Números 7
7
Li mayej li queꞌxqꞌue nak queꞌxkꞌaxtesi re li Dios li tabernáculo
1Nak ac xchoy xyi̱banquil li tabernáculo, laj Moisés quixqꞌue li aceite chiru re xsantobresinquil. Quixqꞌue ajcuiꞌ chiru chixjunil li nacꞌanjelac chi saꞌ. Quixsantobresi ajcuiꞌ li artal ut li secꞌ li nacꞌanjelac saꞌ li artal. 2Ut eb li nequeꞌcꞌamoc be saꞌ xya̱nkeb li junju̱nk xte̱paleb laj Israel, aꞌ li queꞌtenkꞌan riqꞌuin rajlanquileb li cui̱nk, queꞌcuulac chi mayejac chiru li Ka̱cuaꞌ. 3Queꞌxmayeja re li Ka̱cuaꞌ cuakib li carre̱t tzꞌaptzꞌo xbe̱n, ut cablaju li bo̱yx. Jun li carre̱t queꞌxmayeja saꞌ caꞌcabil eb laj cꞌamol be. Ut junju̱nk li bo̱yx queꞌxmayeja chi xjunju̱nkaleb. Chixjunil li mayej aꞌin queꞌxcanab chiru li tabernáculo. 4Ut li Ka̱cuaꞌ quia̱tinac riqꞌuin laj Moisés ut quixye re: 5—Cꞌul li mayej aꞌin chiruheb re teꞌcꞌanjelak saꞌ li tabernáculo. Ut ta̱qꞌue reheb laj levita re ta̱cꞌanjelak chiruheb aꞌ yal cꞌaꞌru li cꞌanjel teꞌxba̱nu, chan li Ka̱cuaꞌ. 6Ut laj Moisés quixcꞌul li carre̱t ut eb li bo̱yx chiruheb ut quixqꞌue reheb laj levita. 7Quixqꞌue cuib li carre̱t ut ca̱hib li bo̱yx reheb li ralal xcꞌajol laj Gersón, aꞌ yal chanru quiraj lix cꞌanjeleb. 8Ut quixqꞌue ca̱hib li carre̱t ut cuakxakib li bo̱yx reheb li ralal xcꞌajol laj Merari aꞌ yal chanru quiraj lix cꞌanjeleb. Ut laj Itamar, li ralal laj Aarón laj tij, aꞌan li quitaklan saꞌ xbe̱neb. 9Abanan li ralal xcꞌajol laj Coat ma̱cꞌaꞌ quixqꞌue reheb xban nak eb aꞌan teꞌxpako saꞌ xbe̱neb xtel li cꞌaꞌru santobresinbil li tenebanbil saꞌ xbe̱neb xcꞌambal. 10Saꞌ li cutan nak quiqꞌueheꞌ li aceite chiru li artal re xkꞌaxtesinquil re li Ka̱cuaꞌ, eb li nequeꞌjolomin reheb lix te̱paleb laj Israel queꞌxcꞌam lix mayejeb chiru li artal. 11Ut li Ka̱cuaꞌ quixye re laj Moisés: —Rajlal cutan junju̱nk li nequeꞌjolomin reheb lix te̱paleb laj Israel tixqꞌue lix mayej re xkꞌaxtesinquil li artal chicuu, chan. 12Saꞌ li xbe̱n li cutan quixcꞌam lix mayej laj Naasón li ralal laj Aminadab xcomoneb li ralal xcꞌajol laj Judá. 13Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 14Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 15Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej. 16Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 17ut cuib li bo̱yx ut o̱b li te̱lom carner; o̱b li te̱lom chiba̱t; o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌineb li mayej li quixqꞌue laj Naasón li ralal laj Aminadab. 18Saꞌ li xcab li cutan quixcꞌam lix mayej laj Natanael li nataklan saꞌ xbe̱neb li ralal xcꞌajol laj Isacar. Laj Natanael, aꞌan li ralal laj Zuar. 19Li mayej li quixqꞌue, aꞌan jun plato yi̱banbil riqꞌuin plata numenak oxib libra ra̱lal ut jun li secꞌ yi̱banbil riqꞌuin plata caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 20Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 21Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej. 22Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 23ut cuib li bo̱yx ut o̱b li te̱lom carner, o̱b li te̱lom chiba̱t, o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Natanael li ralal laj Zuar. 24Saꞌ li rox li cutan quixcꞌam lix mayej laj Eliab li nataklan saꞌ xbe̱neb li ralal xcꞌajol laj Zabulón. Laj Eliab, aꞌan li ralal laj Helón. 25Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 26Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 27Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej. 28Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 29ut cuib li bo̱yx ut o̱b li te̱lom carner; o̱b li te̱lom chiba̱t; o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Eliab li ralal laj Helón. 30Saꞌ li xca̱ li cutan quixcꞌam lix mayej laj Elisur li nataklan saꞌ xbe̱neb li ralal xcꞌajol laj Rubén. Laj Elisur, aꞌan li ralal laj Sedeur. 31Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 32Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 33Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 34Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 35ut cuib li bo̱yx ut o̱b li te̱lom carner, o̱b li te̱lom chiba̱t, o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌan li mayej li quixqꞌue laj Elisur li ralal laj Sedeur. 36Saꞌ li roꞌ li cutan quixcꞌam lix mayej laj Selumiel li nataklan saꞌ xbe̱neb li ralal xcꞌajol laj Simeón. Laj Selumiel, aꞌan li ralal laj Zurisadai. 37Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 38Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ralal nujenak riqꞌuin incienso. 39Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 40Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c. 41Ut quixqꞌue ajcuiꞌ cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Selumiel li ralal laj Zurisadai. 42Saꞌ li xcuak li cutan quixcꞌam lix mayej laj Eliasaf li nataklan saꞌ xbe̱neb li ralal xcꞌajol laj Gad. Laj Eliasaf, aꞌan li ralal laj Deuel. 43Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 44Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 45Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 46Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 47ut cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Eliasaf li ralal laj Deuel. 48Saꞌ xcuuk li cutan quixcꞌam lix mayej laj Elisama li nataklan saꞌ xbe̱neb li ralal xcꞌajol laj Efraín. Laj Elisama aꞌan li ralal laj Amiud. 49Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 50Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 51Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 52Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c. 53Quixqꞌue ajcuiꞌ jun li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Elisama li ralal laj Amiud. 54Saꞌ xcuakxak li cutan quixcꞌam lix mayej laj Gamaliel li nataklan saꞌ xbe̱neb li ralal xcꞌajol laj Manasés. Laj Gamaliel, aꞌan li ralal laj Pedasur. 55Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 56Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 57Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 58Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 59ut cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Gamaliel li ralal laj Pedasur. 60Saꞌ li xbele li cutan quixcꞌam lix mayej laj Abidán li nataklan saꞌ xbe̱neb li ralal xcꞌajol laj Benjamín. Laj Abidán, aꞌan li ralal laj Gedeoni. 61Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 62Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 63Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 64Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 65ut cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Abidán li ralal laj Gedeoni. 66Saꞌ li xlaje li cutan quixcꞌam lix mayej laj Ahiezer li nataklan saꞌ xbe̱neb li ralal xcꞌajol laj Dan. Laj Ahiezer, aꞌan li ralal laj Amisadai. 67Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 68Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 69Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 70Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 71ut cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Ahiezer li ralal laj Amisadai. 72Saꞌ li xjunlaju li cutan quixcꞌam lix mayej laj Pagiel, li nataklan saꞌ xbe̱neb li ralal xcꞌajol laj Aser. Laj Pagiel, aꞌan li ralal laj Ocrán. 73Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 74Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 75Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 76Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 77ut cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Pagiel li ralal laj Ocrán. 78Saꞌ lix cablaju li cutan quixqꞌue lix mayej laj Ahira, li nataklan saꞌ xbe̱neb li ralal xcꞌajol laj Neftalí. Laj Ahira, aꞌan li ralal laj Enán. 79Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk. 80Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso. 81Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej. 82Quixqꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c, 83ut cuib li bo̱yx ut o̱b li te̱lom carner, o̱b li te̱lom chiba̱t, ut o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Ahira li ralal laj Enán. 84Aꞌin xqꞌuial li mayej li queꞌxqꞌue eb li nequeꞌtaklan saꞌ xbe̱neb laj Israel nak quikꞌaxtesi̱c chiru li Ka̱cuaꞌ li artal nak quiqꞌueheꞌ li aceite chiru: cablaju li ni̱nki plato yi̱banbil riqꞌuin plata, cablaju li ni̱nki secꞌ yi̱banbil riqꞌuin plata, ut cablaju li cuchara yi̱banbil riqꞌuin oro. 85Li junju̱nk chi ni̱nki plato yi̱banbil riqꞌuin plata numenak oxib libra ra̱lal li junju̱nk. Ut li junju̱nk chi ni̱nki secꞌ caꞌchꞌin ma̱ cuib libra ra̱lal. Chixjunil li yi̱banbil riqꞌuin plata numenak laje̱b roxcꞌa̱l libra ra̱lal. Lix bisbaleb, aꞌan joꞌ li bisleb cuan saꞌ li tabernáculo. 86Li cablaju chi cuchara oro nujenak riqꞌuin incienso numenak ca̱hib onzas ra̱lal li junju̱nk. Lix bisbaleb aꞌan joꞌ li bisleb cuan saꞌ li tabernáculo. Chixjunileb li cuchara yi̱banbil riqꞌuin oro numenak oxib libra ra̱laleb. 87Aꞌineb xqꞌuial li xul li queꞌxqꞌue chokꞌ re li cꞌatbil mayej: cablaju li toro, cablaju li te̱lom carner, ut cablaju li te̱lom carner jun chihab cuan reheb rochben li mayej cꞌaj. Ut cablaju li te̱lom chiba̱t li queꞌxmayeja re xtzꞌa̱manquil xcuybal li ma̱c. 88Chixjunileb li mayej xul li queꞌxqꞌue re xcꞌambaleb rib saꞌ usilal riqꞌuin li Dios, aꞌan ca̱hib xcaꞌcꞌa̱l (24) li toro toj sa̱j, oxcꞌa̱l li te̱lom carner, oxcꞌa̱l li te̱lom chiba̱t ut oxcꞌa̱l li te̱lom carner jun chihab cuan reheb. Aꞌin li mayej li queꞌxqꞌue re xkꞌaxtesinquil chiru li Dios li artal nak ac quiqꞌueheꞌ li aceite chiru. 89Nak laj Moisés qui-oc saꞌ li tabernáculo chi a̱tinac riqꞌuin li Ka̱cuaꞌ, quirabi xya̱b xcux li Ka̱cuaꞌ nak yo̱ chak chi a̱tinac saꞌ xyi li cuib chi querubines li cuan saꞌ xbe̱n lix tzꞌapbal re li Lokꞌlaj Ca̱x li cuan cuiꞌ lix contrato li Dios.
Currently Selected:
Números 7: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
