Tchikyꞌbꞌin 11

Aye kabꞌe kujsilte

1Ex tzaj qꞌoꞌn jun tze weꞌy te echbꞌil, ikyxixjo tzeꞌnku ajlaj, ex tzaj qꞌmaꞌn weꞌy:

Weꞌksa, ex echinkujiy a tja Dios, junx tukꞌa t-altar.#Ez. 40:3. Ex ajlanqekujiy ayeꞌ nchi kꞌulin antza. 2Me mi kubꞌ techinjiy twiꞌ peꞌn tiꞌjxi ja, quꞌn ma txi qꞌon teꞌ kyeꞌ, a nya Judiyqe.#Lc. 21:24. Ex kbꞌajil kywaꞌbꞌin tkyaqiljo tnam xjan toj kabꞌe toj ox kꞌal#11:2Kabꞌe toj ox kꞌal, 42 n-ele. xjaw. 3Ex kxel nsmaꞌn kabꞌe kujsilte wiꞌja, tok kyxbꞌalin te bꞌisbꞌajil. Ex kchi yolil te kujsil teꞌ yol toj 1,260 qꞌij. 4Ayetziꞌn kabꞌe kujsilte yol lo, ayetziꞌn kabꞌe tze olivo#Zac. 4:3, 11-14. ex kabꞌe xtankoꞌl iteꞌku nwutza, ayiꞌn Tajaw tkyaqil txꞌotxꞌ. 5Ex qa at jun nt-ximin tuꞌn tkubꞌ bꞌinchin mibꞌin kyiꞌj, ok k-okil qꞌaqꞌ toj kytzi, tuꞌn kytzꞌeꞌy te jun majx. Ex ikytzin kchi kyimileꞌ aye kyaj tuꞌn kybꞌinchin mibꞌin kyiꞌj. 6Me ayetzin kujsil yol luꞌn at kyoklin tuꞌn mi tzaja jbꞌal kyojjo kyqꞌijil, aj kyok ten yolil tiꞌj Dios.#1Re. 17:1. Ex at kyipin tuꞌn txꞌixpit aꞌ tuꞌn tok te chikyꞌ,#Ex. 7:17-19. ex tuꞌn kyqanin tkyaqil wiq yajbꞌil tibꞌaj txꞌotxꞌ, tzeꞌnku kyaj.

7Me ajtzin tjapin bꞌajjo kyaqꞌin tuꞌn kyqꞌoꞌn yekꞌbꞌil, jun ma tij txuk kjawitz tojjo jul te kawbꞌil, a ma nintz t-xe.#Dan. 7:3; Tchi. 13:4-7. Kꞌwel kyiꞌj tuꞌn, ex kchi kꞌwel bꞌyoꞌn tuꞌn.#Dan. 7:21. 8Ex ayetzin kyxmilil otaq kyim ok kchi kyjel kuẍbꞌin toj tnam Jerusalén, jaꞌ kubꞌ bꞌyoꞌn kyAjaw twutz cruz. Ajo tnam, iky n-ele tzeꞌnku Sodoma exsin Egipto, aye techil tiꞌjjo tkyaqil nya wen.#Is. 1:9-10. 9Ex toj oxe qꞌij tukꞌa nikyꞌjin, ayetzin xjal twutz tkyaqil txꞌotxꞌ, aꞌlchaqx kye kyxeꞌchil, kyyol ex kytanim, kchi kaꞌyil kyiꞌj, ex mi txi kyqꞌoꞌn ambꞌil, tuꞌn kykuꞌx muqet. 10Ex ayetziꞌn itzꞌqex twutz txꞌotxꞌ kchi tzalaje tiꞌjjo kyimin, ex kxel kysmaꞌn oyaj kyxolx, quꞌn aye xjal lo kubꞌ kybꞌinchin mibꞌin kyiꞌj kykyaqil xjal twutz txꞌotxꞌ.

11Me tbꞌajlinxiꞌ oxe qꞌij tukꞌa nikyꞌjin, ax Dios xi qꞌoꞌnte kychwinqil, ex bꞌeꞌx i jaw weꞌks juntl majl.#Ez. 37:10. Ex ayetziꞌn nchi kaꞌyintaq kyiꞌj, bꞌeꞌx tzaj nim kyxobꞌil. 12Ex ayetzin kabꞌe kujsil yol, xi kybꞌiꞌn jun tqꞌajqꞌojil wibꞌaj toj kyaꞌj, ex ntqꞌmaꞌn: Ku kyjatza tzaluꞌn.

Ex bꞌeꞌx i xiꞌ toj muj, tuꞌn kykanin toj kyaꞌj.#2Re. 2:11. Ex iwle kyuꞌn kyajqꞌoj. 13Me tojxjo or anetziꞌn, tzaj jun nim kyaqnajnabꞌ,#Tchi. 6:12; 16:18. ex tuꞌn tpajjo kyaqnajnabꞌ, bꞌeꞌx tzaj tzꞌaqjo tlajajin tnejjo tnam, ex bꞌeꞌx i kyim wuq mil xjal toj. Ayetziꞌn i kyij tukꞌa kychwinqil, tukꞌa nim kyxobꞌil, i nimsin tbꞌi Dios, a Tajaw Kyaꞌj.

14Ma bꞌaj te tkabꞌ bꞌisbꞌajil lo. Me atx juntl chꞌix tul kanin.

A twuqin chun

15Atzin twuqin angel xi toqꞌsin tchun, ex i bꞌijte tqꞌajqꞌojil wiꞌbꞌaj kujxix wen toj kyaꞌj, a nkyqꞌmaꞌn:

Atzin txꞌotxꞌ, a jaꞌ nkawinetaq tajaw il, ma tzꞌok tetzin qAjaw, a Crist, a jaꞌ kkawile te jun majx.#Dan. 7:14, 27.

16Ex ayetzin kyaje toj kaꞌwnaq#11:16Kyaje toj kaꞌwnaq, 24 n-ele. nejinel, a qꞌuqleqetaq toj kyqꞌuqbꞌil twutz Dios, bꞌeꞌx i kubꞌ mukꞌe twutz txꞌotxꞌ, ex i kꞌulin twutz. 17Xi kyqꞌmaꞌn:

Kxel qqꞌoꞌn chjonte teꞌy,

ay qAjaw ex qMan Dios, a nimxix tipin,

a attaq te tnejil, ex at jaꞌlin.

Quꞌn tzaj ttzyuꞌn tkyaqil tipiꞌn,

ex ma txi xkye tuꞌn tkawiꞌn tibꞌaj tkyaqil.

18Aye nya nimil bꞌeꞌx tzaj kyqꞌoj.

Me atzin jaꞌlin, ma kanin tqꞌijil tyabꞌ twiꞌy.

Ex atzin paqjo jaꞌlin,

tuꞌn kyok tkyaqil kyimnin toj paꞌbꞌin tuꞌn.

Ex kxel tqꞌoꞌn chojbꞌil kyejo taqꞌnila, aye yolil Tyola,

junx kyukꞌa kykyaqil nimil tiꞌja,

ayeꞌ njaw kynimsin tbꞌiꞌy,

exla qa ma nim kyoklin, ex qa mina.#Sal. 115:13.

Ex kchi kꞌwel tyuchꞌinjiy toj najin,

aye nchi yuchꞌinte twutz txꞌotxꞌ.

19Tbꞌajlinxiꞌ ikyjo, bꞌeꞌx jqetjo tja Dios toj kyaꞌj, ex tojjo tja qꞌanchaꞌlin teꞌ kax, a yekꞌbꞌil tiꞌjjo Kujsbꞌil Tyol qa at Dios kyukꞌa Ttanim. Ex bꞌeꞌx tzaj xloqꞌlin kyaꞌj, junx tukꞌa jun tqꞌajqꞌojil njumin wen, ex qꞌankyaq ex jun nim kyaqnajnabꞌ ex txqan saqbꞌaqin.#Tchi. 8:5; 16:18.

Currently Selected:

Tchikyꞌbꞌin 11: mamC

Highlight

Copy

Compare