Salmos 3
3
Ñembo'e ko'ẽmbávo
1David ojapo vaekue, oiko ramo guare kañyháme ta'ýra Absalóngui.
2Che Jára,
heta oĩ ndaija'éiva che rehe.
Heta oĩ opu'ãva che rehe.
3Heta oĩ he'íva che rehe:
“Tupã nonohẽ mo'ãi chupe
jejopy vaígui.”
4Nde katu che Jára,
che renondépe reñemoĩ
ani haguã ojehu chéve mba'eve.
Nde upe reme'ẽva chéve opa mba'e.
Nde upe che myakã rapu'ãva.#2 S 22.3; Sal 18.3; Sal 91.4; 144.2.
5Ñandejárape asapukái
ha'e che pytyvõ haguã.
Ha'e, che rendu ha oñe'ẽ chéve
ijyvyty marangatu guive.#2 S 22.7; Sal 18.7.
6Añeno, ake ha upéi apáy,
ipópe Tupã che rerekógui.#Sal 4.9.
7Heta ramo jepe che mongoráva,
ndakyhyjéi chugui kuéra.
8Epu'ã Tupã che Jára!
Che pe'a jejopy vaígui!#Sal 7.7; 17.13; 35.23.
Umi che rayhu'ỹvape rehova petéta,
umi iñañáva rãi reitypáta.
9Ñandejára,
nde, upe ore pe'áva jejopy vaígui.
Ehovasa ne retã!
Currently Selected:
Salmos 3: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
