Salmos 140
140
Ñandejára eju che pytyvõ
1Salmo, David rembiapokue.
2Ñandejára, che renohẽ kena
umi iñañáva apytégui,
eñangareko che rehe
ani hembiapo vaíva
ojapo che rehe mba'eve.#Sal 71.4.
3Ha'e kuéra niko ivaívante
iñakãme oguereko,
ha ára ko'ẽre oñorãirõ.#Sal 120.6-7.
4Mbóicha upe ikũ ohãimbe'e hikuái,
ijuru katu pohã vai memete.#Ro 3.13.
5Eñangareko che rehe Ñandejára
ani heko vaíva pópe ha'a,
ani hembiapo vaíva
ojapo che rehe mba'eve,
ani ha'e kuéra che moñepysãnga.
6Umi mbaretépe oikóva
che jurase iñuhãme,
che raperãme omoĩ chéve ñuhã.
7Ñandejára, ndéve katu ha'e:
“Nde hína Tupã.
Ehendu che Jára che ñembo'e.#Sal 31.14.
8Che Jára,
nde hína upe che pytyvõva,
nde reñangareko che rehe ñorãirõme”.
9Ñandejára,
ani rehejátei umi iñañávape
osẽ porã upe ojaposéva,
ani ágã upéi
oñemoha'entese hikuái.
10Umi che rehe oñemoĩva akã ári
to'a umi mba'e vai ojapose vaekue
che rehe.
11Tatapỹi to'a hi'ári kuéra,
tojeity chupe kuéra yvy kuápe
anive haguãtei osẽ.
12Tahenda'ỹ hetãme
upe oñe'ẽ reíva hapicháre,
mba'e vai hapykuéri toiko,
chupe ohundi peve.
13Ñandejára,
che aikuaa reñemoĩha
imboriahúva ykére,
ha umi oikotevẽvape reipytyvõha.
14Heko jojáva
omomba'e guasúne nde réra,
heko potĩva oikóne nde ykére.
Currently Selected:
Salmos 140: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
