Levítico 24
24
Li aceite reheb li candil
1Li Ka̱cuaꞌ quia̱tinac riqꞌuin laj Moisés ut quixye re: 2—Ta̱ye reheb laj Israel nak teꞌxcꞌam chak li cha̱bil aceite oliva re li candil re nak lochlo̱k chi junelic. 3Rajlal ecuu laj Aarón tixlocheb li candil ut lochlo̱keb toj nak ta̱sake̱uk. Aꞌaneb li candil li cuanqueb saꞌ li tabernáculo chiru li tꞌicr li naramoc re li Lokꞌlaj Ca̱x li cuan cuiꞌ lix contrato li Ka̱cuaꞌ. Aꞌan jun li chakꞌrab tento teꞌxba̱nu chi junelic eb aꞌan joꞌ eb ajcuiꞌ li ralal xcꞌajol li teꞌcua̱nk mokon. 4Tento xcauresinquileb li candil saꞌ xbe̱n li candelero li yi̱banbil riqꞌuin oro re nak junelic lochlo̱keb chiru li Ka̱cuaꞌ.
Li caxlan cua mayejanbil chiru li Ka̱cuaꞌ
5Riqꞌuin li cha̱bil cꞌaj te̱yi̱b cablaju li caxlan cua. Numenak cuakxakib libra li cꞌaj te̱qꞌue re li junju̱nk chi caxlan cua. 6Chiru li Ka̱cuaꞌ Dios ta̱qꞌue li cablaju chi caxlan cua saꞌ cuib tzol saꞌ xbe̱n li me̱x oro. Cuakitk chi caxlan cua ta̱qꞌue saꞌ li ju̱nk tzol. 7Ta̱qꞌue ajcuiꞌ li cha̱bil incienso saꞌ xbe̱n li ju̱nk tzol chi caxlan cua. Ut aꞌanak jun sununquil cꞌatbil mayej chiru li Ka̱cuaꞌ. 8Rajlal hiloba̱l cutan laj tij tixqꞌue li caxlan cua aꞌan. Junelic cua̱nk aran chiru li Ka̱cuaꞌ joꞌ retalil li contrato quixba̱nu li Dios saꞌ xcꞌabaꞌeb laj Israel. Te̱ba̱nu chi joꞌcan anakcuan ut chi junelic kꞌe cutan. 9Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.
Li xtojbal xma̱queb li nequeꞌxmajecua li Dios
10Saꞌ eb li cutan aꞌan quicuan jun li cui̱nk aj Israel lix naꞌ ut aj Egipto lix yucuaꞌ. Li cui̱nk aꞌan qui-oc chi pletic riqꞌuin jun aj Israel saꞌ li naꞌajej li cuanqueb cuiꞌ li muheba̱l. 11Li cui̱nk, lix yum li ixk aj Israel, quixhob ut quixmajecua xcꞌabaꞌ li Ka̱cuaꞌ. Joꞌcan nak quicꞌameꞌ riqꞌuin laj Moisés. Lix naꞌ Selomit xcꞌabaꞌ. Aꞌan lix rabin laj Dibri xcomoneb li ralal xcꞌajol laj Dan. 12Li cui̱nk quiqꞌueheꞌ saꞌ tzꞌalam ut eb laj Israel queꞌroybeni re nak li Ka̱cuaꞌ tixcꞌut chiruheb cꞌaꞌru us teꞌxba̱nu. 13Li Ka̱cuaꞌ quia̱tinac riqꞌuin laj Moisés ut quixye re: 14—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec. 15Ta̱ye reheb laj Israel nak li ani tixmajecua li Dios, tento nak tixtoj rix lix ma̱c. 16Li ani tixmajecua xcꞌabaꞌ li Dios ta̱camsi̱k, usta aj Israel usta jalan xtenamit li cuan Israel. Chixjunileb li tenamit teꞌxcamsi chi pec xban nak xmajecua xcꞌabaꞌ li Ka̱cuaꞌ. 17Li ani tixcamsi ras ri̱tzꞌin tento ta̱camsi̱k. 18Ut li ani tixcamsi junak reheb lix queto̱mk li ras ri̱tzꞌin, tento nak tixqꞌue re̱kaj li xul li xcamsi. 19Li ani tixba̱nu raylal re li ras ri̱tzꞌin, joꞌcan ajcuiꞌ ta̱uxk re aꞌan. 20Cui naxjor xbakel li ras ri̱tzꞌin, tento nak ta̱jorekꞌ xbakel aꞌan. Cui narisi xnakꞌ ru, tento nak ta̱isi̱k xnakꞌ ru aꞌan. Cui narisi ruch re, ta̱isi̱k ajcuiꞌ ruch re aꞌan. Li cꞌaꞌru xba̱nu re li ras ri̱tzꞌin, joꞌcan ajcuiꞌ ta̱uxk re aꞌan. 21Li ani tixcamsi junak xul, tento tixqꞌue re̱kaj li xul li xcamsi. Ut li ani tixcamsi ras ri̱tzꞌin, tento nak ta̱camsi̱k aꞌan. 22Li chakꞌrab aꞌin tenebanbil saꞌ xbe̱neb laj Israel joꞌ eb ajcuiꞌ li jalaneb xtenamit. La̱in li Ka̱cuaꞌ le̱ Dios.— 23Nak laj Moisés ac xye aꞌin reheb laj Israel, queꞌxcꞌam li cui̱nk li quixmajecua li Ka̱cuaꞌ toj chirix li naꞌajej li cuanqueb cuiꞌ lix muheba̱leb. Ut aran queꞌxcamsi chi pec. Eb laj Israel queꞌxba̱nu joꞌ quiyeheꞌ re laj Moisés xban li Ka̱cuaꞌ.
Currently Selected:
Levítico 24: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Levítico 24
24
Li aceite reheb li candil
1Li Ka̱cuaꞌ quia̱tinac riqꞌuin laj Moisés ut quixye re: 2—Ta̱ye reheb laj Israel nak teꞌxcꞌam chak li cha̱bil aceite oliva re li candil re nak lochlo̱k chi junelic. 3Rajlal ecuu laj Aarón tixlocheb li candil ut lochlo̱keb toj nak ta̱sake̱uk. Aꞌaneb li candil li cuanqueb saꞌ li tabernáculo chiru li tꞌicr li naramoc re li Lokꞌlaj Ca̱x li cuan cuiꞌ lix contrato li Ka̱cuaꞌ. Aꞌan jun li chakꞌrab tento teꞌxba̱nu chi junelic eb aꞌan joꞌ eb ajcuiꞌ li ralal xcꞌajol li teꞌcua̱nk mokon. 4Tento xcauresinquileb li candil saꞌ xbe̱n li candelero li yi̱banbil riqꞌuin oro re nak junelic lochlo̱keb chiru li Ka̱cuaꞌ.
Li caxlan cua mayejanbil chiru li Ka̱cuaꞌ
5Riqꞌuin li cha̱bil cꞌaj te̱yi̱b cablaju li caxlan cua. Numenak cuakxakib libra li cꞌaj te̱qꞌue re li junju̱nk chi caxlan cua. 6Chiru li Ka̱cuaꞌ Dios ta̱qꞌue li cablaju chi caxlan cua saꞌ cuib tzol saꞌ xbe̱n li me̱x oro. Cuakitk chi caxlan cua ta̱qꞌue saꞌ li ju̱nk tzol. 7Ta̱qꞌue ajcuiꞌ li cha̱bil incienso saꞌ xbe̱n li ju̱nk tzol chi caxlan cua. Ut aꞌanak jun sununquil cꞌatbil mayej chiru li Ka̱cuaꞌ. 8Rajlal hiloba̱l cutan laj tij tixqꞌue li caxlan cua aꞌan. Junelic cua̱nk aran chiru li Ka̱cuaꞌ joꞌ retalil li contrato quixba̱nu li Dios saꞌ xcꞌabaꞌeb laj Israel. Te̱ba̱nu chi joꞌcan anakcuan ut chi junelic kꞌe cutan. 9Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.
Li xtojbal xma̱queb li nequeꞌxmajecua li Dios
10Saꞌ eb li cutan aꞌan quicuan jun li cui̱nk aj Israel lix naꞌ ut aj Egipto lix yucuaꞌ. Li cui̱nk aꞌan qui-oc chi pletic riqꞌuin jun aj Israel saꞌ li naꞌajej li cuanqueb cuiꞌ li muheba̱l. 11Li cui̱nk, lix yum li ixk aj Israel, quixhob ut quixmajecua xcꞌabaꞌ li Ka̱cuaꞌ. Joꞌcan nak quicꞌameꞌ riqꞌuin laj Moisés. Lix naꞌ Selomit xcꞌabaꞌ. Aꞌan lix rabin laj Dibri xcomoneb li ralal xcꞌajol laj Dan. 12Li cui̱nk quiqꞌueheꞌ saꞌ tzꞌalam ut eb laj Israel queꞌroybeni re nak li Ka̱cuaꞌ tixcꞌut chiruheb cꞌaꞌru us teꞌxba̱nu. 13Li Ka̱cuaꞌ quia̱tinac riqꞌuin laj Moisés ut quixye re: 14—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec. 15Ta̱ye reheb laj Israel nak li ani tixmajecua li Dios, tento nak tixtoj rix lix ma̱c. 16Li ani tixmajecua xcꞌabaꞌ li Dios ta̱camsi̱k, usta aj Israel usta jalan xtenamit li cuan Israel. Chixjunileb li tenamit teꞌxcamsi chi pec xban nak xmajecua xcꞌabaꞌ li Ka̱cuaꞌ. 17Li ani tixcamsi ras ri̱tzꞌin tento ta̱camsi̱k. 18Ut li ani tixcamsi junak reheb lix queto̱mk li ras ri̱tzꞌin, tento nak tixqꞌue re̱kaj li xul li xcamsi. 19Li ani tixba̱nu raylal re li ras ri̱tzꞌin, joꞌcan ajcuiꞌ ta̱uxk re aꞌan. 20Cui naxjor xbakel li ras ri̱tzꞌin, tento nak ta̱jorekꞌ xbakel aꞌan. Cui narisi xnakꞌ ru, tento nak ta̱isi̱k xnakꞌ ru aꞌan. Cui narisi ruch re, ta̱isi̱k ajcuiꞌ ruch re aꞌan. Li cꞌaꞌru xba̱nu re li ras ri̱tzꞌin, joꞌcan ajcuiꞌ ta̱uxk re aꞌan. 21Li ani tixcamsi junak xul, tento tixqꞌue re̱kaj li xul li xcamsi. Ut li ani tixcamsi ras ri̱tzꞌin, tento nak ta̱camsi̱k aꞌan. 22Li chakꞌrab aꞌin tenebanbil saꞌ xbe̱neb laj Israel joꞌ eb ajcuiꞌ li jalaneb xtenamit. La̱in li Ka̱cuaꞌ le̱ Dios.— 23Nak laj Moisés ac xye aꞌin reheb laj Israel, queꞌxcꞌam li cui̱nk li quixmajecua li Ka̱cuaꞌ toj chirix li naꞌajej li cuanqueb cuiꞌ lix muheba̱leb. Ut aran queꞌxcamsi chi pec. Eb laj Israel queꞌxba̱nu joꞌ quiyeheꞌ re laj Moisés xban li Ka̱cuaꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.