Salmos 75
75
Tupã upe ñane mbojovakéva
1Salmo, Asaf rembiapokue.
2Há Tupã!
Ndéve rogueropurahéi jey-jey.
Romomba'éva nde réra
ha romyerakuã mba'e hechapyrãva
rejapo vaekue.
3Tupã he'i:
“Ára che aiporavóvape,
aporombojovakéta hekoitépe.
4Yvy ha opa ipype oikóva
oryrýi ramo jepe,
che ipyenda amoĩ hatãma.”
5Umi ojejapóvape che ha'e:
“Ani pejejapo.”
Umi heko añávape katu ha'e:
“Ani peñembotuichase,
6ani pembohovái Tupãme,
ani pende juru guasu.”
7Ñembojovake ndoúi
kuarahy resẽ
térã kuarahy reike guio,
yvy ojeiko'ỹha
térã yvyty kuéra guio.
8Tupã ñoite
upe oporombojovakéva.
Peteĩme ohundi
ambuépe katu ohupi.
9Peteĩ kópa Ñandejára pópe oĩ,#Jer 25.15-29; Ez 23.32-34; Hab 2.16; Ap 14.10; 16.19.
kaguy ñepohanombyre pype hyjúi,
ha opa heko añáva yvy ári guápe,
ho'uka huguare peve.
10Che katu opa ára avy'áta,
ha Jacob Tupãme aropurahéita.
11Ha'e iñañávape ohundítagui,
heko potĩvape ohupíta.
Currently Selected:
Salmos 75: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
