2 Pedro 3
3
Jesucristo kutimunanpaq kashqan
1Kuyay wawqi panikuna, kaywanqa ishkay kutinami cartakaykämü. Ishkan cartachöpis ali kawayänaykipaqmi yäsiykä. 2Saynöpis yäsiykä santu profëtakuna wilakuyashqanta y salvamaqninsi Señor Jesucristupa mandamientunta mana qonqäyänaykipaqmi. Say mandamientutaqa apostolninkunami yachasiyäshurqayki.
3Ultimu tiempukunacho Diosta mana cäsukuq runakuna yurimunanpaq kashqanta tantiyakuyay. Say runakunaqa asipäyäshushpaykimi#2Tim. 3.1-5; Jud. 18. 4niyanqa: <<¿Imanirtaq Jesucristo <kutimushaqmi> nirkur kutimunraqsu? Paywan puriqkunapis shuyakuykäyashlanchömi wanukuyash. Kay pasapis qalaykushqanpita pasa kashqannölami kaykan>>.#Eze. 12.22.
5Sayno nir manami tantiyayansu kay pasatapis jana pasatapis Tayta Dios <<saykuna kayäsun>> nilar kamashqanta. Kamaptinmi yaku rurinpita saki pasa yarqamurqan.#Gén. 1.6-9; Sal. 24.2. 6Saypitanami kay pasata diluviuwan ushakäsirqan.#Gén. 7.11. 7Saynölami juiciu finalcho Tayta Dios niptilan kay pasa, inti, killa y lapan qoyllarkunapis ninawan ushakäyanqa. Say junaqmi jusalikur kawaq runakunapis ushakäyanqa.
8Kuyay wawqi panikuna, shumaq tantiyakushun: Tayta Diospaqqa juk junaq waranqa (1,000) watanömi kaykan y waranqa watapis juk junaqnölami kaykan.#Sal. 90.4. 9Sayno kaykaptinqa wakin runakuna yarpäyashqanno ama yarpäshunsu Señor Jesucristo mana kutimunanpaq kashqanta. Payqa manami munansu pipis jusalancho wanunanta. Saymi shuyaraykan runakuna jusalikuyta wanakuyänanta.#Eze. 18.23; 33.11.
10[Sakaypa] elaqpita suwa shamushqannömi Señor Jesucristupis elaqpita shamunqa.#Mat. 24.43; Luc. 12.39; 1Tes. 5.2; Apoc. 16.15. Pay shamuptinmi intipis, killapis y lapan qoyllarkunapis mansariypaq bunrurur ninawan rupaykar ushakäyanqa. Saynölami kay pasapis y kay pasacho kaqkunapis rupaykälar chipyaq ushakanqa.
11Imaykapis ushakänanpaq kaykaptinqa mana jusalikuypa Tayta Dios munashqanno santu kawayay. 12Sayno shuyakuyaptikimi Tayta Dios juzganan junaq ras chämunqa. Say junaqmi intita, killata y qoyllarkunatapis nina rupaykar ushanqa. Saynölami lapan imaykapis suluykälar ushakanqa. 13Noqansimi isanqa Tayta Dios promitishqannöla mushuq ciëluta y mushuq pasata shuyakuykansi. Saychöqa Tayta Dios munashqannömi lapanpis ali kanqa.#Isa. 65.17; 66.22; Apoc. 21.1.
14Kuyay wawqi panikuna, saykunata shuyakuykarqa jusalikuykunata kacharir pïmaywanpis ali kawayay. Saynöpami Jesucristo kutimur jusaynaqta tariyäshunki. 15Yarpäyay Señor Jesucristo imanir manaraq kutimushqanta. Pay shuyaraykan runakuna salvakuyänantami. Saytaqa kuyay wawqinsi Pablupis Tayta Dios tantiyasiptin qelqashqami. 16Lapan cartankunachömi sayta qelqarqan. Say cartankunacho aja tantiyaypaq kaptinmi yachaq tukuqkuna y Tayta Diosman janan shonqula yärakuqkuna lutanta yachasiyan. Saynölami lutanta yachasiyan Tayta Diospa palabrancho wakin kaq yachasikuykunatapis. Say runakunaqa infiernuchömi nakayanqa.
Carta ushanan
17Kuyay wawqi panikuna, kay nishqäkunata musyaykarnaqa cuidä chaskipäyankiman lutan yachasikuqkunapa yachasikuyninta. Tayta Diosman ali yärakuykäyashqaykicho qepamantaq kutikuyankiman. 18Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.
Currently Selected:
2 Pedro 3: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
2 Pedro 3
3
Jesucristo kutimunanpaq kashqan
1Kuyay wawqi panikuna, kaywanqa ishkay kutinami cartakaykämü. Ishkan cartachöpis ali kawayänaykipaqmi yäsiykä. 2Saynöpis yäsiykä santu profëtakuna wilakuyashqanta y salvamaqninsi Señor Jesucristupa mandamientunta mana qonqäyänaykipaqmi. Say mandamientutaqa apostolninkunami yachasiyäshurqayki.
3Ultimu tiempukunacho Diosta mana cäsukuq runakuna yurimunanpaq kashqanta tantiyakuyay. Say runakunaqa asipäyäshushpaykimi#2Tim. 3.1-5; Jud. 18. 4niyanqa: <<¿Imanirtaq Jesucristo <kutimushaqmi> nirkur kutimunraqsu? Paywan puriqkunapis shuyakuykäyashlanchömi wanukuyash. Kay pasapis qalaykushqanpita pasa kashqannölami kaykan>>.#Eze. 12.22.
5Sayno nir manami tantiyayansu kay pasatapis jana pasatapis Tayta Dios <<saykuna kayäsun>> nilar kamashqanta. Kamaptinmi yaku rurinpita saki pasa yarqamurqan.#Gén. 1.6-9; Sal. 24.2. 6Saypitanami kay pasata diluviuwan ushakäsirqan.#Gén. 7.11. 7Saynölami juiciu finalcho Tayta Dios niptilan kay pasa, inti, killa y lapan qoyllarkunapis ninawan ushakäyanqa. Say junaqmi jusalikur kawaq runakunapis ushakäyanqa.
8Kuyay wawqi panikuna, shumaq tantiyakushun: Tayta Diospaqqa juk junaq waranqa (1,000) watanömi kaykan y waranqa watapis juk junaqnölami kaykan.#Sal. 90.4. 9Sayno kaykaptinqa wakin runakuna yarpäyashqanno ama yarpäshunsu Señor Jesucristo mana kutimunanpaq kashqanta. Payqa manami munansu pipis jusalancho wanunanta. Saymi shuyaraykan runakuna jusalikuyta wanakuyänanta.#Eze. 18.23; 33.11.
10[Sakaypa] elaqpita suwa shamushqannömi Señor Jesucristupis elaqpita shamunqa.#Mat. 24.43; Luc. 12.39; 1Tes. 5.2; Apoc. 16.15. Pay shamuptinmi intipis, killapis y lapan qoyllarkunapis mansariypaq bunrurur ninawan rupaykar ushakäyanqa. Saynölami kay pasapis y kay pasacho kaqkunapis rupaykälar chipyaq ushakanqa.
11Imaykapis ushakänanpaq kaykaptinqa mana jusalikuypa Tayta Dios munashqanno santu kawayay. 12Sayno shuyakuyaptikimi Tayta Dios juzganan junaq ras chämunqa. Say junaqmi intita, killata y qoyllarkunatapis nina rupaykar ushanqa. Saynölami lapan imaykapis suluykälar ushakanqa. 13Noqansimi isanqa Tayta Dios promitishqannöla mushuq ciëluta y mushuq pasata shuyakuykansi. Saychöqa Tayta Dios munashqannömi lapanpis ali kanqa.#Isa. 65.17; 66.22; Apoc. 21.1.
14Kuyay wawqi panikuna, saykunata shuyakuykarqa jusalikuykunata kacharir pïmaywanpis ali kawayay. Saynöpami Jesucristo kutimur jusaynaqta tariyäshunki. 15Yarpäyay Señor Jesucristo imanir manaraq kutimushqanta. Pay shuyaraykan runakuna salvakuyänantami. Saytaqa kuyay wawqinsi Pablupis Tayta Dios tantiyasiptin qelqashqami. 16Lapan cartankunachömi sayta qelqarqan. Say cartankunacho aja tantiyaypaq kaptinmi yachaq tukuqkuna y Tayta Diosman janan shonqula yärakuqkuna lutanta yachasiyan. Saynölami lutanta yachasiyan Tayta Diospa palabrancho wakin kaq yachasikuykunatapis. Say runakunaqa infiernuchömi nakayanqa.
Carta ushanan
17Kuyay wawqi panikuna, kay nishqäkunata musyaykarnaqa cuidä chaskipäyankiman lutan yachasikuqkunapa yachasikuyninta. Tayta Diosman ali yärakuykäyashqaykicho qepamantaq kutikuyankiman. 18Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.