2 Tesalonicenses 3
3
Yëquëre Se̱cacaijë̱'ë
1De'oji. Maija'quëre do'ijë, yëquëre se̱cacaijë̱'ë, iyere cuasajë, mai cocapi si'a hue̱'ña esa ti̱'aquëna, pa̱ipi sihuajë sehuo ja̱'ñere mësaru sehuose'eje̱ pa'ye. 2Jai pa̱i yecohua'i Maija'quë pa'iji cuasama'cohua'i pa'iye sëte, se̱cacaijë̱'ë, co'aye yo'oyena dahuëyesicohua'ipi jo̱sa yo'oye pa̱ja'cohua'ire, yëquëre. 3Ja̱je pa'iquëta'are, Maija'quë i̱ case'eje̱ pa'ye yo'o ti̱'aquëre papi mësarute o̱cue pa'i macarepa paquë ñacaija̱quë, co'aye mësaru neñe peoja̱'core. 4Ja̱je pa'ina, cuasayë, mai Ëjaëpi co̱caina, nejë pa'icohua'ipi, yëquë cua̱ñese'eje̱ sehuojë neja'cohua'i a'ë, je̱oñe peoyerepa. 5Ja̱je pa'ina, mai Ëjaëpi mësarute co̱caija̱quë Diusu oiyeje̱ pa'ye yecohua'ire oi ja̱'ñe, cui'ne ai yo'onije, Cristo tutu i̱siyepi quëcocohua'i pa'i ja̱'ñe.
Co'amaña Neñe
6Maija'quë do'ijë, mësarute mai Ëjaë Jesucristo mamipi cua̱ñeñë, co'amaña neñe coe Maija'quë do'iquëpi yëquë ye'yase'eje̱ pa'ye pa'ima'quëre tsiomapë pa'ijë̱'ë. 7Tsoe mësarupi asayë, yëquë ye'yase'e tuicohua'i pa'iye. Yëquë mësaru quë'ro pa'i maca co'amaña nema'pë pa'iye pa̱huë. 8Cui'ne a̱oje do'i peoye a̱iñe pa̱huë. Sa̱ijë a̱ë'ë, i̱ti tse̱ acohua'ina. Ja̱je pa'ina, ñami cui'ne mu'se co'amaña nehuë, mësaru acohua'ini dëquëyeje̱ pa'ye yo'oyere coejë. 9Mësarupi yëquëre co̱caiye pa'iji cajë se̱ñe pa'iquëta'are, co'amañare nehuë, mësarupi yëquëna ye'yeni nejë pa'i ja̱'ñere cajë. 10Yëquë ja̱ yë'ta'a mësaru ja̱'re pa'i maca ñeje ye'yahuë: co'amaña neñe coequë, a̱oje a̱iñe pa̱jaquë. 11Ja̱je pa'iquëta'are asayë, ja̱ro mësaru quë'ro acohua'ipi ti co'amaña nema'pë coa pa'ijë, co'amaña necohua'i cayeje̱ pa'ye yecohua'ire quëajë cu'iyë, cajëna. 12Ja̱je pa'ina, ja̱ohua'ire mai Ëjaë Jesucristo cua̱ñe tuture papi cua̱ñeñë, co'amaña nejajë i̱ohua'i nese'ere a̱ija'cohua'i.
13Maija'quë do'ijë, de'oye yo'oye je̱oma'pë pa'ijë̱'ë. 14Mësaru acohua'ipi yëquë cajë iye toya saose'ere sehuocaima'cohua'i pa'ito, ñani ja̱ëpi pa̱ji cani i̱te tsioma'pë pa'ijë̱'ë, i̱te huajëya'ye nëija'core. 15Ja̱je yo'ojëta'a i̱te mësaru pë̱iquëre pama'pë pa'ijë̱'ë, coa ai jerepa yo'jeire yëhuoyeje̱ pa'ye yëhuojë̱'ë, i̱te.
Tëjiyerepa Case'e
16De'oji, mai Ëjaëpi mësaru ja̱'re pa'i, jo'cua pa'iye Ëjaëpi mësarute i̱ pa'iyere i̱sija̱quë si'anëpi ja̱jese'e.
17Iye me cato yë'ë Pablopi pëpaquë toyayë, yë'ë jë̱tëpi, iye toya e'quena ñani yë'ë toya saocoa, cuasaja̱jë caquë. Toya tëji hue̱'ña si'aye yë'ë toya saoye ja̱je toyaquë a'ë. 18Mai Ëjaë Jesucristopi de'oye mësarute si'aohua'ire necaina, pa'ijë̱'ë. Ja̱je pa'ija̱quë.
Currently Selected:
2 Tesalonicenses 3: sey
Highlight
Copy
Compare
Share
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
