Hebreos 1
1
Maija'quëpi I̱ Mamaquëja̱'a Capi
1Tsoe hue̱'ña Maija'quëpi mai aipëre i̱te quëacaicohua'ija̱'a ca mu'seña jaiye ca'a̱ji'i, cui'ne jaiye ti̱ñe pa'ye yo'oyeja̱'a ca'a̱ji'i. 2Ja̱je ca'quëpi, yure tëji mu'seña maire i̱ mamaquëja̱'a capi. Si'a co'amaña i̱ ja̱'re de'huasiquë ja̱'re co̱ni, si'aye co'amaña paja̱'quë ja̱'re co̱ni capi. 3Ja̱ë api, Maija'quë de'oyere pare miacaiquë. Cui'ne ja̱ë api, Maija'quë pa'iyere maire i̱ñoquë i̱je pa'i api, cui'ne ja̱ëpi si'a co'amaña i̱ coca tutupi quëco paquërepa. Mai co'aye pa'ise'ere tsoa to̱ni, jeteyo'je Maija'quë ñu'ico ëja te̱'tena ja'rupi.
Hui̱ñaohua'ire Jerepa Pa'i Api, Maija'quë Mamaquë
4Hui̱ñaohua'ire jerepa pa'i de'opi, Maija'quë mamaquëpi, i̱ohua'i paye jerepa pa'i mamire i̱si cua̱ñosi do'ire. 5Maija'quë ti cama'ë paji'i, te'ireje̱ i̱ hui̱ñaëre:
Më'ë a'ë, yë'ë mamaquë.
Yure më'ëre huëoni pa'iye i̱sihuë.
Te'ireje̱ i̱ hui̱ñaëre cama'ë paji'i.
Yë'ë pasi'i, i̱ pëca ja'quë pa'ina,
I̱pi yë'ë mamaquë pa'ija̱'quë.
6Ja̱je pa'iquëta'are iye yejana i̱ mamaquëre te'ire i̱siquë capi:
Si'a i̱ hui̱ñaohua'i i̱te do're ja'rujë ai de'oquëre papi cajë sihuajë̱'ë.
7Maija'quëpi i̱ hui̱ñaohua'i ayere capi, ñeje:
Hui̱ñaohua'ire cato tutuje̱ pa'iohua'ire neñë,
cui'ne yë'ëre necaicohua'ini toaje̱ pa'iohua'ire neñë.
8Ja̱je pa'iquëta'are i̱ mamaquëre capi:
I̱na, Diusu, më'ë cua̱ñeñe cato, ti caraja̱iñe peoji,
më'ë cua̱ñeñe cato nuñere pa'ë.
9De'oyese'e oi, co'ayere më'ë ai coehuë.
Ja̱je pa'ina, Diusu, më'ëre, më'ë Diusupi ai sihuayere i̱sipi, më'ë cajeohua'ire i̱siye jerepa.
10Cui'ne yequeje̱ capi:
I̱na, i̱ti huëo maca më'ëpi Ëjaë, yejare nehuë.
Cui'ne më'ëpi ma'tëmoje nehuë.
11Më'ë de'huase'e cato caraja̱i ja̱'ñe a'ë. Ja̱je pa'iquëta'are më'ë cato ti pani huesëja̱'quë a'ë.
Si'aye ja̱ cato co'a de'o huesë ja̱'ñe a'ë, ju'i ca̱ña yo'oyeje̱.
12Ja̱je pa'ina, ja̱ yejare cui'ne ma'tëmore më'ëpi ju'i ca̱ ñëoñeje pa'ye ñëoja'quë a'ë.
Cui'ne ju'i ca̱ yeconi su̱ñacaiyeje̱ pa'ye më'ëpi neja'quë a'ë.
Ja̱je pa'iquëta'are, më'ë cato ja̱re i̱pi pa'ija̱'quë a'ë.
Më'ë pa'iye ti caraja̱iñe pa̱ja'coa.
13Diusu cama'ë paji'i, te'ireje̱ hui̱ñaëre:
Ja'rujë̱'ë, yë'ë ëja te̱'tena,
më'ëre sa̱ñope yo'ocohua'ire më'ë quë̱o huë'ehuëna të'ya me macaja̱'a.
14Si'aohua'i hui̱ñaohua'i cato Maija'quëre necaicohua'ipi joñoase'e pa'iyë, huasosicohua'i pa'ija̱'cohua'ire co̱caija̱'cohua'ire jëjo daosicohua'ipi.
Currently Selected:
Hebreos 1: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.