1 Corintios 10

Ïdulukunata mana adorayänanpaq yachasishqan

1Wawqi panikuna, musyayankimi unay yärakuq mayinsikunata ima päsashqantapis. Paykunaqa pukutay rurilantami aywayarqan#Éxo. 13.21-22. y Puka Lamartapis päsayarqanmi.#Éxo. 14.22-29. 2Moisésta qatirar pukutay rurinpa aywash karmi y lamarpa päsash karmi lapanpis bautizakushno rikakuyarqan. 3Tayta Dios kamaripashqan mikuytapis lapanmi mikuyarqan.#Éxo. 16.35. 4Tayta Dios qaqapita pashtasimushqan yakutapis lapanmi upuyarqan.#Éxo. 17.6; Núm. 20.11. Say qaqaqa Jesucristumi karqan. Israel runakuna aywayashqanpami Jesucristupis aywarqan. 5Sayno kaptinpis Tayta Diosta askaqmi cäsukuyarqansu. Saymi paykunaqa sunyaq jirkacho wanur mashtarpaykar quëdayarqan.#Núm. 14.29-30. 6Lapan saykuna päsarqan noqansi tantiyakur paykunano mana jusalikunansipaqmi.

7Sayno kaykaptinqa ïdulukunata ama adorashunsu. Israel runakuna ïdulukunata adorayashqanpita Tayta Diospa palabrancho kaynömi qelqaraykan:

<<Lapanmi jamaykur mikuyarqan y upyayarqan.

Kushikurmi jukninpis jukninpis lutala jusalikuyarqan>>.#Éxo. 32.6.

8Saynöpis fornicación jusata ama jusalikushunsu. Israel runakuna sayno kawayashqanpitami Tayta Dios juk junaqlacho ishkay chunka kimsa waranqa (23,000) runakunata ushakäsirqan.#Núm. 25.1-18.

9Saynöpis Señor Jesucristuta kikinsi munashqansita rurasiyta ama kamashunsu. Wakin Israel runakuna Diosta sayno rurasiyta munayaptinmi culebrawan picasiypa Tayta Dios wanusirqan.#Núm. 21.5-6.

10Saynöpis descontentu ama kashunsu. Israel runakuna descontentu kayaptinmi wanusikuq ángel paykunata ushakäsirqan.#Núm. 16.41-49.

11Unay Israel runakunata sayno päsashqankuna Tayta Diospa palabrancho qelqaraykan noqansi ultimu tiempucho kawaqkuna tantiyakunansipaqmi. 12Sayno kaykaptinqa mana jusalikuq kayashqaykita yarpaykäyashqaykicho cuidädu jusalikuyankiman. 13Lapan pruëba päsayäshushqayki wakin runakunatapis päsanmi. Pruëbaman churayäshushpaykipis Tayta Dios manami kachaykushunkisu. Saymi pruëbata awantar jusalikuyman mana ishkiyänaykipaq imaypis yanapäyäshunki.#Mat. 6.13.

14Kuyay wawqi panikuna, sayno kaykaptinqa ïdulukunata ama adorayaysu. 15Tantiyakuq runakuna karqa nikashqä rasunpaypa kashqanta tantiyakuyay. 16Noqansi Santa Cënapaq shuntakar bendición cöpapita#10.16 Pascua meriendacho chusku cöpatami Israel runakuna upuyan. Punta kaq cöpapa jutinmi kaykan santificación cöpa. Ishkay kaq cöpapa jutinmi kaykan liberación cöpa. Kimsa kaq cöpapa jutinnami kaykan bendición cöpa. Say cöpata upuyan meriendayta usharkurmi. Chusku kaq cöpapa jutinmi kaykan restauración cöpa. Pascua meriendacho kimsa kaq cöpata aptarkurmi Jesucristo wilarqan wanuptin Tayta Dios mushuq pactuta cumplinanpaq kashqanta (Mat. 26.27-28; Mar. 14.23-24; Luc. 22.20). Saymi kay textucho bendición cöpapaq parlarqa Santa Cënacho upushqansi vïnupaq parlaykan. upushpansi ¿manaku yarpansi Jesucristo noqansi rayku yawarninta jichashqanta? Saynöpis tantata pakipänakushpansi ¿manaku yarpansi Tayta Dios salvamänansipaq Jesucristo cruzcho wanushqanta?#Mat. 26.26-28; Mar. 14.22-24; Luc. 22.19-20. 17Santa Cënacho juk tantalata askaq mikuykarpis juk cuerpulami kaykansi. 18Israel runakunapa cürankunapis Tayta Diosta adorakuyänan altarcho pishtayashqan aysata mikur ¿manaku Tayta Dioswan juklaylano kaykäyan?

19Shumaq tantiyakushun. Ïdulukunaqa manami kawansu. Ïdulukunapaq altarman churayashqan aysapis kashqan aysalami. 20Sayno kaptinpis ïdulukunapaq churayashqan aysaqa manami Tayta Diospaqsu kaykan, sinöqa supaykunapaqmi. Noqa manami munäsu supaykunapaq kaqkunata mikuyänaykita.#Deut. 32.17. 21Qamkuna Santa Cënacho vïnuta upuykar supaykunapaq jichapäyashqan vïnutaqa manami upuyankimansu. Saynöpis Santa Cënacho tantata mikuykar supaykunapaq churayashqan mikuytaqa manami mikuyankimansu.#2Cor. 6.15-16. 22¿Tayta Diosta rabyanäsiytaku munaykäyanki? ¿Noqansi paypita mas munayyuqku kansi?#Éxo. 20.5; Deut. 32.21.

Tayta Dios alabash kananpaq imatapis ruranansipaq nishqan

23Munayashqaykita rurayänaykipaq librina kaykäyashqaykita nirpis manami lapantasu rurayankiman. Saynöpis manami lapan rurayashqaykikunasu wawqi panikuna ali kawayänanpaq yanapan.#1Cor. 6.12. 24Kikilansi ali kawanansipaqqa ama yarpachakushunsu. Saypa trukanqa wakinkunapis ali kawayänanpaq yarpachakushun.

25Mercäducho aysata rantirqa ïdulukunapaq pishtayashqanta o mana pishtayashqantapis mana tapupaylapa rantiyay. Rantirpis ama yarpachakuyaysu. 26Tayta Diospa palabranchöpis nikan: <<Tayta Diospami kay pasapis y kay pasacho kaqkunapis>>.#Sal. 24.1; 50.12; 89.11.

27Saynöpis Tayta Diosman mana yärakuq runa mikuyänaykipaq qayasiyäshuptiki mana tapupaylapa lapan qarashushqaykita mikuyay. 28Isanqa pipis <<say aysataqa ïdulupaqmi churash>> nishuptiki say wilashuqniki runata respitar ama mikuyaysu. 29Manami kikikikuna raykusu mana mikuyänaykipaq nikä, sinöqa wilashuqniki runa lutanta mana yarpänanpaqmi.#1Cor. 8.7-12.

Sayno niptï capaz wakinniki kayno niyankiman: <<Runakuna lutanta yarpäyaptilanqa ¿imanirtaq aysata mana mikümansu? 30Tayta Diosta agradëcikuskir mikuptïqa manami pipis jamuräyämanmansu>>.

31Sayno niyaptikipis noqa nï: Mikurpis, upurpis y imata rurarpis Tayta Dios alabash kananpaq rurayanki. 32Sayno kaykaptinqa Israel runa kaptinpis, mana Israel runa kaptinpis, Diosman yärakuq mayiki kaptinpis rurayashqaykita rikar qepaman kutikuyänan kaptinqa say rurayashqaykita amana rurayankinasu. 33Noqapis manami kikiläpaqsu ali kawayta munaykä, saypa trukanqa lapanchöpis runa mayï ali kawananpaq y saynöpa askaq salvakuyänantami munaykä.

Currently Selected:

1 Corintios 10: qvhB

Highlight

Copy

Compare