Sofonías 2
2
1Peñembyatýke.
Peñembyatypáke,
peẽ petĩ'ỹva,
2peñemboveve mboyve
kapi'i pirukuéicha,#Sal 1.4; Jer 13.24; Os 13.3.
peteĩ árape opáva.
Ho'a mboyve pende ári
Ñandejára pochy rendy,
ho'a mboyve pende ári
Ñandejára ipochyha ára.
3Pehekáke Ñandejárape
peẽ ko yvy ári pejejapo'ỹva,
ha pejapóva
opa mba'e ha'e oipotáva.
Peikóke hekópe pejejapo'ỹre,
ha upéicharõ ikatúne
pejuhu ñemo'ã
Ñandejára ipochytaha árape.#Is 56.6-7; Jl 2.12-14.
Mba'éichapa tetã nguéra oñenupãta
4Táva Gaza nandi opytáta,
Ascalón mba'eve'ỹre.
Araitépe oñemosẽta
umi Asdódpe oikóva.
Ecrongua ojehapo'óta upégui.#Is 29-31; Jer 47.1-7; Ez 25.15-17; Jl 4.4-8; Am 1.6-8; Zac 9.5-7.
5Cháke peẽ Cretagua,
peikóva yguasu rembe'ýpe!
Ñandejárama he'i:
“Canaán, filistéo retã,
rohundíta.
Nde pype avave ndopyta mo'ãi.
6Nde yvy
yguasu rembe'ýpe oĩvagui
oikóta ñu,
mymba kuéra okaru haguã
ha ojejapo haguã kora
ovecha kuérape guarã.”
7Umi Judagua hembýva
oñemohendáta upépe,
Tupã Ijára ou rire
oipytyvõ chupe kuéra,
ha oĩ porã jey rire hikuái.
Upépe oñangarekóta
hymba kuérare,
ha pyharekue opytu'úta
Ascalón pegua óga kuérape.
8Kóicha he'i Tupã
Israel Jára ipu'akapáva:
“Ahendu Moabgua ñe'ẽ meguã,#Is 15-16; 25.10-12; Jer 48; Ez 25.8-11; Am 13.15.
ha umi Amongua ñe'ẽ reity.#Jer 49.1-6; Ez 21.28-32; 25.1-7; Am 1.13-15.
Ha'e kuéra ojahéi
che retã guáre,
ha oñembotuicha oipe'ávo
chugui kuéra ijyvy.
9Upévare ame'ẽ che ñe'ẽ
che rekovére,
Moab ha Amónpe ojehúta
Sodoma#Gn 19—24. ha Gomórrape
ojehu haguéicha,
Ñuatĩndy ha jukyty
oikóta chugui
avave oiko'ỹháme.
Che retã guágui hembýva
omondáta ijyvy
ha oguerekóta imba'erã.”
10Ha péicha hekoviáta
Moábpe ha Amónpe,
oñembohory haguére
Ñandejára retãre,
oñembotuicha haguére
omondávo Ñandejára
ipu'akapáva, yvy tee.
11Ñandejára hendive kuéra ojopýta,
upe tetã megua tupã nguéra ohundíta,
opa rupi oñemomba'e guasúta,
umi tetã yguasu mbytépe oĩvape jepe.
12Peẽ Etiopía guápe avei,#Is 18.1-7.
Ñandejára kyse puku pende reitýta.
13Upe rire ipo oipysóta
yvate gotyo,
ohundi haguã Asiria,#Is 10.5-34; 14.24-27; Nah 1—3.
ha Nínive opytáta avave'ỹre,
yvy ojeiko'ỹha ha ipirupáva
chugui ojapóta Ñandejára.
14Hóga kuéra pegua
yvyra ojepe'apáta,
ha upépe oikóta ovecha kuéra,
ha opaichagua tymba ñarõ,
urukure'a ha kui'ĩ guasu
okéta umi itaperekue rupi,
yryvu oñe'ẽta hovetã
ha hokẽ rembe'y kuérape.
15Táva ojejapoitéva,
ijehe ojeroviatéva,
ha upepegua he'íva:
“Oreichagua ndaipóri
yvy ári”, tapere ha itaty
ha opaichagua tymba ñarõ
raity oiko chugui!
Ohasáva ijypy rupi oturuñe'ẽ
ha oñemohembe jeguarúne chupe!
Currently Selected:
Sofonías 2: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.