Salmos 100
100
Ñandejára ñande apohare
1Toguerohory ko yvy Ñandejárape.#Sal 47.2; 66.1; 98.4.
2Pejapo vy'a pópe chupe hembipota,
peguahẽ hendápe sapukái rorýpe.
3Peikuaa porãke:
Ñandejára hína Tupã.
Ha'e ñande apohare
ha ñande imba'e,
hetãgua ha ovecha iñu megua.#Sal 79.13; 95.7.
4Peike hokẽ nguéra rupi
pemboaguijévo chupe,
ha hóga guýpe purahéi reheve.
Pemboaguije chupe
ha héra perohory,
5Ñandejára imba'e porãgui.
Imborayhu ndaijapýrai,#Sal 136.1.
ha heko jeroviaha opa árape guarã.
Currently Selected:
Salmos 100: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
