Tito 2
2
Ai De'oye Pa'iyere Ye'yaye
1Më'ë ye'yayeje̱ si'anë Maija'quë coca cayeje̱ pa'ye pa'ija̱quë. 2Aiohua'ije̱ sa tëto saipe yo'oma'cohua'i pa'ija̱jë, yecohua'ipi ëjaohua'ire ñajëna, pa'ija̱jë de'oye, cui'ne co'aye ta̱'ñe asacohua'ipi, Maija'quë pa'iji cuasacohua'ipi, pa̱ire oicohua'ipi, cui'ne yo'o jujama'cohua'ipi pa'ija̱jë quëajë̱'ë. 3Ja̱je cui'ne ai nomiohua'ije̱ yecohua'ipi ëjaohua'ire ñajëna, pa'ija̱jë, co'a cocare asani yecohua'ina se quëama'cohua'ipi, co̱no cuepema'cohua'ipi, coa ai jerepa de'oye ye'yacohua'i pa'ija̱jë yëhuojë̱'ë. 4Nomi tsi̱ huejasicohua'ire ë̱jëre oiye cui'ne mamajëre de'oye ñajë paye ye'yaja̱jë. 5Ja̱je pani i̱ñojëna, nomi tsi̱pi ye'yejë co'aye cui'ne de'oye ta̱'ñe asajë nuñe pa'icohua'ipi, huë'e co'amaña de'oye pacohua'ipi, pa̱ire oicohua'ipi, ë̱jë cua̱ñeñe de'oye sehuocohua'ipi pa'ija̱jë. Ja̱je pa'ijëna, yecohua'ije̱ Maija'quë cocare cue'cueye pa̱ja'cohua'ire caquë yëhuojë̱'ë.
6Ja̱je cui'ne po̱sëohua'ireje̱ yëhuojë̱'ë, si'anëpi i̱ohua'i yëyere meñe quëco ti̱'acohua'i pa'ija̱'cohua'ire. 7Ja̱je pa'ina, më'ëpi si'aye de'oye pani i̱ñojë'ë, ja̱ohua'ire. Ye'yaquë pani nuñerepa caquë de'oyere papi ye'yajë̱'ë, 8sa̱ñope caye peoyere papi. Ja̱je nuñere pare caquëna, sa̱ñope caye pa̱cohua'ipi asajë quëquëni maire sa̱ñope co'aye caye pa̱ja'cohua'i a'ë.
9Co'amaña necaicohua'ire yëhuojë̱'ë, sa̱ñope tutu sehuocohua'i pa'ima'pë pa'ija̱jë i̱ohua'i ëjaohua'ire, coa ai jerepa oijë de'oye sehuojë necaicohua'i pa'ija̱jë caquë. 10Cui'ne maire huasoquë Diusu coca ye'yayere si'aohua'i de'oyere pa'ni cajë ñaja'cohua'ire, yahue co'amaña i̱mama'pë pa'ija̱jë, mai pa'iyere ñani, nuiñerepa yo'ocohua'i a'ë cuasaja̱'cohua'ire.
11Maire oiye Diusu i̱ñose'epi, ja̱pi si'a pa̱ire huasoye pa'iji. 12Ja̱je pa'ina, ja̱pi maire ye'yaji, co'ayere yo'oma'pë nuñese'e yo'ojë Maija'quëre necaiyere. Cui'ne iye yeja pa'i maca ti je̱ocoyere ye'yaji, co'aye mai yëyere. 13Cui'ne ja̱pi ye'yaji, mai Diusu, maire huasoquë Jesucristo dai mu'sere i̱ ca nëose'ere utejë pa'iyere. 14Ja̱je pa'ina, mai do'ire ju̱cacaji'i, co'ayere pa'icohua'ini huasosi'i caquë, co'ayere pa'isicohua'ini tsoa to̱ni i̱ pa̱ire pare pasi'i, de'o co'amañase'e yëcohua'ire caquë, yo'opi.
15Ja̱je pa'ina, si'aye iyere më'ë ye'yaye pa'iji, quëa sëtoquë, cui'ne yëhuo ñu'ñequë, Ëjaërepa cua̱ñequë tutupi, yecohua'ipi më'ëre cue'cueye pa̱ja'cohua'ire.
Currently Selected:
Tito 2: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.