Salmos 110
110
Ñandejára omombarete hembiporavópe
1Ñandejára he'i
che ruvicha guasúpe:
“Eguapy che akatúa gotyo,
tamoĩ ne pyenda ramo
umi nde rayhu'ỹva.”#Mt 22.44; Mc 12.36; Lc 20.42-43; Hch 2.34-35; 1 Co 15.25; Ef 1.20-22; Col 3.1; Heb 1.13; 8.1; 10.12-13.
2Sión guive
Ñandejára ne mombarete.
“Opa nde rayhu'ỹva
toĩmba nde po guýpe.
3Reikove ypy guive
nde mburuvicha hína,
ha marangatúgui rejajaipa.
Cheté voi
ysapýicha romoheñói vaekue
pe amo ko'ẽjúgui”.
4Ñandejára ome'ẽ iñe'ẽ
héra rehe
ha nopyrũi chéne hese:
“Nde hína pa'i Melquisedec chagua
opa árape guarã.”#Gn 14.18-20; Heb 5.6; 6.20—7.28.
5Ñandejára oĩ nde akatúa gotyo,
ipochyha árape
ohundíne mburuvicha guasu kuérape.
6Tetã nguéra ombojovakéta,
ápe ha pépe ombyatýne te'õngue,
akã nguéra ombochipapéta
yvy tuichakue.
7Tape yképe ysyrýgui hoy'úta
ha omopu'ã jeýta iñakã.
Currently Selected:
Salmos 110: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
