Hebreos 3
3
Jesupi Moisés Se̱ña Maca Pa'i
1Ja̱je pa'ina, Maija'quë do'ijë mësaru a'ë, Maija'quë pa̱i acohua'i, i̱ tse̱cohua'i pa'ija̱jë caquë soisicohua'i. Ja̱je pa'iye sëte Jesús Maija'quë jëjo daoquëse'ere, Maija'quëre se̱jë yo'oye de'oye ñacai ëjaëse'ere cuasajë pa'ijë̱'ë, Maija'quë pa'iji cuasaye necaiquëse'ere. 2Ja̱je pa'ina, Moisés si'aye Maija'quë huë'e ñacaiquë pa'i maca, de'oye Maija'quëre sehuoquë yo'o ti̱'aquë pa'iji. Ja̱je cui'ne Jesuje̱ si'aye de'oye sehuoquë yo'o ti̱'api, iyere yo'oja̱quë caquë Maija'quë sahuasiquëpi. 3Ja̱je pa'iquëta'are Jesuni ai Ëjaëre pare ñajë sihuaye pa'iji, Moisésre sihuaye jerepa, huë'e nequë, je̱'quë i̱ti huë'e nesiquëpi ai sihua cua̱ñoquë api, i̱ti huë'e jerepa. 4Ja̱je pa'ina, si'a huë̱'ña pa̱i nese'epi pa'iji. Ja̱je pa'iquëta'are Diusu cato te'ipi si'aye nepi, mai ñajëna pa'iye. 5Moisés cato de'oyerepa yo'o ti̱'aquë paji'i, i̱te necaiquë sëte, si'a Maija'quë huë'e ñacai. I̱ necaiye cato paji'i, Maija'quë yeque mu'seña ca ja̱'ñere quëa i̱ñoquë yo'oye. 6Ja̱je pa'iquëta'are Cristo cato Maija'quë mamaquë sëte, de'oyerepa i̱ huë'e yo'o ti̱'aquë ñacai pa'iji. Ja̱ huë'e cato mai a'ë. Maipi i̱te tuijë o̱cue pa'i macarepa mai uteyere sihuajë pa'ini.
Maija'quë Pa̱i Pëa Huajë Ja̱'ñe
7Ja̱je pa'ina, Maija'quë de'o joyopi caji, toyase'ena:
Yurepi, mësaru Maija'quë caye asasicohua'i pani,
8Jëa joñoa nema'pë pa'ijë̱'ë, tsoe acohua'i Maija'quëre sa̱ñope cajë yo'ose'eje̱ pa'ye.
Jeto cue̱ne yejana Maija'quëre neñasicohua'ije̱ pa'iohua'i pa'ima'pë.
9Ja̱rona mësaru aiohua'i yë'ëre neñahuë,
tsoe cuarenta o̱metëca yë'ë yo'oye ñasicohua'ita'a.
10Ja̱je yo'ojëna, ja̱ohua'ire ña jujani yë'ëpi pë̱i cahuë:
Ti yë'ë ye'yaye asaye coejë,
“si'anëpi yequese'e cuasajë cu'ijë”
11Ja̱je pa'ina, ja̱ohua'ire yë'ëpi pë̱i ca nëohuë,
cacaye pa̱ja'cohua'i a'ë, yë'ë ja̱re pëa huajë hue̱'ñana.
12Maija'quë do'ijë, jëa joyo co'acore hue'ema'pë cui'ne Maija'quë huajëquëre pare hua saima'pë pa'ijë̱'ë, ja̱re de'hua ñajë pa'ijë̱'ë, mësaru cuasayere. 13Coa ai jerepa mu'seña ñape pa̱i ñapere sa̱'ñe yëhuojë ca sëtojë̱'ë ja̱ yë'ta'a Maija'quë coca, iye mu'se caye tëto saima'në. Ja̱je yo'ojë̱'ë, mësaru acohua'ipi co'ayere coso cua̱ñoni sa̱ñope Maija'quëre cajë ne huesëye pa̱ja'cohua'ire. 14Ja̱je pa'ina, Cristo payere i̱ ja̱'re co̱ni paja̱'cohua'i a'ë cani o̱cue pa'i macarepa, mai du'ru macarepa asase'ena quëco pajë, je̱oma'pë tuiye pa'iji.
15Ja̱re cuasajë pa'ijë̱'ë. Iyere ñeje caji:
Yurepi mësaru Maija'quë caye asasicohua'i pani,
Jëa coeye peoyerepa de'oye sehuojë pa'ijë̱'ë, tsoe acohua'i sa̱ñope cajë yo'ose'eje̱ pa'ye peocohua'ipi.
16¿Ne pate'ni, Maija'quë yë'o asasicohua'ita'a jeteyo'je i̱te sa̱ñope cacohua'i de'osicohua'i? Ja̱ohua'i cato si'aohua'i Moisés Egípto yejapi etosicohua'i paë'ë. 17¿Cui'ne ne ja̱'re co̱ni Maija'quë pë̱i paquë'ni, cuarenta o̱metëca? Maija'quë cato pë̱i paji'i, co'aye yo'osicohua'ini, cue̱ne yejana ju̱ju ta̱tasicohua'ini. 18¿Cui'ne neni Maija'quë ca nëou'ni, yë'ë pëa huajë hue̱'ña cacani huajëye peoji? Ja̱ cato capi: I̱te i̱re papi cuasama'pë sehuocaiye pa̱sicohua'ini. 19Ja̱je pa'ina, mai ti̱ñarepa ñañë, ja̱ohua'i caca ti̱'añe pa̱se'e i̱te care paji cajë asacaiye pa̱si do'ire.
Currently Selected:
Hebreos 3: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.