Cantares 6
6
Opurahéi joáva
1Mamópa oho ra'e
ne rembiayhu,
nde, kuñataĩ porãite?
Mamópa oho ra'e,
toroheka ne ndive?
Kuñataĩ
2Oime oho ijyvotytýpe
che rembiayhu,
ijyvotyty ryakuãvúpe,
hymba kuéra omongarúvo
ha omono'õvo yvoty.
3Che rembiayhu chéve guarã,
ha che, chupe guarã.
Ha'e yvoty apytépe
hymba kuéra omongaru.#Cnt 2.16.
Purahéi 5ha
Karia'y
4Nde, che rembiayhu,
ne porã Jerusaléncha
ha Tírsaicha nde juky.#1 R 15.21.
5Erována che hegui
nde resa kuéra,
che py'a reraháva!
Nde áva niko ojogua
umi kavara atýra,
oguejýva Galaádgui.
6Ne rãi nguéra morotĩ asy
ha ndaipóri ipa'ũha.#Cnt 4.1-2.
7Nde rova katu ojajái,
mokõi granáda voréicha
nde rova mo'ãha kupépe.
8Mburuvicha guasu
hembireko heta,
ha hetaiteve ikuña;
heta hetave kuña ipyahúva
oñemoĩ chupe.
9Ha peteĩnte che pykasu,
iporãite ha ijojaha'ỹva.
Ha'e isy memby
oñembojeroviavéva.
Kuñataĩ nguéra oguerohory
chupe ohechávo,
ha oguerohory eterei chupe
mburuvicha guasu
rembireko kuéra
ha opa ikuña kuéra.
Opurahéi joáva
10Máva piko pe kuñataĩ
iñapysẽva ko'ẽjúicha,
jasýicha iporãva,
omimbíva kuarahýicha,
ndaijojaháiva,
ñaimo'ãva umi mbyja
pe árare iñasãiva?
Kuñataĩ
11Aguejy che yvatýpe
ahecha haguã
heñóipa che parralty
ha ipotýpa umi granáda.
12Ha aikuaa'ỹre
mba'éicha rupípa,
che rembiayhu Kárrope
ajejuhu.
Opurahéi jo'áva
Currently Selected:
Cantares 6: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
