Salmos 41
41
Hasýva ñembo'e
1Salmo, David rembiapokue.
2Ou porãne upe oñangarekóva
ityre'ỹ ha imboriahúvare.#Pr 14.21; Tob 4.7-11.
Ñandejára chupe oipytyvõne
ojejopy vai jave.
3Ñandejára oipytyvõne chupe,
ombovy'a
ha omoingove pukúne chupe.
Ndohejái chéne chupe ho'a
hese ija'e'ỹva pópe.
4Mba'asy oity ramo chupe tupápe,
Ñandejára omongueráne chupe.
5Ñandejárape ha'e:
“Che poriahurereko
ha che monguera.
Ivaíva niko ajapo ne renondépe.”
6Che rayhu'ỹva,
ivaívante oipota ou che ári.
He'i hikuái:
“Araka'e piko upéva omanóta,
ñande resarái haguã chugui?”
7Oĩ ramo oúva che andu,
tova mokõime ha ñe'ẽ rei rekávo ou.
Okápe osẽvo katu,
opa rupi che rehe oñe'ẽ vai.
8Che rayhu'ỹva ijaty,
oñe'ẽvo che rehe.
Oimo'ã che rembiapo vai haguére
kóicha ahasa asyha.
9He'i hikuái:
“Aña ogueru ko'ã mba'e hi'ári.
Kóva niko naipohã véima.”
10Upe che ndive oikóva,
che ndive okarúva ha che jeroviaha,
ha'e jepe oñemoĩ che rehe.#Mt 26.23; Mc 14.20; Lc 22.21; Jn 13.18.
11Che poriahurereko Ñandejára,
águi che mopu'ã
ha taikuaauka chupe kuéra.
12Che rehe ija'e'ỹva
ndaipu'akái ramo che rehe
aikuaáta aĩ porãha ne ndive.
13Che rekove ipotĩ haguére,
reñangareko che rehe
ha che rereko ne renondépe.
14Toñemomba'e guasu Tupã,
Israel Jára,
ko'ágã ha opa árape.#Sal 72.18-20; 89.53; 106.48.
LIBRO 2
(Salmo 42—72)
Currently Selected:
Salmos 41: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
