Oseas 13
13
Israel oñehundiete
1Oñe'ẽrõ umi Efraingua,
ambue Israelgua okirirĩ jepi,
Efraín katu omano
hembiapo vaikuére,
Baálpe.* omomba'e guasu haguére.
2Ha akóinte iñangaipa!
Omboyku pláta
ha ojapo ta'ãnga,
ouháicha ijapohárape
iñakãme.
Upéi he'i:
“Pemymbajukáke*f** chupe!”
Ha ohetũ joa
tóro ra'y ra'ãnga.
3Upévare ojoguáta
tatatĩna ko'ẽme
ha ysapy ko'ẽjúpe
pya'e opa reíva,
kapi'i pirukuéicha
yvytu ombovevéva,#Sal 1.4; Jer 13.24; Os 13.3; Sof 2.2.
tatatĩcha osẽva tatakuágui.
4Ñandejára he'i:
“Che hína Tupã nde Jára,
reiko guive Egíptope,
aníke rereko Tupã ambue,
ndaha'éiva che.
Che ñoite ikatu
roguenohẽ jejopy vaígui.#Ex 20.2; Is 43.11; 45.21.
5Che añangareko vaekue nde rehe
yvyku'i akúpe
yvy ojeiko'ỹháme,
6ha hembypa ramo guare
tembi'u,
pejejapo eterei vaekue,
che hegui pende resarái ete.#Dt 8.11-17.
7Upévare chupe kuéra guarã
leóncha che ñarõta,
jaguaretéicha
tapépe oha'arõva.
8Óso kuñáicha
imemby kuéra
oñemonda vaekue chugui,
asẽta chupe kuéra,
ambo'i ha aipehe'ãmbáta
chupe kuéra.
Leóncha upépe voi amokõta
chupe kuéra.
Tymba ñarõicha amyangu'ipáta.
9Rohundíta, Israel,
ha ndaipóri che joko vaerã.
10Moõpa oĩ ko'ágã
nde ruvicha guasu,
upe ne mo'ãva ivaívagui
opa nde távape?
Mba'épa oiko
nde ruvicha kuéragui,
umi rejerure hague,
ne ruvicha guasu
ha nde ruvicharã?#1 S 8.5-6.
11Che pochyhápe
ame'ẽ vaekue ndéve
mburuvicha guasu,#1 S 10.17-24.
ha che pochyhápe aipe'a.#1 S 15.26.
12Efraín añangue ojehaíma,
iñangaipa
oĩma kuatiápe.
13Israélpe oguahẽ
ára ou haguã ko yvy ári,
ha itavy etereígui
ndoikuaái
mba'éichapa oñemoĩta,
osẽ haguã isy ryégui.
14Ha che piko aipytyvõta
ani haguã omano?
Che piko amoingove jeýta?
Nde, mano!
Mamópa oime nde pokatu
reporohundi haguã?
Mamópa reime yvykua
reporomokõva?
Ndaiporiahurereko mo'ãvéima
che ko'ãvape!”
15Israel ipoty ramo jepe,
oúta yvytu kuarahy resẽ guio,
pe yvytu ratã oipejúva,
yvy ojeiko'ỹha guio,
ha ombohypáta
ykua ha yvu kuéra.
Umi hese ija'e'ỹva
oipe'apáta chugui,
imba'eta ha imba'ejegua.
Currently Selected:
Oseas 13: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
