Salmos 15
15
Upe Ñandejára oipotáva yvypóragui
1Ñandejára,
mávapa oguahẽta nde rekohápe?
Mávapa oikóta nde yvyty marangatúpe?
2Upe hembiapo porã
ha heko jojáva,#Sal 24.3-4.
upe añete guánte he'íva
ipy'aite guive,
3upe oñe'ẽ vai'ỹva hapicháre,
upe ojapo'ỹva ivaíva hapicháre,
upe oiko vai'ỹva hapicha ndive,
4upe ndohecha ramóiva
hembiapo vaívape,
umi Tupãre ojeroviávape
omomba'éva,
upe he'íva ojapóva
ohasa asy ramo jepe,
5pe plátare oiporuka'ỹva mba'eve,
térã plátare
omoĩ vai'ỹva hapichápe.#Ex 22.25; 23.8.
Upe ojapóva ko'ã mba'e,
ndo'ái chéne araka'eve.
Currently Selected:
Salmos 15: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
