Job 25
25
Bildad
1-2Tupã ipu'akapáva
ha kyhyjeháva
ha'e oporombopy'a guapy
yvágape.
3Hembiguái kuéra
ndaipapahái,
heko jajái ohesape opa rupi.
4Ikatu piko aipórõ yvypóra
heko potĩ ha imarangatu
Tupã rovái?
5Jasy jepe ndojajáiri
henondépe,
ha naipotĩri umi mbyja,
6yvypóra katu piko mba'éta,
ko yso reínteva ha'e
ha tapicha yvy arigua,
ko sevo'i reínteva avei?
Currently Selected:
Job 25: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
