Salmos 129
129
Ñandejára ohecha kuaa ñandéve
1Israel,
emombe'u mba'éichapa
yma ne mitã guive,
nde rehe oñemoĩ umi nde rayhu'ỹva.
2Yma che mitã guive ajejopy vai,
ha ndaipu'akái hikuái che rehe.
3Che ape jokapa hikuái
ku yvy oñembovoháicha ñemitỹrã.
4Upéi Ñandejára,
upe heko jojáva,
che renohẽ
umi iñañáva po guýgui.
5Toguevi ñemotĩme
opa ndoikuaaséiva mba'eve Sióngui.
6Ojoguáta ku ñana
óga ári opu'ãva,
oñemondoro mboyve ipirúmava,#2 R 19.26; Is 37.27.
7avave heseve ipónte jepe
omyenyhẽséva,
térã trígoicha
ohupi ijyva ári ogueraha.
8Avave ohasáva
nde'i chéne chupe kuéra:
“Ñandejára ta pende rovasa,
Ñandejára rérape rohovasa”.
Currently Selected:
Salmos 129: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
