Salmos 6
6
Hasýva ñembo'e
1Ojepurahéi haguã mba'epu isãvape. David rembiapokue.
2Che Jára,
ani nde pochy ha che ja'o.
Ani nde pochy ha ejahéi che rehe.#Sal 38.3; Jer 10.24.
3Che poriahurereko
cháke che kangypa.
Che Jára, che monguerána.
Umi che kãngue niko okuchupa.
4Akyhyjégui asusũmba,
ha nde che Jára,
araka'e piko rejúta che rendápe?
5Tupã, eju che pe'a jejopy vaígui.
Nde che rayhúgui
che pe'a jejopy vaígui.
6Omanóva nga'u piko
imandu'áta nde rehe?
Máva piko yvy guýgui
nde reropurahéita?#Sal 88.11-13; 115.17; Is 38.18-19; Eclo 17.27-28; Bar 2.17-18.
7Che pyahẽ, che kane'õ,
pyhare pukukue
che rupa tesaýpe amboykuepa.
8Tasẽgui ndahechavéi,
umi che resa ikangypa
ha vaípe ajecha.
9Pe che reja peẽ
mba'e vai apoha!#Sal 119.115; Mt 7.23; Lc 13.27.
Cháke Ñandejára oikuaáma
che ñembyasy.
10Ñandejára ohendúma che ñembo'e,
oikuaáma che rembijerure.
11Umi che rayhu'ỹva katu
okyhyjepa ha otĩ,
ha peteĩ tesa pirĩme
tĩndyhápe okañy.
Currently Selected:
Salmos 6: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
