2 Pedro 2
2
Lutan yachasikuqkuna imano kawayashqantapis tantiyasishqan
Judas 3-16
1Israel nacioncho lula profëtakuna nawpata kayashqannömi qamkunachöpis lutan yachasikuqkuna kayanqa. Paykunaqa Tayta Diospa wilakuqnin tukurmi criyisiyäshushpayki manakaqkunata yachasiyäshunki. Saynölami salvakuq Señor Jesucristutapis ñëgayanqa. Paykunatami Tayta Dios juiciu finalcho elaqpita ushakäsinqa.
2Paykuna yachasiyashqanta chaskiparmi runakunapis warmikunapis jusalikur kawayanqa. Sayno kawayaptinmi Tayta Diospa wilakuyninta pïmaypis manakaqman churayanqa. 3Qellaypaq wachakash karmi ali tupaylapa sakyayäshunki. Paykunata infiernuman qaykunanpaq Tayta Dios unaypitanami destinarqan. Saymi paykunata fiyupa nakay shuyaraykan.
4Jusalikuq angilkunatapis Tayta Dios manami perdonarqansu, saypa trukanqa infiernumanmi qaykurqan. Saychömi yanawyaykaq sakayman wichqarqan juiciu final chämuptin juzgananpaq.
5Noé kawashqan wisanpis jusasapa runakunata manami perdonarqansu. Say runakunaqa Tayta Dios munashqanno kawayänanpaq Noé wilapaptinpis manami chaskikuyarqansu. Saymi Tayta Dios diluviuwan ushakäsirqan. Sayno ushakäsirpis Noéta y qanchis runakunalatami salvarqan.#Gén. 6.1-7; 8.18.
6Saynölami Sodoma y Gomorra markakunatapis uchpayashqanyaq Tayta Dios rupasirqan.#Gén. 19.24. Sayno rurarqan castigakuq kashqanta jusasapa runakuna tantiyakuyänanpaqmi. 7Say markakunata rupasirpis Lottami isanqa ali runa kaptin salvarqan. Paymi say markakunacho taq fiyu runakuna jusalikuyaptin ima ruraytapis kamäpakurqansu.#Gén. 19.1-16, 29. 8Paykuna kaqcho tashpan jusalikuyashqanta rikar y manakaqkunata parlayashqanta wiyar waran waranmi fiyupa lakikurqan.
9Saynöpami musyansi pay munashqanno kawaq kaqtaqa lapansitapis Tayta Dios ima nakaypitapis salvamänansipaq kashqanta. Jusalikuqkunatami isanqa juiciu finalcho fiyupa castiganqa.
10Mas fiyupami castiganqa shanaripakur pïmaywanpis kakuqkunata. Say runakunaqa Tayta Diostapis manami cäsukuyansu. Yachaq tukuyashpanmi supaykunatapis mana mansapaypa ashliyan. 11Jana pasacho kaykaq angilkunaqa runakunapita mas munayyuq kaykarpis y Tayta Diospa nawpancho kaykarpis manami supaykunata ashliyansu.
12Say runakunaqa mana tantiyarmi sayno ashliyan. Uywakunano yarpayniynaq kayashpanmi wanusish kayänalanpaq yuriyash. Mana alita ruraykäyashlanchömi ushakäyanqapis. 13Wakinkunata nakasiyashqanpitami kikinkunapis nakayanqa. Pïmaypa nawpancho manakaqkunata rurarpis mana penqakuypami jeqchikachäyan. Qamkuna mikuyänaykipaq shuntakäyashqaykichöpis lutankunata parlarmi kushikuyan.
14Say runakunaqa pï warmita rikarpis munapäyanlanami. Jusalikurpis manami ajayäyansu. Manaraq shumaq tantiyakuqkunatami lutankunata yachasiyan. Runa mayinta imaykanöpapis sakyayta yachayanmi. Sayno kayashqanpitami fiyupa castigash kayanqa.
15Tayta Dios munashqanno nawpata kawarkurpis kananqa pantakashnami puriykäyan. Beorpa surin Balaam qellay raykula lutanta rurashqannömi paykunapis lutankunata ruraykäyan. 16Qellaypaq wachakash Balaam aywaykaptinmi china ashnun parlar mana aywananpaq micharqan.#Núm. 22.4-35.
17Say runakunaqa sakish pukyuno y wakpa kaypa aywaq saki pukutaynömi kaykäyan. Paykunapaqqa maynami kamarish kaykan yanawyaykaq sakay [imayyaqpis] saycho wichqaräyänanpaq. 18Paykunaqa sumäsiyashpanmi yachaq tukur imatapis parlayan. Jusankunata sayraq kacharish kaqkunatami shakyäsiyan lutankunata rurayänanpaq.
19Runakunatami promitiyan yachasiyashqanta chaskikur libri kawayänanpaq kashqanta. Sayno promitirpis kikinkunaqa manami librisu kaykäyan, saypa trukanqa jusalikuypa munaylanchömi kaykäyan. Ima viciupis runata vinciptinqa say viciupa munayninchömi kaykan.#Juan 8.34; Rom. 6.6, 16.
20Salvamaqninsi Señor Jesucristuta chaskikush kaykar jusalikuyman yapay churakarqa nawpata kashqanpita peormi say runa rikakun.#Mat. 12.45; Luc. 11.26. 21Diospa wilakuyninta chaskikush kaykar jusalikuyman kutinanpaq kaykaptinqa mejor ama say sagrädu wilakuyninta chaskikuyanmansu karqan. 22Jusalikuyman kutiqkunapaqqa rasuntachir niyan: <<Alquqa gumitashqanta yapaymi kutipan. Kuchipis armaskasiyaptin yapaymi mitucho qoshpan>>.#Prov. 26.11.
Currently Selected:
2 Pedro 2: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
2 Pedro 2
2
Lutan yachasikuqkuna imano kawayashqantapis tantiyasishqan
Judas 3-16
1Israel nacioncho lula profëtakuna nawpata kayashqannömi qamkunachöpis lutan yachasikuqkuna kayanqa. Paykunaqa Tayta Diospa wilakuqnin tukurmi criyisiyäshushpayki manakaqkunata yachasiyäshunki. Saynölami salvakuq Señor Jesucristutapis ñëgayanqa. Paykunatami Tayta Dios juiciu finalcho elaqpita ushakäsinqa.
2Paykuna yachasiyashqanta chaskiparmi runakunapis warmikunapis jusalikur kawayanqa. Sayno kawayaptinmi Tayta Diospa wilakuyninta pïmaypis manakaqman churayanqa. 3Qellaypaq wachakash karmi ali tupaylapa sakyayäshunki. Paykunata infiernuman qaykunanpaq Tayta Dios unaypitanami destinarqan. Saymi paykunata fiyupa nakay shuyaraykan.
4Jusalikuq angilkunatapis Tayta Dios manami perdonarqansu, saypa trukanqa infiernumanmi qaykurqan. Saychömi yanawyaykaq sakayman wichqarqan juiciu final chämuptin juzgananpaq.
5Noé kawashqan wisanpis jusasapa runakunata manami perdonarqansu. Say runakunaqa Tayta Dios munashqanno kawayänanpaq Noé wilapaptinpis manami chaskikuyarqansu. Saymi Tayta Dios diluviuwan ushakäsirqan. Sayno ushakäsirpis Noéta y qanchis runakunalatami salvarqan.#Gén. 6.1-7; 8.18.
6Saynölami Sodoma y Gomorra markakunatapis uchpayashqanyaq Tayta Dios rupasirqan.#Gén. 19.24. Sayno rurarqan castigakuq kashqanta jusasapa runakuna tantiyakuyänanpaqmi. 7Say markakunata rupasirpis Lottami isanqa ali runa kaptin salvarqan. Paymi say markakunacho taq fiyu runakuna jusalikuyaptin ima ruraytapis kamäpakurqansu.#Gén. 19.1-16, 29. 8Paykuna kaqcho tashpan jusalikuyashqanta rikar y manakaqkunata parlayashqanta wiyar waran waranmi fiyupa lakikurqan.
9Saynöpami musyansi pay munashqanno kawaq kaqtaqa lapansitapis Tayta Dios ima nakaypitapis salvamänansipaq kashqanta. Jusalikuqkunatami isanqa juiciu finalcho fiyupa castiganqa.
10Mas fiyupami castiganqa shanaripakur pïmaywanpis kakuqkunata. Say runakunaqa Tayta Diostapis manami cäsukuyansu. Yachaq tukuyashpanmi supaykunatapis mana mansapaypa ashliyan. 11Jana pasacho kaykaq angilkunaqa runakunapita mas munayyuq kaykarpis y Tayta Diospa nawpancho kaykarpis manami supaykunata ashliyansu.
12Say runakunaqa mana tantiyarmi sayno ashliyan. Uywakunano yarpayniynaq kayashpanmi wanusish kayänalanpaq yuriyash. Mana alita ruraykäyashlanchömi ushakäyanqapis. 13Wakinkunata nakasiyashqanpitami kikinkunapis nakayanqa. Pïmaypa nawpancho manakaqkunata rurarpis mana penqakuypami jeqchikachäyan. Qamkuna mikuyänaykipaq shuntakäyashqaykichöpis lutankunata parlarmi kushikuyan.
14Say runakunaqa pï warmita rikarpis munapäyanlanami. Jusalikurpis manami ajayäyansu. Manaraq shumaq tantiyakuqkunatami lutankunata yachasiyan. Runa mayinta imaykanöpapis sakyayta yachayanmi. Sayno kayashqanpitami fiyupa castigash kayanqa.
15Tayta Dios munashqanno nawpata kawarkurpis kananqa pantakashnami puriykäyan. Beorpa surin Balaam qellay raykula lutanta rurashqannömi paykunapis lutankunata ruraykäyan. 16Qellaypaq wachakash Balaam aywaykaptinmi china ashnun parlar mana aywananpaq micharqan.#Núm. 22.4-35.
17Say runakunaqa sakish pukyuno y wakpa kaypa aywaq saki pukutaynömi kaykäyan. Paykunapaqqa maynami kamarish kaykan yanawyaykaq sakay [imayyaqpis] saycho wichqaräyänanpaq. 18Paykunaqa sumäsiyashpanmi yachaq tukur imatapis parlayan. Jusankunata sayraq kacharish kaqkunatami shakyäsiyan lutankunata rurayänanpaq.
19Runakunatami promitiyan yachasiyashqanta chaskikur libri kawayänanpaq kashqanta. Sayno promitirpis kikinkunaqa manami librisu kaykäyan, saypa trukanqa jusalikuypa munaylanchömi kaykäyan. Ima viciupis runata vinciptinqa say viciupa munayninchömi kaykan.#Juan 8.34; Rom. 6.6, 16.
20Salvamaqninsi Señor Jesucristuta chaskikush kaykar jusalikuyman yapay churakarqa nawpata kashqanpita peormi say runa rikakun.#Mat. 12.45; Luc. 11.26. 21Diospa wilakuyninta chaskikush kaykar jusalikuyman kutinanpaq kaykaptinqa mejor ama say sagrädu wilakuyninta chaskikuyanmansu karqan. 22Jusalikuyman kutiqkunapaqqa rasuntachir niyan: <<Alquqa gumitashqanta yapaymi kutipan. Kuchipis armaskasiyaptin yapaymi mitucho qoshpan>>.#Prov. 26.11.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.