Salmos 63
63
Tupã rehe aikotevẽ
1David ojapo vaekue oiko ramo guare yvy ojeiko'ỹháme, Judá yvýpe.
2Tupã, nde niko che Jára.
Opa rupi roheka
che py'a nde hegui amyenyhẽségui.#Sal 42.2-3; 143.6.
Opa che rekove niko nde rehe oikotevẽ,
ku yvy ojeiko'ỹha y oikotevẽháicha.
3Tupaópe rohechase,
nde pu'aka ha nde reko mimbipa
amomba'e haguã.
4Ne mborayhu niko
tuichaiteve jeikovégui.
Ndéve rogueropurahéine,
5ha aikove aja pukukue romomba'éne.
Ndéve añembo'évo che po ahupíne.
6Avy'aiténe apytávo
ku so'o kyra ha karaku
ha'u ramo guáicha
ha torypápe romomba'e guasúne.
7Añenóvo ake haguã
nde rehe che mandu'a.
Pyhare pukukue
che akãme rombojere,
8ndégui upe che pytyvõva.
Nde pepo guýpe aguapýne
vy'águi apurahéi.#Sal 17.8; 91.4.
9Che rekove nde rehe ojejopy,
ha nde, nde pópe che rereko.
10Umi che jukaséva katu,
omanóva oñeñotỹháme
ho'apáne.
11Kyse pukúpe ojejukapáne,
ha aguara guasu ho'úne he'õngue.
12Mburuvicha guasu ovy'áne
Tupã ndive,
iñe'ẽ ome'ẽva hesépe ojehecha kuaáta,
ha ijapúva katu ojejuru mbotýne.
Currently Selected:
Salmos 63: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
