Salmos 133
133
Iporã ite jaiko porãmba ramo oñondive
1Ajépa iporã ite
ha mba'e ñane mbohorýva
jahecha ramo umi Tupãre ojeroviáva
oiko porãmba ramo oñondive.
2Ha'ete ku mba'e ryakuã porã
oñeñohẽva Aarón akãre,
ha hendyváre osyrýva
ijao rembe peve.#Ex 29.7,21.
3Ha'ete ku ysapy
yvyty Hermón pegua
ho'a ramo guáicha
yvyty Sión ári.
Upépe Ñandejára oporohovasa
ome'ẽvo jeikove puku.
Currently Selected:
Salmos 133: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
