Salmos 46
46
Tupã oĩ ñane ndive
1Coré ra'y kuéra rembiapokue, ojepurahéi haguã mimby púpe.
2Tupã ñane mo'ã
ha ñane mombarete,
ha'e oñangareko ñande rehe
jajejopy vai jave.
3Upévare ndajakyhyje mo'ãi,
ko yvy oñehundi ramo jepe
ha umi yvyty ho'a ramo
yguasu ruguápe.
4Térã umi yguasu
ipochy ha opupu ramo
ha omosusũmba umi yvyty.#Is 54.10; Jl 3.16.
5Upe ysyry hakãmbýva
ogueru tory Tupã távape,#Ez 47.1-12; Zac 14.8; Ap 22.1-2.
upe Yvatetegua rekoha marangatúpe.
6Tupã oiko ipype,
ndo'ái chéne araka'eve.
Ko'ẽ vove
ha'e oúne oipytyvõ chupe.
7Tetã nguéra ovava
ho'a haguãicha,
Tupã ohenduka iñe'ẽ
ha yvy oñehundi.
8Ñandejára ipu'akapáva
oĩ ñane ndive.
Upe ñane mo'ãva hína
Jacob Tupã.#Is 8.10; Sof 3.15.
9Pejúke pehecha
Ñandejára rembiapokue,
mba'e hechapyrãva niko
ha'e ojapo ko yvy apére.
10Ha'e ojoko opaichagua ñorãirõ
ko yvy ári,
hu'y ha kyse yvuku omopẽmba,
ha ohapy umi tete mo'ãha.#Is 2.4; Ez 39.3; Miq 5.2.
11Peñemoĩke che po guýpe.
Peikuaáke cheha Tupã.
Che aĩ opa tetã ári.
Che aĩ opa ko yvy ári.
12Ñandejára ipu'akapáva
oĩ ñane ndive.
Upe ñane mo'ãva hína
Jacob Tupã.
Currently Selected:
Salmos 46: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
