Salmos 143
143
Ñandejára rehe ajerovia
1Ñandejára,
che rendu ndéve añembo'évo.
Ejapysaka che rehe ha che rendu.
Nde niko upe nde reko jeroviaha
ha upe nde reko jojáva.
2Ani che renói
che mbojovake haguã.
Ne renondépe niko
ndaipóri hembiapo vai'ỹva.#Ro 3.20; Gl 2.16.
3Umi che rehe ija'e'ỹva,
che rapykuéri oiko che jukase.
Yvýre che pete#Sal 7.6.
ha pytũmbýpe che rereko.
Upépe aiko
ku yma omano vaekuéicha.#Sal 88.5-7; Lm 3.6.
4Name'ẽ véima niko
ha py'a tarovápe aiko.
5Umi mba'e yma guare
ou che akãme,
che mandu'a
umi ne rembiapokuére.
6Ndéve che po amopu'ã
ha añembo'e.
Ku yvy oha'arõháicha ama
upéicha nde rehe che ãho.#Sal 42.2-3; 63.2.
7Ñandejára!
Pya'e eju che pytyvõ,
che rekove niko osótama.
Ani rekañýtei che hegui,
ani ágã upe haguére amano.
8Ára ko'ẽ
togueroguahẽ chéve ne mborayhu,
ajerovia haguére nde rehe.
Ehechauka chéve
mba'éichapa aiko vaerã.#Sal 25.4-5; 27.11; 86.11.
Nde rehénte voi che ajerovia.
9Ñandejára,
che renohẽ umi che rayhu'ỹva
po guýgui,
nde pepo guýpe niko añemo'ã.
10Che mbo'e kena
ajapo kuaa haguã ne rembipota,
ndéko hína Tupã che Jára.
Nde py'a porã kena che ndive,
ha che mboguata tape porãre.
11Ñandejára,
nde réra rehehápe,
eheja taikove.
Nde reko jojágui,
che renohẽ jejopy vaígui.
12Ne mborayhu rehehápe,
ejuka umi che rayhu'ỹvape.#Sal 54.7-8.
Ehundi che rehe ija'e'ỹvape,
chéko ne rembiguái hína.#Sal 116.6.
Currently Selected:
Salmos 143: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
