Salmos 146
146
Ñamomba'e upe Ñandejára ojapóva ñande rehe
1Toñemomba'e guasu
Ñandejára.
Amomba'e guasu Ñandejárape
che py'aite guive.
2Aikove aja
amomba'e guasúta Ñandejárape,
che rekove pukukue
apurahéita Ñandejárape.#Sal 104.3.
3Poguasu kuérare ani pejerovia,
umíva niko yvypórante
ha ndaikatúi
ñane renohẽ jejopy vaígui.#Sal 118.8-9; Is 2.22; 31.3; Jer 17.5.
4Ha'e kuéra omano vove,
yvýpe jeýnte oho opa,#Gn 3.19; Sal 90.3; 104.29; Ec 12.7.
ha upe árape opyta rei
opa umi mba'e ojaposéva.
5Ovy'a vaerã
upe Jacob Tupã oipytyvõvape,
upe ojeroviáva
Tupã Ñandejára rehe.
6Ñandejára
upe ojapo vaekue yvága ha yvy,
yguasu ha opa mba'e ipype oĩva.#Gn 1.
Ha'e niko nopyrũiva iñe'ẽre.
7Oñemoĩ uvei
ojejopy vaíva ykére,#Sal 103.6.
ha omongaru iñembyahýivape.#Lc 1.53.
Ñandejára opoi
umi iñapytĩmby ojererekóvagui,
8Ñandejára oheja
umi ohecha'ỹvape ohecha jey,
Ñandejára omopu'ã
umi ikangývape,
Ñandejára ohayhu
umi heko jojávape,
9Ñandejára oñangareko
umi mombyry guáre,
ha ityre'ỹ ha iména manóvape
ha'e oipytyvõ.
Heko vaíva rape katu
ha'e ohundi.
10Ñandejára niko
mburuvicha guasu opa árape guarã.
Táva Sión!
Ñandejára ne sãmbyhýta opa árape.
Toñemomba'e guasu Ñandejára.
Currently Selected:
Salmos 146: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
