykushpayki Israel mayor runakunata shuntaykur ninki: <Unay ayllunsi Abraham, Isaac y Jacob yärakuyashqan Tayta Diosmi yuripaykamar nimash: <<Noqa rikaykämi Israel runakunata Egipto runakuna fiyupa nakaykäsiyashqanta>>.

17<< <Saynöpis nimash nakayashqaykipita jorqushushpayki cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakuna täyashqan nacionman pushashunaykipaq kashqantami. Saycho lichipis abëjapa mishkinpis yakunöraqmi aska kaykan>.

18<<Sayno niptiki Israel mayor runakuna cäsukuyäshunkimi. Saynami paykunawanna aywanki Egipto nacionpa mandaqnin reywan parlanaykipaq. Chaykurna ninki: <Hebreo runakunapa#3.18 Hebreo runakuna Israel runakunami karqan. Saymi Moiséspis hebreo runa karqan. Tayta Diosninmi yuripäyämash. Saymi sunyaq jirkaman kimsa junaq aywayta munaykäyä sacrificiuta rupasir payta adorayänäpaq>.

19<<Sayno niyaptikipis Egipto nacionpa mandaqnin rey manami yarqayämunaykipaq kachapäyäshunkisu. Fiyupa nakasiptïraqmi kachapäyäshunki. 20Saymi Egipto runakunata munayyuq kashqäta musyasishaq mansariypaq castïgukunawan. Saynöparaqmi yarqayämunaykipaq Faraón kachariyämushunki.

21<<Yarqayämuptiki Egipto runakuna imatapis qarayäshunaykipaqmi noqa shakyäsishaq. Saynöpami jinayla yarqayämunkipaqsu. 22Saymi warmikunapis vecïnankunata y vecïnancho taq warmi mayinkunata manakuyanqa imatapis qellaypita kaqta o qoripita kaqkunata qarayänanpaq. Saynölami wawankunata jatipäyänanpaq mödanakunatapis manakuyanqa. Saynöpami Egipto runakunapa imaykantapis apakuyanki>>.#Éxo. 12.35-36.

Currently Selected:

Éxodo 3: qvhB

Highlight

Copy

Compare