Joel 4
4
1Ñandejára he'i:
“Upe ára oguahẽvo,
Judá ha Jerusalén
amoingo porã jeýta
ymave guaréicha.
2Ambyatýta opa tetã,
araháta Josafat ñúme,
ha upépe ambojovakéta
chupe kuéra,
che retã Israélre
ojapo vaekuére.
Ha'e kuéra hína
umi Israel guápe
omosarambi vaekue
opa rupi yvy jerekuévo,
ha oñomboja'o vaekue
che retãre,
3oitývo hese po'a,
ha ome'ẽ vaekue hepýre
mitã kuimba'e
ha mitãkuña kuéra.
Hepykue rehe ho'u kaguy
ha oiko kuña reko vai ndive.
Ñandejára ombojovake tetã nguéra
4“Mba'épa peipota che hegui, Tiro, Sidón#Is 23.1-18; Ez 26—28; Am 1.9-10; Zac 9.1-4; Mt 11.21-22; Lc 10.13-14. ha Filistea?#Is 14.29-31; Jer 47; Ez 25.15-17; Am 1.6-8; Sof 2.4-7; Zac 9.5-7. Pende pochyse piko che ndive? Oĩ piko pejaposéva che rehe? Agãite amyengoviáta hína peẽme! 5Peẽ pemonda che pláta ha che óro ha peraha che mba'e porãita pende tupaópe. 6Peraha mombyry hetãgui umi Judagua ha umi Jerusalén guápe, ha peme'ẽ tembiguái ramo umi Grecia guápe. 7Che katu anohẽta chupe kuéra peme'ẽ haguégui, ha peẽme ojehúta upe hese kuéra pejapo vaekue. 8Ame'ẽta Judá guápe pende ra'y ha pende rajy kuéra, ha'e kuéra ome'ẽ jey haguã sabéo kuérape. Umíva hína tetã mombyrygua.” Che, Tupã opa mba'e Jára, upéicha ha'e.
9Pemyerakuã kóva
tetã nguérape:
“Pehenói ñorãirõ
marangaturã.
Pembyaty umi ipy'a guasúva.
Tosẽ toñorãirõ
mayma ñorãirõhára.
10Tojapo kyse puku
ijasáda kuéragui,
ha ikyse guasu karapãgui,
kyse yvuku.#Is 2.4; Miq 4.3.
Ha ikangýva te'i:
“Che, che mbarete!”
11Peẽ tetã
umi jere rupi peiméva,
pya'e peju peñembyaty.
Ore Jára
ne ñorãirõhára kuérape
ere toguejy.
12Peñembyaty tetã nguéra,
Josafat ñúme tapeho.
Upépe Ñandejára
ombojovakéta opa tetãme.
13Peikytĩ umívape,
iñaña itereígui,
trígo aju rakãicha,
oguahẽ ramo guáicha
ñemono'õha ára.#Ap 14.14-16.
Peñami parral'áicha,
oĩma ramo guáicha
kaguy ojejapo haguã,
hyru rembére
tahenyhẽ ha toñehẽ.#Is 63.3; Lm 1.15; Ap 14.19-20; 19.15.
14Heta eterei
umi oĩva ñúme, hérava:
“Toiko upe oje'éva”.
Hi'aguĩma hína upépe
Ñandejára ára.
15Kuarahy ha jasy iñypytũ,
mbyjaita nomimbivéi.
16Ñandejára
okororõ yvyty Sión guive,
ohenduka iñe'ẽ
Jerusalén guive,#Jer 25.30; Am 1.2.
ha yvága ha yvy oryryipa.
Ñandejára
omo'ã hetã guápe,
oñangareko Israel guáre.
Tupã ohovasáta hetã guápe
17Peẽ pehecha kuaáta,
che, Tupã pende Jára,
aikoha Sión
che yvyty marangatúpe.
Jerusalén, táva marangatúta.
Araka'eve noĩ mo'ã véima
ambue tetãgua po guýpe.
18Upe árape kaguy ha kamby
ýicha osyrýta umi yvytýre.
Judá pegua ysyry kuéra
hi'y hetáta,
ha che tupaógui osẽta yvu
omohe'õtava
upe ñu Sitim pegua.#Ez 47.1-12.
19Tapéicha Egipto opytáta
ha Edómgui oikóta
yvy ojeiko'ỹha.
Upépe ondyry
haguére Judagua rehe
ha imarangatúva
ruguy oñohẽ.#Abd 10.
20-21Umíva manongue
amyengoviáta,
ijapoharépe
ndaheja rei mo'ãi.
Judá ha Jerusalénpe
ojeikóta opa ára,
ha che, opa mba'e Jára,
aikóta yvyty Siónpe.”
Currently Selected:
Joel 4: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.