Salmos 8
8
Purahéi Tupãme
1Ojepurahéi haguã mbaraka Gat peguáva reheve. David rembiapokue.
2Tupã ore Jára,
herakuã porãite nde réra
ko yvy ape ári.
Yvága peve oguahẽ.#Sal 57.6,12; 108.6; Hab 3.3.
3Mitã nguéra
ha okambúva purahéipe
remopu'ã óga yvate,
oĩgui oñemoĩva nde rehe,
umívape rehundi ete haguã.#Mt 21.16.
4Amaña ramo yvágare
upe ne rembiapokuére,
jasy ha mbyja kuérare
hendápe remoĩ vaekue,
5ha'e che jupe:
Máva piko yvypóra,
ne mandu'a haguã hese?#Job 7.17-18; Sal 144.3; Heb 2.6-8.
6Michĩ remomichĩve
tekove yvágape guágui,
ha yvate chupe rehupi
ha rembotuicha.
7Mburuvicha ramo remoĩ chupe
ne rembiapokue ári,
opa mba'e ipo guýpe remoĩ:#Eclo 17.1-4; 1 Co 15.27; Ef 1.22; Heb 2.8.
8ovecha ha guéi kuéra,
ha opa tymba saite,
9guyra kuéra yvágare ovevéva,
pira ha opa umi mba'e ýpe oikóva.
10Tupã ore Jára,
herakuã porãite nde réra
ko yvy ape ári.
Currently Selected:
Salmos 8: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
