Job 35
35
1-2Ndéve guarãpa, Job,
Tupã omoañete vaerã
umi eréva?
3Ne niko ere Tupãme:
“Mba'e piko ndéve
che rembiapo vai ramo?
Mba'épepa iporã ra'e chéve
na che rembiapo vaíri
hague?”#Job 7.20.
4Péina che ha'éta ndéve
ha ne irũ nguérape.
5Ema'ẽ pe árare
ha ehecha arai mba'éichapa
ijyvate nde ári.
6Nde reko ky'a ramo,
upéva nombyaíri Tupãme;
ne rembiapo vai hetárõ jepe,
mba'eve nderejapói hese.
7Ha nde reko porã ramo
mba'eve nereme'ẽi chupe;
nderejapói mba'eve hesehápe.
8Yvypóra ndéicha guápe
ombyai pe ne reko ky'a,
ha chupe kuéra ombojerovia
opa mba'e porã rejapóva.#Job 22.2-3.
9Poguýpe ojejopy hague
yvypóra osapukái,
ha oheka umi poguasúgui
oipe'a vaerã chupe kuéra;
10ha ndohekái
Tupã ijapoharépe,
ku oporomombaretéva,
pyhare pytũveháme,
11ku ñane moaranduvéva
tymba ha guyra kuéragui.
12Osapukái ramo jepe
Tupã nohendúi chupe kuéra,
iñaña ha ijejapógui.
13Tupã nohendúi japu.
Pe ipu'akapáva ndojepy'apýi
ijapúvare.
14Nde ere: “Añe'ẽ Tupãme
ha na che rendúi,
aha'arõnte hína.”
15Ko'ágã, Tupã
ndaipochýigui
ha noporonupãigui,
noma'ẽigui hembiapo vaívare,
16nde reñe'ẽ rei hína, Job,
reñe'ẽ heta
ha ndeeréi mba'eve!
Currently Selected:
Job 35: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
