Isaías 12
12
Aguije me'ẽ purahéi
1Upe árape eréta:
“Aguije, che Jára,
nde pochy vaekue niko añete
che ndive,
ko'ágã katu nde pochy jeráma,
ha che poriahurereko jeýma.”
2Ha'e hína Tupã,
jejopy vaígui che pe'áva,
hese ajerovia ha ndakyhyjéi.
Che Jára che mo'ã
ha che mombarete,
opa mba'e vaígui che pe'a.#Ex 15.2; Sal 118.14.
3Y penohẽta vy'a pópe,
ha ivaívagui ñesẽ ykuágui
pey'úta.
4Upe árape pejéta:
“Pembyaguije Ñandejárape,
héra pehenói,
Peikuaauka tetã nguérape
imba'e mombe'upyrã,
perosapukái héra jojaha'ỹ.
5Pepurahéi Ñandejárape,
ojapo haguére
mba'e ndaijojaháiva,
ha opa rupi ete pemyerakuã.#Sal 105.1-2.
6Pesapukái vy'águi Siongua:
Tuicha itégui pende apytépe
Israelgua Imarangatúva!”
Currently Selected:
Isaías 12: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
