Salmos 98
98
Tupã oĩ opa mba'e ári
1Pepurahéi Ñandejárape
purahéi pyahu,
mba'e hechapyrãva ojapógui ha'e.
Ipyapy mbarete ha imarangatúgui
ipu'aka opa mba'ére.
2Ñandejára ohechauka ipokatu,
tetã nguérape ohechauka
heko jojaha.
3Imandu'a imborayhu
ha heko jeroviaháre
tetã Israel ndive guarã.
Yvy jerekuévo ojehecha
Tupã ipu'akaha opa mba'ére.#Is 52.10.
4Tojererohory Ñandejára
yvy jerekuévo,
purahéi rory tosoro ha tojevy'a.#Sal 96.1; 100.1-2.
5Árpa púpe Ñandejárape tojepurahéi,
mbaraka púpe chupe tojepurahéi.
6Turu ha trompéta púpe
tojepurahéi Ñandejára,
ñande ruvicha guasu renondépe.
7Yguasu ha ipype oĩva tahyapupa,
yvy ha opa ijapére oikóva.
8Umi ysyry tojepopete,
ha yvyty kuéra
tosapukái joa vy'águi.#Is 44.23.
9Tojepurahéi Ñandejára renondépe
oúgui ko yvy oisãmbyhy haguã.
Ha'e oisãmbyhýta yvy teko jojápe
ha tetã nguéra teko marangatúpe.#Sal 96.13.
Currently Selected:
Salmos 98: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
